1 Tim 3:15 - Musamu Wamubwete 2013

¹⁵ mpisi heki, ti hayuku me nziingiri mu kwiisa, lo ye yaaba bunu bwa kudyaatila mu nzo ya Nzaambi, yiri dibuundu dya Nzaambi yamwooyo, kuunsi na kitsuku kya ngwanwa.

1 Tim 3:15 ပူးပေါင်းရင်းမြစ်များ

Musamu wamubwete watina Matayi 16:16

Simoni Petelo wabvutula, waleele ti: «Ye ngo Kiristo, Mwaana wa Nzaambi ya mwooyo.»

Musamu wamubwete watina Matayi 18:18

«Mu ngwanwa me nyiluleeriri ti: mpisi ma lukaanga beenu ha butoto, sa maba makaangu mu mayulu. Na mpisi ma lunyanguna beenu ha butoto sa maba manyanguna mu mayulu.»

Musamu wamubwete watina Yowane 1:17

mukwongo bukuri mangisi mayisikila mu Moose, bweese na ngwanwa byayisikila mu Yesu Kiristo.

Musamu wamubwete watina Yowane 14:6

Yesu waleele kuri nde ti: «Me ngo nzila, ngwanwa na bumwooyo; kuri muutu wukweende kuri Taata, mbuti ka mu me ko.

Musamu wamubwete watina Yowane 18:37

Pilato waleele kuri nde ti: «Ngo ye mbyaasi wuri?» Yesu wabvutula ti: «Ye wuri mu kuleele ti me mbyaasi nyiri. Mu bubwo me nyiri nyabutuka, na mu bubwo me nyiri nyayisa ha nsi, mpisi heki me nta kimbaangi mu mitariri ngwanwa. Mpisi wunde wuri mu ngwanwa, lo wuyukaa mbeembu me.»

Musamu wamubwete watina Yowane 6:69

na beetu twasa kanyi, na tuyaari ti ye ngo Wangisi, wa Nzaambi.»

Biyiriki bya Bantumu 1:2

natee mu kiluumbu kiri, kamana kuha, mu Mpeeve Yangisi, ntumu dzaandi, kuri bantumu babo ba kasooriri, nde wanaangunu.

Biyiriki bya Bantumu 14:15

na baleele ti: "Bampaangi, buri lusa mya bu mi? Beetu se turi na bitsimi byobimosi na beenu, beetu turi baatu bunu beenu; Musamu Wamubwete wutuluyaabisiri, ngo mu kubwoongolo myahele mufunu mi, mu kusyeeteke kuri Nzaambi ya mwooyo, wayirika yulu, butoto, mubu na byobinso biri mu byo;

Mukaanda kuri bari Loma 3:2

Yiri yayinene mu monso. Bukuri kuri Bayudayo batekisiri kuha maampu ma Nzaambi.

Mukaanda kuri bari Loma 9:26

na ha kibeendu ki baba baleele kuri bo ti: "Beenu luri kaanda dya me ko", haho sa babateele baala ba Nzaambi ya mwooyo.»

1 Kol 10:32

Yaa lwebumisa baatu makya ko, ti Bayudayo, ti Bahelene, ti dibuundu dya Nzaambi,

1 Kol 3:16

Buri beenu lwahele kuyaaba ti beenu luri nzo-Nzaambi, na ti Mpeeve Nzaambi yadzakala mu beenu?

2 Kol 3:3

Nkati diri dyayabakana ti, beenu ngo mukaanda Kiristo wu turi twatubula beetu, wahele kuba watinu mu ntiinta yapiinda, ngo mu Mpeeve Nzaambi yamwooyo; wahele kuba watinu mu bibari bya malweende, ngo mu mabaya ma mitima mya muswinyi.

2 Kol 6:16

Nkya nyukusunu yiri ha kakati dya Nzo ya Nzaambi na biteki? Bukuri beetuneenu turi Nzo ya Nzaambi yamwooyo, bunu bwaleele Nzaambi ti: «Me sa nzakala ha kakati dya bo, na me sa nyeyende na bo, Me sa mba Nzaambi bo, na bo sa baba baatu baami.»

2 Kol 6:7

mu maampu ma ngwanwa, mu mpinu dza Nzaambi; mu kuba na binwaanunu bya nsungumunu, bya kooko kwalubakala na bya kooko kwalumoso,

Mukaanda kuri bari Ngalatya 2:9

Yakobo, Kefa na Yowane, bari kubahololo bunu makuunsi, bamanaa kubakula ti me bampeeri bweese, batuha mamboto, beetu na Barnaba mu kusoongo kidiimbu kya nyukusunu, mpisi heki beetu tweende kuri makaanda, na bo beende kuri bateende bubakala.

Mukaanda kuri bari Ngalatya 3:1

Sa beenu bari Ngalatya bimpuumbulu! Na waluloko? Buri kari ha miisu mya beenu, bari bayirika kubaangula bunu bu bakomini Yesu Kiristo ha yulu kuruwa ko?

Mukaanda kuri bari Efeso 4:21

Mbuti heki beenu lwayuka mi kari kaleele nde-meene, na mu nde, beenu baluyikisa, bunu buri ngwanwa yiri mu Yesu,

Mukaanda kuri bari Kolosayi 1:5

mu ntoono nsiitu yibari balusweekele mu mayulu, yi luri lwatekesele kuyuka, mu maampu mangwanwa ma Musamu Wamubwete.

1 Tes 1:9

Bukuri bobanso bakwedzoonsolo mu beetu, mu ntambukulu yi lwatutaamburi ha twayisiri kuri beenu, na bunu bu luri lwasiisila beenu biteki na kusyeeteke kuri Nzaambi, mu kusalila nde, Nzaambi ya mwooyo na ya ngwanwa,

1 Tim 3:14

Me nyikutinina misamu mimami, bu nyiri na nsiitu mu kwiisa kuri ye mu mawasu;

1 Tim 3:16

Diri dyayabakana ti, mpaanu dza kinzaambi dziri dzadzinene: Kiristo, wamonikini mu muswinyi, Mpeeve wasoongiri kuri ti nde wasuunguma, bambasi bamumono, bamuyabikisa kuri makaanda, bamusiila kanyi mu nsi, bamunata ku yulu mu nkeembu.

1 Tim 3:2

Mukuutu dibuundu yelemini kuba wahele na di bamuseembele, mulumi wuri na mukasi mosi, wuri na ndiilu na nwiinu byayelemene, wasoongolo, wakiinsuma, mutaamburi-banzeense, wakuka mu kuyikisa;

1 Tim 3:5

Mukwongo, mbuti muutu wahele kuyaaba kutwaalisa nzo ya nde-meene, lo buri katsiitsa kutwaalisila dibuundu dya Nzaambi?

1 Tim 4:10

Mukwongo, mbuti turi mu kwebama na kwenwaana, lo bukuri twasa nsiitu mu Nzaambi yamwooyo, yiri mubvuukisi baatu bobanso, mbiki ti bari na kanyi.

1 Tim 6:16

Kuri wunde wuri, wunu nde kitsu wuri kafwaana ko, wadzakala kunsa buungi buri bwa kukokosolo pe, wuri muutu ti mosi kamumwii ko, na katsiitsa kumumono ko, kuba lukiinsu na mpinu dzahele manunu. Amene.

2 Tim 2:19

Diri dyangwanwa ti lufulu lwa sa Nzaambi lwa makwa lwateleme, luri na kinyemu kyatina ti: «Mfumu yaari baatu baandi, na wunde wutaangunaa nkuumbu Mfumu, yelemini kutatuka na mamabi.»

2 Tim 2:20

Munsa nzo yayinene, kari dzini nkoombo dza woolo na dza palata dzikoobaanaa ko, ngo kubaanaa se dza miti, na dza tubuumbu. Dzamosi badzisalilaa mu lukiinsu, ngo dzakaka badzisalilaa kwahele lukiinsu.

Mukaanda kuri Bahebeleho 10:21

na turi na ngaanga-nzaambi yayinene, mu nzo ya Nzaambi.

Mukaanda kuri Bahebeleho 12:22

Ngo kasi beenu lwakokosiri bebele na mulaandu wa Syoni, na bvula dya Nzaambi ya mwooyo, Yerusalemi dya ku yulu, na mafuunda ma bambasi makutukina mu munkeembu,

Mukaanda kuri Bahebeleho 3:12

Seenee madyeele, bampaangi, mpisi kuhele kuba mu beenu muutu ti mosi, wuba na mutima-bubi, wahele na kanyi, wutatuka na Nzaambi yamwooyo,

Mukaanda kuri Bahebeleho 9:14

lo makila ma Kiristo, waheeri nyutu yaandi yahele na kipfuumi, mu Mpeeve ya mantaangu momanso kuri Nzaambi, mabvuriri kutsyeemese nsimunu yeetu mu biyiriki byafwa, mu kusalila Nzaambi yamwooyo.

1 Pet 2:5

na beenu-meene se, bunu matari mamwooyo, beene batuunguma mu nzo ya kimpeeve, mu kuyirika kingaanga kyangisi, mu kuha bikabu byayoku byakimpeeve, byataambulu kuri Nzaambi mu Yesu Kiristo.

1 Pet 4:17

Bukuri kimaki ngo kilookolo kya kubaandika mutsuundu mu nzo ya Nzaambi. Ngo mbuti bandukiri mu beetu, lo buri bubeele nsukulu ya babo, babisa kusa kanyi mu Musamu Wamubwete wa Nzaambi?

Nyabusulu ya Yowane 7:2

Na me nyamono mbasi yikimi, yaba naaka ku mpele ya este, yaba yakwaata kinyemu kya Nzaambi yamwooyo. Nde wabikisa mu mbeembu yayinene kuri bambasi bobana, ba bari baloombo mu kumonoso butoto na mubu mpasi,