1 Tim 3:6 - Musamu Wamubwete 2013

⁶ Yaa kaba se wamoono mu dibuundu ko; mpisi heki masiiku mahele kumudzusa miisu, na kahele kubwa mu mutsuundu wu batsuundisila dyabulu.

1 Tim 3:6 ပူးပေါင်းရင်းမြစ်များ

Musamu wamubwete watina Luka 10:18

Yesu waleele kuri bo ti: «Me mbee mono Satana bunu nseremi, yiyisikiri ku yulu na yibwiiri!

1 Kol 3:1

Me ngo wuri, bampaangi, me nyasii bangusina kuludzoonsolo bunu ti kuri baatu bakimpeeve ko, ngo bunu ti kuri baatu ba muswinyi, bunu ti kuri mwaa-baala bansoombo mu Kiristo.

1 Kol 8:1

Mu musamu wutariri toongo twaha mu kikabu kuri biteki, tuyaari kuri ti beetu-banso turi na nyaabulu, ngo nyaabulu yihaanaa masiiku, kasi ntiilu yihaanaa ntuungulu.

2 Kol 12:7

Mu ntoono manyabusulu mankimukunu. Hango-nkuumbu, mu kuri ti me mpele kuba na masiiku, me bankotoso lunseende mu nyutu, mbasi ya Satana yikwendata, mpisi heki me mpele kuba na masiiku.

1 Tim 3:7

Yelemini kuba se na kimbaangi kyakibwete kimuteelile bari ku mbasi, mpisi kahele kufwa nsoni na kubwa mu siinga dya dyabulu.

1 Tim 6:4

lo nde masiiku ma mudzusa miisu, na kayaa kitotolo ko. Nde wuri na bubeeru bwa nkalikisi na mayumu mu misamu. Kukwo kukoofuminaa musoki, nkalikisi, bitari, nsimunu mamabi,

2 Tim 3:4

bakweyarika bambaasi, bangaa-kituunsi kya nkesi, bangaa-masiiku mabuunu, babvuriri kutya minkeembu ti na Nzaambi;

1 Pet 2:2

Bunu mwaa-baala bansoombo, dilileenu beene dyadibwete, dya maampu ma Nzaambi, mpisi heki mu nde beenu lubuuka mu kubaka mvuukulu,

1 Pet 5:5

Bunubwo se, bituuti, beenee batumuma kuri bakulu ba babakala. Beenu-banso lwaateenu nkulukulu bunu musweele ha busu bwa bambaasi, bukuri: «Nzaambi wutungukilaa bangaa-masiiku, ngo kasi wuhaanaa bweese kuri bakuluka.»

2 Pet 2:4

Mukwongo, Nzaambi kasii wuungula bambasi basumukini ko, ngo wabakaangiri mu bikonyi, na wabatubiri ku lubila lwa mampimbisi, ku kari kabawuunguka mu ntoono mutsuundu.

Mukaanda Yuda 1:6

Bambasi bari basii kebe kibeendu kya bo-meene ko, ngo basisiri kikuundi kya bo-meene, nde wabawuunguka mu bikonyi bya bibvu ngo bibvu, kunsa mampimbisi, mu kiluumbu kyakinene kya mutsuundu.