1 Tim 4:16 - Musamu Wamubwete 2013

¹⁶ Sa madyeele ye-meene, na mu nyikusulu. Namitina kusalila bubwo; bukuri wusalilaana bubwo, lo ye sa wabvuuka ye-meene, na sa wabvuukisa babo bakuywiila.

1 Tim 4:16 ပူးပေါင်းရင်းမြစ်များ

Musamu wamubwete watina Malako 13:9

Ngo seenee madyeele mu beenu-meene. Sa baluyekele ha busu bwa kikuutu, sa balulata mu manzo ma nkutukunu, na sa lwateleme ku muyalu ha busu bwa batumi na ha busu bwa bambyaasi, mu ntoono me, mu kuteele me kimbaangi kuri bo.

Musamu wamubwete watina Luka 21:34

«Seenee madyeele mu beenu-meene, mu kubata ti mitima myeenu mikwiisa kuba malemu, mu ntoono nwiinu yamansaalisi, nkolulu malu, na minyoongi mya kidziingu kimaki, na kuri ti kiluumbu kikyo kihele kulutubukila na sisuu,

Biyiriki bya Bantumu 26:22

Me Nzaambi wa bakisa me, natee mu kiluumbu ki. Me nyiri hamaha, mu kuta kimbaangi kuri bilesi na bakuutu. Babikiri na Moose bayaabisiri miyelemini kwiisa, minimyo se me nyiri mu kwetswiikisa.

Biyiriki bya Bantumu 6:4

Beetu ngo bari, tunamitina mu lusaambulu na mu kisalu kya kuyikisa.

Mukaanda kuri bari Loma 11:14

mbuti heki mu bubwo, lo me nsii kuri ti, baturi mu kaanda dya muswinyi basa bukwa, na me mvuukisa babamosi mu bo.

Mukaanda kuri bari Loma 16:17

Bampaangi, me nyilusyaamisa mu kusa madyeele, mu baatu bakwesa nkabunu na bakwelubumusa makya, mu nyikusulu dzi luri lwataambula; batekelee mbisa;

Mukaanda kuri bari Loma 2:7

Sa kaha kidziingu kyahele manunu kuri babamosi, bakwesaka mu kifiki kunsa kisalu kyaandi, nkeembu, lukiinsu na kiteesu kyahele mbolulu.

1 Kol 1:21

Mukwongo, bukuri nsi mu nyaabulu ya nde-meene wahele kuyaaba Nzaambi, kunsa nyaabulu ya Nzaambi. Nzaambi wamono dyo dyadibwete mu kubvuukisa, mu bulawuku bwa nyikusulu, baatu basiila kanyi.

1 Kol 9:22

Me nyayeki kuri bari na buyonsi bunu me nyiri na buyonsi, mpisi heki me mbaka babo bari na buyonsi; me nyayeki myominso kuri bobanso, mpisi heki mu nzelu ngo nzelu, me mvuukisa babamosi.

1 Kol 9:27

ngo me nyiri mu kwebamisa nyutu me-meene, na nyayidzitikila misiinga, mpisi heki me-meene mpele kuba ha luteke, ha mambisa ma kuyikisa bakaka.

Mukaanda kuri bari Efeso 4:14

Haho lo tubweese kuba baala, banyingusu na bakweyende mu mpisi kiteembu kya nyikusulu dza kimpa kya baatu, mu lupyelu lwa bo ko, na mu mawunu na lumvuki lwa bo.

Mukaanda kuri bari Kolosayi 4:17

Leeleenu kuri Arkipo ti: Sa madyeele mu kisalu ki wuri wataambula mu Mfumu, mpisi sala kyo kwakubwete.

1 Tes 2:16

Bakwetukabukisa kuyikisa bangooyi mpisi bahele kubvuuka. Mu didyo bo bari mu kukukisilaana kiteesu kya masumu maaku, mpisi ntaangu. Ngo ku manunu nkesi dza Nzaambi dzi mwaa kubatubukila.

1 Tim 1:3

Bunu bu nyabee kuleele, ha nyabee kweende me ku Makedonya, dzakala ku Efeso, mpisi heki wedika babamosi, yaa beyikisa nyikusulu dzikimi ko,

1 Tim 4:15

Salila mamo, heele mutima mpisi bobanso bamono ti kisalu kya ye kiri mu kubuuka.

1 Tim 4:6

Wubaangulaana misamu mimyo kuri bampaangi, lo ye sa ba kisari kyakibwete kya Kiristo Yesu, kyadiisulu mu maampu ma kanyi, na mu nyikusulu dzadzibwete, dzi wuri mu kunama kwa kubwete.

2 Tim 2:10

Hango-nkuumbu, me nyiri mu kwekiindisa mutima mu myominso, mu ntoono basoolu, mpisi heki bo se babaka mvuukulu yiri mu Kiristo Yesu, na nkeembu ya mantaangu momanso.

2 Tim 3:14

Ngo ye wasiila kanyi mu ma wuri wayika, na ma wuri wabakula ti mangwanwa, bu yaari kuri na, wuri wamayikila.

2 Tim 4:2

yikisa Maampu, landukina mu ntaangu yayelemene na yahele kuyelemene, seembe, ŋaŋina, syaamisa, mu nkindusulu-mutima yoyinso kunsa nyikusulu.

Mukaanda kuri Tito 1:9

Nde yelemini kuba se wakaangama mu maampu ma bayelemene kusiila kanyi, mpisi kaba wakuka mu kusyaamisa baatu mu nyikusulu dzadzibwete, na mu kutungukila se babo bari na muhaawu.

Mukaanda kuri Tito 2:15

Ye yelemini kudzoonsolo mu mamo, kusyaamisa na seembe mu lutumu lwolunso. Muutu yaa kakunyaafuna ko.

Mukaanda kuri Tito 2:7

mu myominso. Ye-meene se, soongo kifwaani mu biyiriki byabibwete, nsyemukunu na lukiinsu kunsa nyikisulu.

Film 1:19

Meme Pawulo, ntinini mu kooko kwa me-meene, me sa nyafuta, mu kuhele kuleele kuri ye ti, ye-meene wuri kibiimbu kuri me.

Mukaanda kuri Bahebeleho 12:15

Seenee madyeele, mpisi muutu kahele kubisa bweese bwa Nzaambi, na kuhele kuba mwaansi wankari wumene mu kukotoso kisaangila, na kubiyisa baatu balaka.

Mukaanda kuri Bahebeleho 13:9

Yaa lutala ko ti, baluwumuna mu nyikusulu dza bitsuumbu-bitsuumbu dzanzeense. Bukuri buri bwabubwete, ti mutima kaba wasyaamusu mu bweese, nkani ka mu mangisi ma byandya, mari babo bakoomabvuminaa, babakilaa mo ndaandu ko.

Mukaanda wa Yakobo 5:20

lo kayaaba ti: wunde wubvutula ngaa-masumu mu nzila yasuunguma, lo sa kabvuukisa muwuumunu nde mu lufwa, na sa kafuka fundu-fundu dya masumu.