1 Tim 3:11 - Musamu Wamubwete 2013

¹¹ Bakyeetu se bwobumosi, bayelemene kuba bakiinsuma, bahele na makele, bari na ndiilu na nwiinu byayelemene, bakwiikama mu myominso.

1 Tim 3:11 ပူးပေါင်းရင်းမြစ်များ

Musamu wamubwete watina Matayi 4:1

Hanaho, Mpeeve yanata Yesu ku nsi ya nkatu, mpisi dyabulu kamusa mu nsindukulu.

Musamu wamubwete watina Yowane 6:70

Yesu wabvutula kuri bo ti: «Buri beenu bo kuumi na boolo, kari me nyalusoolo ko? Ngo mosi mu beenu dyabulu kari.»

Mukaanda kuri bari Loma 1:29

Bayeki baluula mu momanso ma bubayi, mu mutima-bubi, mu ntiki-mboongo, mu nyirikulu mamabi; baluula mu musoki, nzusulu baatu, mu mayumu, mu mawunu, mu ndyaatulu dzadzibi. Bo bangaa-saana,

1 Tim 1:12

Me nyibvutula matoondo kuri wunde wampa makwa, Yesu Kiristo, Mfumu yeetu, bukuri nde wamwiini ti me nyayelemene mu kunsuusa mu kisalu.

1 Tim 3:2

Mukuutu dibuundu yelemini kuba wahele na di bamuseembele, mulumi wuri na mukasi mosi, wuri na ndiilu na nwiinu byayelemene, wasoongolo, wakiinsuma, mutaamburi-banzeense, wakuka mu kuyikisa;

1 Tim 6:2

Babo bari bamfumu baaku basiilaa kanyi, yaa babanyaafuna ko bukuri ti bampaangi, ngo kasi babasalila kubvuriri bubwete, bukuri mamabwe mabayirika mamo, kuri bampaangi ba mutima, bangaa-kanyi bari mu kuyirika. Mamo ye yelemini kuyikisa na kutuma.

2 Tim 3:3

bahele na ntiilu, bahele na kyaari, bangaa-makele, bahele na mangisi, bangaa-bumfuna, bataatu ba mamabwete,

2 Tim 4:5

Ngo ye, ba wasoongolo mu myominso, kuunda mpasi, sa kisalu kya budingisi, kukisa kisalu kyaaku.

Mukaanda kuri Tito 2:3

Bakyeetu ba binuni se bwobumosi, mu kidziingu kya bo basoongo nzelu yayelemene mu bangisi. Yaa baba na makele ko, yaa baba bankutu ba nwiinu malu ya mawaamba ko, ngo baba bayikisi ba mamabwe,

Mukaanda kuri Tito 3:2

Muutu kutuka pe, kuba pe bangaa-bikiindu, baba na bumpoombo, basoongo bundeembu kuri baatu bobanso.

1 Pet 5:8

Beene bangaa-ndiilu na nwiinu byayelemene, beenee naana. Mutaatu weenu dyabulu, wuri mu kwedyengekele bunu nkosi yi kwewuma, yi kwesaka wu kamingutina.