1 Tim 5:7 - Musamu Wamubwete 2013

⁷ Mimyo ye yelemini kubatuma, mpisi bahele kuba na mi babaseembele.

1 Tim 5:7 ပူးပေါင်းရင်းမြစ်များ

Mukaanda kuri bari Filipo 2:15

mpisi luhele kuba na mi baluseembele, luhele kuba na kinsaangi-nsobo, luba baala ba Nzaambi bahele na mi babaseembele, ha kakati dya kiseendu kya baatu bawumuka na bababi. Ha kakati dya baatu babo, beenu luri mu kweseme bunu byuufu bya mbaawu mu nsi,

1 Tim 1:3

Bunu bu nyabee kuleele, ha nyabee kweende me ku Makedonya, dzakala ku Efeso, mpisi heki wedika babamosi, yaa beyikisa nyikusulu dzikimi ko,

1 Tim 4:11

Ye yelemini kutuma na yikisa misamu mimyo.

1 Tim 6:17

Leele kuri bisina bya ntaangu yimayi, yaa baba na masiiku ko, na yaa basiila nsiitu mu busina bwa mwaa-ntaangu mosi ko, ngo basiila nsiitu mu Nzaambi, nde kootuhaanaa byobinso mu busina mpisi tumono kiminu mu byo.

2 Tim 4:1

Me nyikuyingukila ha busu bwa Nzaambi, na ha busu bwa Kiristo Yesu, nde wukwiisa kutsuundisa bamwooyo na bafwa, na mu monokunu yaandi na mu kimfumu kyaandi,

Mukaanda kuri Tito 1:13

Kimbaangi kimaki kiri kyangwanwa. Mu dyaambu didyo, ye yelemini kubaseembe mu makwa, mpisi baba bakuma mu kanyi,

Mukaanda kuri Tito 2:15

Ye yelemini kudzoonsolo mu mamo, kusyaamisa na seembe mu lutumu lwolunso. Muutu yaa kakunyaafuna ko.