1 Tim 5:1 - Musamu Wamubwete 2013

¹ Yaa seembe wa kinuni mu kibakala ko, ngo musyaamisa bunu ti taayi, hololo minkuula bunu bampaangi,

1 Tim 5:1 ပူးပေါင်းရင်းမြစ်များ

Musamu wamubwete watina Matayi 23:8

Ngo kasi, beenu yaa baluteele ko ti "Muyikisi"; bukuri beenu Muyikisi mosi luri na nde; beenu bobanso luri bampaangi.

Biyiriki bya Bantumu 14:23

Mu mpisi dibuundu, bo basoolo bakulu ba babakala, babasaambikila, na bakoto loomi, bayekele bo kuri Mfumu mu wunde wubari basa kanyi.

Biyiriki bya Bantumu 15:4

Bu batubuka ku Yerusalemi, dibuundu, bantumu na bakulu ba babakala bababwaana, baleele momanso mari mu kweyirika Nzaambi mu bo.

Biyiriki bya Bantumu 15:6

Bantumu na bakulu ba babakala bakutukina mu kumono dyaambu didyo.

Biyiriki bya Bantumu 20:17

Kuholosono ku Mileto, Pawulo waheeke mukeensu ku Efeso mu kutumisa bakuutu ba dibuundu.

Mukaanda kuri bari Loma 13:7

Bvutuleenu kuri bobanso bi bari na miswa: mpaku kuri wu luyelemini kufuta mpaku; mukesu kuri wu luyelemini kufuta mukesu; kibvumi kuri wu luyelemini kubvumina; lukiinsu kuri wu luyelemini kukiinsa.

Mukaanda kuri bari Ngalatya 6:1

Bampaangi, mbuti muutu bamutangusini wuyirika mamabi, lo beenu bakimpeeve suungukeenu wa bubwo, mu mpeeve ya bundeembu, ngo ye-meene se, sa madyeele mpisi hele kubwa mu nsindukulu.

1 Tim 5:17

Bakulu ba babakala bari mu kwetwaalisa kwa kubwete, bayelemini kutaambula lukiinsu lwa biteesu byoolo, mbiki ti bakwemono mpasi mu maampu na mu nyikusulu.

1 Tim 5:2

bakyeetu babuuka, bahololo bunu banguri, bantuumba bunu bibusi, kunsa bungisi bwobunso.

Mukaanda kuri Tito 2:2

Babakala ba binuni baba na ndiilu na nwiinu byayelemene, baba bakiinsuma, basoongolo, bakuma mu kanyi, mu ntiilu, na mu kifiki.

Mukaanda kuri Tito 2:6

Syaamisa minkuula se bwobumosi, baba basokomo

Mukaanda wa Yakobo 3:17

Ngo kasi madyeele ma ku yulu, hatete mari nkati matsyeemeke, tumi ma kiyeengi, madzuuna, matumuma, maluula mu ngebe na mu bimbutu byabibwete, mahele na munsoori na mahele na bumpitu-bumpyoongo.

Mukaanda wa Yakobo 5:14

Muutu mu beenu kubeele kari kabeele? Katumisa bakulu ba babakala ba dibuundu, mpisi bamusambikila, na bamukila maasi mu nkuumbu Mfumu.

1 Pet 5:1

Me nyisyaamisa bakulu ba babakala bari ha kakati dya beenu. Me se nyiri mukulu-bakala bunu bo, mbaangi mu mpasi dza Kiristo, na nyiri kintwaari mu nkeembu yiba yayabakana.

2 Yow 1:1

Me Mukulu-bakala, kuri Mukyeetu wasoolu, na kuri baala baandi, ba nyiri nyatya mu ngwanwa. Ngo kari wunu me kitsu nyibatii ko, kasi bobanso se bamwaayaaba ngwanwa,

3 Yow 1:1

Me Mukulu-bakala, kuri Ngayo nduku ya mutima, yi ntiiri mu ngwanwa.

Nyabusulu ya Yowane 4:4

Mu teteke dya mboloko, mwaba makuumi moolo na mana ma mamboloko, na ha yulu mo binuni makuumi moolo na bina byaba byadzakala, byalwaata binkuta byahembeke na nkoongolo dzawoolo mu yulu mitu.