1 Tim 3:16 - Musamu Wamubwete 2013

¹⁶ Diri dyayabakana ti, mpaanu dza kinzaambi dziri dzadzinene: Kiristo, wamonikini mu muswinyi, Mpeeve wasoongiri kuri ti nde wasuunguma, bambasi bamumono, bamuyabikisa kuri makaanda, bamusiila kanyi mu nsi, bamunata ku yulu mu nkeembu.

1 Tim 3:16 ပူးပေါင်းရင်းမြစ်များ

Musamu wamubwete watina Matayi 1:23

«Mono, mwaa-ntuumba ya nswaasa sa kabaka yimi, na sa kabuta mwaana wa mubakala, na sa bamuteele nkuumbu Emanweli.» – Mbangukulu ti: «Nzaambi wuri na beetu». –

Musamu wamubwete watina Matayi 13:11

Nde wabvutula kuri bo ti: «Bukuri, kuri beenu baheeri kiteesu kya kuyaaba mpaanu dza Kimfumu kya mayulu; ngo kuri bo, bahele kuha.

Musamu wamubwete watina Matayi 28:2

Na mono ntembukulu ya butoto yayinene yabwa. Mukwongo, mbasi Mfumu yanangukina ku yulu yasunduka. Bu yakokosolo, yanengemene tari ha luteke na wadzakala ha yulu dyo.

Musamu wamubwete watina Matayi 3:16

Yesu na kumubotoko na kutoomboko ku nkoto; na mono, mayulu madzibuma [mu ntoono ya nde], na nde wamono Mpeeve ya Nzaambi yakulumuka, bunu beembe [na] yayisa ha yulu nde.

Musamu wamubwete watina Matayi 4:11

Haho, dyabulu wamusisa; na mono, bambasi bakokosolo na bamusalila.

Musamu wamubwete watina Malako 1:13

Yesu walutisa biluumbu makuumi mana ku nsi yankatu, na Satana wamukotoso mu nsindukulu. Nde waba ha kimosi na bibulu bya ku bitiiti, na bambasi baba musalilaana.

Musamu wamubwete watina Malako 16:19

Mfumu Yesu, kamanaa kudzoonso kuri bo, wanaangunu mu mayulu na wadzakala ha lubakala lwa Nzaambi.

Musamu wamubwete watina Malako 16:5

Bu bakoto munsa mampeembe, bamono mwa munkuula mosi wadzakala ha lubakala, walwaata kinkuta kyahembeke; bo babwiilikila kinkuuka.

Musamu wamubwete watina Luka 2:32

Bubwo ngo buungi mu kuyabakana kuri makaanda, na nkeembu ya baatu baaku, Isaheli.»

Musamu wamubwete watina Luka 20:44

Habaanaa Davidi wumuteele "Mfumu", lo dyaburi nde kabweese kuba mwaana Davidi?»

Musamu wamubwete watina Luka 22:43

Haho, mbasi ya ku yulu yamumonokono, mu kumusyaamisa.

Musamu wamubwete watina Luka 24:4

Bu baba beki bwakusiila kuyaaba pe, mono, babakala boolo balwaata binkuta bikweseme, bateleme ha busu bwa bo.

Musamu wamubwete watina Luka 24:51

Bu kaba mu kubasakumuna, nde wahaambuka na bo, na wanaangunu ku yulu.

Musamu wamubwete watina Yowane 1:14

Ngo Maampu mayeki makituka muutu, nde wayisa kuba ha kakati dya beetu, waluula mu bweese na mu ngwanwa, na beetu twamono nkeembu yaandi, nkeembu yiri bunu yitaambulaana mwaana ndemosi kuri Taayi.

Musamu wamubwete watina Yowane 13:3

Yesu bu kaba kayaari ti, Taata wamuyakisa byobinso mu myooko myaandi, na ti, nde wafumuna kuri Nzaambi, na kuri Nzaambi keki bvutuka,

Musamu wamubwete watina Yowane 15:26

«Mbasi-tsuku, dikwiisa Mukakiri wuri ku Taata, Mpeeve Yangwanwa yifumuna kuri Taata, wunyiluheeke me, nde sa kateele me kimbaangi,

Musamu wamubwete watina Yowane 16:28

Me nyapalila mu Taata, na nyayisa ha nsi; me nyeki bweese kuyisika ha nsi, na kweende kuri Taata.»

Musamu wamubwete watina Yowane 17:5

Mu lumalu, Taata keembese me, ha teke ye-meene, mu nkeembu yi nyaba na yo ha teke ye, tekesele nsi yiyirima.

Musamu wamubwete watina Yowane 20:12

nde wamono bambasi boolo balwaata binkuta byahembeke, badzakala, mosi ku mutu, na wakimi ku miilu, haho ha baba basuusa nyutu Yesu.

Musamu wamubwete watina Yowane 6:62

Heki mbuti, beenu lumwiini Mwaana muutu toombikiri ku yulu ku kaba?

Biyiriki bya Bantumu 1:19

na dyayabakana kuri bobanso badzakala mu Yerusalemi, mu kiteesu kiri baluka nseke yiyo mu ndiinga ya bula bwa bo ti Akeledama, mbangukulu ti "Nseke ya makila."

Biyiriki bya Bantumu 10:34

Petelo bu kadzibula munwa waleele ti: "Mu ngwanwa me mbakiri ti Nzaambi wahele na nsobokoso mu baatu,

Biyiriki bya Bantumu 14:27

Bu batubuka, bakutukisa dibuundu, bayaabisa momanso ma yirikiri Nzaambi kintwaari na bo, mu kudzibukila bangooyi mweelu wa kanyi.

Biyiriki bya Bantumu 20:28

Seenee madyeele mu beenu-meene, na mu mpuumbu bimeeme yoyinso yiri Mpeeve Yangisi wulutelemisi mu kuba bakebi. Buunguleenu dibuundu dya Nzaambi di kari kabaka mu makila ma nde-meene.

Mukaanda kuri bari Loma 10:12

Mukwongo, kwahele nsobokoso ha kakati dya Muyudayo na Muhelene. Bukuri bobanso Mfumu mosi, wuri kisina kuri bobanso bakoomuteelaa mbila.

Mukaanda kuri bari Loma 10:18

Kasi me nyifuula ti: buri basii kuyuka ko? Heehe bayukiri kwaandi! «Mbeembu bo yayukukuna mu nsi yansiina; na maampu ma bo matubuka natee mwasukuna butoto.»

Mukaanda kuri bari Loma 16:25

Kuri wunde wakuka mu kulukumisa, bunu buri Musamu waami Wamubwete, wu nyikwenata mu nyaabusulu Yesu Kiristo, bunu buri nyabusulu mpaanu dzasweeku, kuholosono mu mantaangu mahele mbandukulu na manunu.

Mukaanda kuri bari Loma 16:26

Mpaanu dzidzo dzamonokono mu lumalu, mu matinu ma babikiri, mu lutumu lwa Nzaambi yahele mbandukulu na manunu, mu kuri ti makaanda momanso mabaka nyaabulu na matumuma mu kanyi.

Mukaanda kuri bari Loma 3:4

Ti bele na dyo pe! Nzaambi ngaa-ngwanwa, ngo kasi mpisi muutu wuri na mpya, bunu bu diri dyatinu: «Ye yelemini kuba wasuunguma mu nzoonsulu yaaku, mpisi ye luuluka ha bakutsuundisa.»

Mukaanda kuri bari Loma 8:3

Mukwongo, mangisi maketi kubangisina mimyo ko, bukuri maba mahele na makwa mu ntoono muswinyi. Ngo Nzaambi bu kaheeke Mwaana waandi, mu kifwa-fwani kya muutu ngaa-masumu, mu ntoono masumu, wabwiisa masumu mu nyutu ya muswinyi,

Mukaanda kuri bari Loma 9:5

Bataayi bari, Kiristo wapalila mu bo mu muswinyi, nde wuri hayulu byobinso, Nzaambi wasakumunu mu bibvu. Amene.

1 Kol 15:47

Muutu watete wafumuna mu butoto, wa tubuumbu, waboolo wafumuna ku yulu.

1 Kol 2:7

ngo kasi, beetu turi mu kweyikisa madyeele ma Nzaambi masweeku kunsa mpaanu, mari Nzaambi watekisiri kutaasila mo mu nkeembu yeetu tekesele mu bibvu.

2 Kol 1:19

Bukuri, Mwaana Nzaambi, Yesu Kiristo wu turi twayaabisa kuri beenu, me na Silvano na Timoteho, nde kasii kuba: «heehe» na «pele» ko.

Mukaanda kuri bari Ngalatya 2:8

Bukuri wunde wasariri mu Petelo, kuri ti kaba ntumu kuri bateende bubakala, wasariri se mu me, kuri ti me mba ntumu kuri makaanda.

Mukaanda kuri bari Ngalatya 4:4

Ngo ntaangu bu yakuka, Nzaambi waheeke Mwaana waandi, wabutuka mu wa mukyeetu, na watumuma mu Mangisi,

Mukaanda kuri bari Efeso 1:9

Nde watuyaabisa mpaanu dza kutya kwaandi, bunu buri kiminu kyaandi ki kasoongiri mu Kiristo,

Mukaanda kuri bari Efeso 6:19

na mu me se, mpisi heki me bampa dyaambu dya kuleele, mu ntaangu yintiiri kudzibula munwa waami, mu kuyaabisa mu bunsaalisi mpaanu dza Musamu Wamubwete.

Mukaanda kuri bari Kolosayi 1:23

Ngo luyelemini kunamitina kuba batuunguma, na kuba na keketee mu kanyi, kwahele kusasika mu nsiitu ya Musamu Wamubwete wu luri lwayuka, wu bari bayaabisa kuri biyiriki byobinso ha butoto, na wu nyayeki me Pawulo kisari.

Mukaanda kuri bari Kolosayi 1:27

Kuri bo, Nzaambi katiiri kuyaabisa, ha kakati dya makaanda, bunu buri busina bwa nkeembu ya mpaanu yimayi. Mpaanu yiyo ngo Kiristo mu beenu, nsiitu ya nkeembu.

Mukaanda kuri bari Kolosayi 1:6

Musamu meene watubuka natee kuri beenu, bwobumosi se kari mu nsi yansiina, wuri mu kwebuta bimbutu na wuri mu kwebuuka; bunubwo se kari mu kwesala mu beenu, kuholosono kiluumbu ki luri lwayuka, na ki luri lwabakula bweese bwa Nzaambi kunsa ngwanwa.

Mukaanda kuri bari Kolosayi 2:2

Me ntiiri ti mitima mya bo miba myasyaamusu, baba babvuutuna mu kintwaari kunsa ntiilu, na mu kubaka busina bwobunso bwa nduululu ya madyeele, mu nyaabulu mpaanu dza Nzaambi, ngo Kiristo,

2 Tes 1:10

mbasi-tsuku ha kakwiisa, mu kiluumbu kikyo, mu kuba wakeembusu mu bangisi baandi, na mu kuba wasiika mu bobanso basiilaana kanyi, bukuri beenu lwasiiriri kanyi mu kimbaangi kyeetu.

2 Tes 2:7

Mukwongo, mpaanu ya mamabi yeki mu kwesala; ngo kasi wunde wamukangikila yelemini kuba wayisila.

1 Tim 3:9

Bayelemini kukebe mpaanu dza kanyi mu mutima wa mutsiina.

Mukaanda kuri Bahebeleho 1:3

Nde wuri kuseme kwa nkeembu yaandi, na kifwaani kya nzelu yaandi, nde wakwaata nsi mu mpinu dza maampu maandi; bu kamana kutsyeemese baatu mu masumu, nde wadzakala ha lubakala lwa Mwa-mpuungu kunu kinsongi-yulu.

Mukaanda kuri Bahebeleho 12:2

Tusyeetulee kisoosi kuri Yesu, mubaandiki na mukukisi kanyi, nde wuri, ha kibeendu kya kiminu ki bamusoongiri, wakuunda mpasi dza kuruwa, bu ka nyaafuna nsoni, na wadzakala ha lubakala lwa Nzaambi na lwa mboloko yaandi.

Mukaanda kuri Bahebeleho 7:7

Ngo, kwahele nkalikisi, wa mukuutu koosakumunaa wa kilesi.

Mukaanda kuri Bahebeleho 8:1

Musamu wubvuriri mufunu, mu mi turi mu kuleele, ngo wumawu: beetu turi na mukuutu bangaanga-nzaambi wa bubwo, wadzakala ha lubakala lwa mboloko ya bumbyaasi mu mayulu.

1 Pet 1:12

Babayaabisa kuri ti, dyaambu di baba kwesalilaana dyaba diri dya bo-meene ko, ngo dya beenu. Na mu lumalu bayikisi ba Musamu Wamubwete bamwaluyaabisa dyo, mu Mpeeve Yangisi yafumuna ku yulu. Bambasi se batiiri kuyaaba dyaambu didyo.

1 Pet 1:20

Nde wayabakana tekesele nyirikulu nsi, na wamumonokoso mu ntaangu ya manunu mu ntoono beenu.

1 Pet 1:21

Mu nde, beenu lwasa kanyi mu Nzaambi, wamufulukisa mu bafwa, na wamuha nkeembu, kuri heki kanyi dyeenu, na nsiitu yeenu biba mu Nzaambi.

1 Pet 3:18

Bukuri Kiristo wamono mpasi, lwo lumosi mu masumu; nde wasuunguma wamono mpasi mu ntoono bahele kusuunguma, mpisi heki kalunata kuri Nzaambi. Nde bamudzusiri mu muswinyi, ngo Mpeeve yamufulukisi.

1 Pet 3:22

nde wuri bu kayende ku yulu, wuri ha lubakala lwa Nzaambi. Bambasi, na baatu bari na lutumu na bari na mpinu, bari kunsa lutumu lwaandi.

1 Yow 1:2

kidziingu kikyo kyamonikini, beetu twakimono, turi mu kuta kimbaangi, tuluyaabisa kidziingu kyahele manunu, kyaba kuri Taata na kyamonikini kuri beetu.

1 Yow 3:5

Beenu luyaari kuri ti: Kiristo wamonikini mu kuyusula masumu, na mu nde mwahele masumu.

1 Yow 3:8

Wunde wuyirikaa masumu, lo wa dyabulu, bukuri kuholosono kunu mbandukulu dyabulu watobiri masumu. Mu dimadi Mwaana Nzaambi kamonikini, mpisi katsyaamuna biyiriki bya dyabulu.

Nyabusulu ya Yowane 17:5

Ha mbuunsu yaandi haba hatina nkuumbu mosi ya nsweeki: «Babiloni dyadinene, nguri biyala na mya nsoni mya ha butoto.»

Nyabusulu ya Yowane 17:7

Mbasi yaleele kuri me ti: «Mu nki ntoono ye wukimuka? Me sa nyayaabisa ye mpaanu dza mukyeetu na dza kibulu kiri na mitu nsaamu, na mampoko kuumi, kiri mu kwemunata.

Nyabusulu ya Yowane 7:9

Ha mambisa haho, me nyatala na nyamono mpuumbu baatu yayinene, yiri muutu ti mosi lo wahele kubangisina kutaanga, baatu ba mansi momanso, ba bitsuumbu byobinso, ba makaanda, na ba mandiinga momanso, baba bateleme ha busu bwa mboloko, na ha busu bwa Mwaana kimeeme, baba balwaata madzweele mahembeke na bakwaata matsweenyi mu myooko.