Babo baba babvuri bitsimi bubwete ti na bari Tesalonika. Bo bataamburi maampu mu kiminu kyalaka. Mpisi kiluumbu, bo baba fyongokinaana Matinu, mu kumono kari myominso myatswiika.
Bampaangi, nki kwaandi? Mu ntaangu yi lukutukunaa beenu, mosi wuri na mukuunga, wakaka wuri na nyikusulu, mukimi wuri na nyabusulu, wuni wuri na ma kuleele mu ndiinga, wakaka wuri na mambangukulu: myominso miyirimina mu ntuungulu.
Ngo mu lumalu bampaangi, mbuti me nyiisaa kuri beenu, kuludzoonsolo mu mandiinga, lo nkya mufunu me nyiba na nde kuri beenu, mbuti nyahele kudzoonso mu kutubula nyaabusulu, bunu pe nyaabulu, bunu pe mbikululu, bunu pe nyikusulu?
Sa madyeele ye-meene, na mu nyikusulu. Namitina kusalila bubwo; bukuri wusalilaana bubwo, lo ye sa wabvuuka ye-meene, na sa wabvuukisa babo bakuywiila.
Wubaangulaana misamu mimyo kuri bampaangi, lo ye sa ba kisari kyakibwete kya Kiristo Yesu, kyadiisulu mu maampu ma kanyi, na mu nyikusulu dzadzibwete, dzi wuri mu kunama kwa kubwete.