1 Tim 4:12 - Musamu Wamubwete 2013

¹² Muutu yaa kasaana butuuti bwa ye ko, ngo soongo kifwaani kuri bangaa-kanyi, mu nzoonsulu, mu ndyaatulu, mu ntiilu, mu kanyi, na mu bungisi.

1 Tim 4:12 ပူးပေါင်းရင်းမြစ်များ

Musamu wamubwete watina Matayi 18:10

«Talee kweenu ka lukwiisa kunyaafuna ti mosi mu mwaa bilesi bimabi; bukuri me nyiluleele ti, bambasi ba bo mu mayulu bakyeesaa kidziri kya Taayi dyaami, diri mu mayulu.» [

1 Kol 11:1

Beenee minsombisiri mya me, bunu bu nyikwesombosolo me se Kiristo.

Mukaanda kuri bari Filipo 4:8

Mu misiiri ngo miri bampaangi, myominso miri myangwanwa, myominso myalukiinsu, myominso myasuunguma, myominso myatsyeemeke, myominso mi batiiri, myominso myamibwe mu kuleele, na mbuti kuri manzelu mamabwete, na myayelemene kusiika, lo tsiminee myominso mimyo.

1 Tes 1:6

Na beenu lwayeki minsombisiri mya beetu na mya Mfumu, bu lwataamburi Maampu kunsa mpasi dzalaka, mu kiminu kya Mpeeve Yangisi.

1 Tes 2:10

Beenu luri bambaangi, Nzaambi se mbaangi: ndyaatulu beetu yaba yangisi, yasuunguma, na yahele maseembu ha busu bwa beenu basiila kanyi.

1 Tim 1:14

Ngo bweese bwa Mfumu yeetu bwabuukila, ha kimosi na kanyi na ntiilu yiri mu Kiristo Yesu.

2 Tim 2:15

Sa makwa ye-meene, mu kumonokono ha busu bwa Nzaambi, bunu muutu wu bamwaatsiitsa, bunu kisari kihele kufwa nsoni, kikweyikisa maampu mangwanwa mu nyikusulu dzasuunguma.

2 Tim 2:22

Yitika mantiilu ma butuuti, saka nsungumunu, kanyi, ntiilu, na kiyeengi mu kintwaari na babo bayingukilaa Mfumu mu mutima watsyeemeke.

2 Tim 2:7

Bakula mamo ma nyileele. Mukwongo, Mfumu sa kakuha madyeele mu myominso.

Mukaanda kuri Tito 2:15

Ye yelemini kudzoonsolo mu mamo, kusyaamisa na seembe mu lutumu lwolunso. Muutu yaa kakunyaafuna ko.

Mukaanda kuri Tito 2:7

mu myominso. Ye-meene se, soongo kifwaani mu biyiriki byabibwete, nsyemukunu na lukiinsu kunsa nyikisulu.

Mukaanda wa Yakobo 3:13

Nani mu beenu wuri ngaa-madyeele na wayika? Kasoongo dyo mu ndyaatulu yayibwete, na mu biyiriki byaandi bya kidzuunu na bya madyeele.

Mukaanda wa Yakobo 3:17

Ngo kasi madyeele ma ku yulu, hatete mari nkati matsyeemeke, tumi ma kiyeengi, madzuuna, matumuma, maluula mu ngebe na mu bimbutu byabibwete, mahele na munsoori na mahele na bumpitu-bumpyoongo.

1 Pet 5:3

kari mu kuba bunu bamfumu, ha yulu babo balukwetwaalisa ko, ngo mu kuba kifwaani kyakibwete kuri mpuumbu.