1 Tim 5:10 - Musamu Wamubwete 2013

¹⁰ wayabakana mu biyiriki byabibwete, wayeki wabuukisa baala, wataambula banzeense, waswaaka miilu mya bangisi, wabakisa bari mu ngebe, na wasa mutima mu mpisi kiyiriki kyakibwete.

1 Tim 5:10 ပူးပေါင်းရင်းမြစ်များ

Musamu wamubwete watina Matayi 25:17

Bwobumosi kuri wunde wataambiri byoolo, wabaka byoolo bikimi.

Musamu wamubwete watina Matayi 5:16

Hemesee buungi bwa beenu buseme ha busu bwa baatu, mpisi bamono biyiriki byeenu byabibwete, na bakeembese Taayi dyeenu diri mu mayulu.»

Musamu wamubwete watina Luka 7:38

Bu kaba ha mbisa miilu mya Yesu, wabeke mu kudila na kuboloso miilu mya Yesu mu mansangasa, wayaala myo mu mfu dza mutu waandi, waminyumutina, na wakila myo mananaasi.

Musamu wamubwete watina Luka 7:44

Yesu bu kasyeeteke kuri mukyeetu, ha kaleele kuri Simoni ti: «Ye wumono mukyeetu wumawu? Me nkotirye mu nzo ye, ngo ye sii haanaa me maampa ma kuswaaka miilu; kasi nde bolisiri miilu mya me mu mansangasa maandi, na yaariri myo mu mfu dzaandi.

Biyiriki bya Bantumu 10:22

Bo baleele «Kornelyo wuri mukuutu nkama bayongolo, muutu wasuunguma na wuri na kibvumi kya Nzaambi, kaanda dyodinso dya Bayudayo bamuteelaa kimbaangi kyakibwete, mbasi yangisi yimulubiryee mu kutumisa ye ku nzo yaandi, na kuyuka maampu ma ye.»

Biyiriki bya Bantumu 22:12

Kwaba muutu mosi, nkuumbu Ananya, wuri na kinzaambi bunu buri mangisi, wuri na kimbaangi kyakibwete, ha kakati dya Bayudayo bobanso badzakalaa haho.

Biyiriki bya Bantumu 6:3

Saakeenu bampaangi nsaamu, ha kakati dya beenu, bari na kimbaangi kyakibwete, baluula mu Mpeeve na mu madyeele, batuheenee kisalu kikyo.

Biyiriki bya Bantumu 9:36

Ku Yope kwaba muyiki mosi wa mukyeetu, nkuumbu yaandi Tabita, mambangukulu "Dorka". Nde waba waluula mu biyiriki byabibwete na waba kwehaanaa lubakusu.

Biyiriki bya Bantumu 9:39

Petelo bu kateleme, wayisa na bo. Bu katubuka, bamunwaatisa ku kwarita dya ku yulu, bafwiiri bobanso bamumonokono kuri bari mu kudila, na bamusoongo binkuta na biyuungu byaba tuunga Dorka, bu kaba kintwaari na bo.

Mukaanda kuri bari Loma 12:13

Bakisee bangisi mu manzala maaku, namitinee mu ntambukulu banzeense.

Mukaanda kuri bari Efeso 2:10

Mukwongo, beetu turi biyiriki bya Nzaambi, nde watuyirika mu Kiristo Yesu, mu kuba na biyiriki byabibwete, bi kari katekesele kuyirika, mpisi tubisalila.

Mukaanda kuri bari Kolosayi 1:10

kuri ti beenu lwedyaatila mu nzelu yayelemene mu Mfumu, mu kubweeye kuri mu myominso, mu kubuta bimbutu mu mpisi kiyiriki kyakibwete, na kubuuka mu nyaabulu ya Nzaambi.

1 Tim 2:10

kasi byayelemene kuri bakyeetu basalilaa kibvumi kya Nzaambi, ngo mu kubweeye mu biyiriki byabibwete.

1 Tim 3:2

Mukuutu dibuundu yelemini kuba wahele na di bamuseembele, mulumi wuri na mukasi mosi, wuri na ndiilu na nwiinu byayelemene, wasoongolo, wakiinsuma, mutaamburi-banzeense, wakuka mu kuyikisa;

1 Tim 3:7

Yelemini kuba se na kimbaangi kyakibwete kimuteelile bari ku mbasi, mpisi kahele kufwa nsoni na kubwa mu siinga dya dyabulu.

1 Tim 5:16

Mbuti kuri mukyeetu ngaa-kanyi wuri na bafwiiri mu kaanda, lo kababakisa, na yaa kayekele kisalu kuri dibuundu ko, mpisi heki dibuundu kabakisa babo bari bafwiiri bangwanwa.

1 Tim 5:25

Bwobumosi se, biyiriki byabibwete biri byayabakana; ngo byakaka byahele kuyabakana se, ka bitsiitsa kuba byasweeme ko.

1 Tim 6:18

Baleele bayirika mamabwete, baba bisina mu biyiriki byabibwete, bangaa-kikabu, baatu bayirima mu kukabula,

2 Tim 1:5

Me nyibaambuka mwooyo mu kanyi dyangwanwa diri mu ye, kanyi didyo dyatekisiri kuba mu Lowisi, mwankaaka yaaku ya mukyeetu, na mu nguri yaaku Enike, me nyirikiri kuyaaba ti diri mu ye se.

2 Tim 2:21

Ngo mbuti muutu tsyeemisini nyutu yaandi mu mamabi mamo, lo nde sa kaba lukoombo lwa lukiinsu, lwawuunguku, luri mufunu kuri Mfumu, mu kulusalila mu mpisi ma bayirikaa mamabwete.

2 Tim 3:15

Kuholosono bulesi bwaaku, Matinu Mangisi ye wumayaari, mo makuka mu kuha ye madyeele, mu kubaka mvuukulu mu kanyi mu Kiristo Yesu.

2 Tim 3:17

mpisi heki muutu Nzaambi kaba wayirima, na kabaka biri mufunu mu nyirikulu momanso mamabwete.

Mukaanda kuri Tito 2:14

Nde wayekiri nyutu yaandi mu ntoono beetu, mpisi katukuula mu momanso mamabi, na kutsyemekese kaanda dya nde-meene dyasoolu, diri na kuheme mu biyiriki byabibwete.

Mukaanda kuri Tito 2:7

mu myominso. Ye-meene se, soongo kifwaani mu biyiriki byabibwete, nsyemukunu na lukiinsu kunsa nyikisulu.

Mukaanda kuri Tito 3:1

Baambula mwooyo kuri bo ti, bayelemini kuba batumuma kuri baatu balukiinsu na kuri bari na lutumu; baba na bintambukulu, na baba bayirima mu mpisi kiyiriki kyakibwete.

Mukaanda kuri Tito 3:14

Baatu ba beetuneenu se, bayelemini kuyika kuheele mutima mu biyiriki byabibwete, mu kubaka bibari na nzala byo bya mufunu, mpisi heki bahele kuba baatu bahele na bimbutu.

Mukaanda kuri Tito 3:8

Maampu mamama mayelemene mu kusiila kanyi, na me ntiiri ti ye yirika kutswiikisa dyaambu didyo, mpisi heki bamwaasiila kanyi mu Nzaambi, batsimina na baheele mutima mu biyiriki byabibwete. Mimyo miri myamibwete na miri mufunu kuri baatu.

Mukaanda kuri Bahebeleho 10:24

Hemese tukebesenee manyutu beetu na beetu, mu kubaka nsyamusunu mu ntiilu na mu biyiriki byabibwete.

Mukaanda kuri Bahebeleho 13:2

Yaa ludzimikina ntambukulu banzeense ko, bukuri mu yo, baatu babamosi bataamburi bambasi kwahele kuyaaba.

Mukaanda kuri Bahebeleho 13:21

kaluha makwa ma kuyirika myominso myamibwete, mu kukukisa kutya kwaandi, kayirika mu beetu mamo mamabwete, ha busu bwa Yesu Kiristo, kuri nde kuba nkeembu mu bibvu ngo bibvu. Amene!

1 Pet 2:12

Beenee na ndyaatulu yayibwete ha kakati dya bangooyi, mpisi heki ti hayuku bakwelufutukila misamu, bunu bayiriki ba mamabi, lo bo bamono biyiriki byeenu byabibwe, na bakeembise Nzaambi mu kiluumbu ki kakwiisa kulumono.

1 Pet 4:9

Yendee lwetaambula bambaasi beenu na beenu, kwahele kwemunguta.

3 Yow 1:12

Baatu bobanso bateeriri Demeteryo kimbaangi kyakibwe. Ngwanwa yo-meene se yiri mu kumuteele kimbaangi. Beetu se tumuteele kimbaangi, na ye yaari ti kimbaangi kyeetu kyangwanwa.