1 Tim 2:8 - Musamu Wamubwete 2013

⁸ Ngo me ntiiri ti babakala besaambila mu mpisi kibeendu, kuri banaanguna myooko myatsyeemeke, kwahele nkesi na nkalikisi.

1 Tim 2:8 ပူးပေါင်းရင်းမြစ်များ

Musamu wamubwete watina Matayi 21:21

Yesu kabvutula kuri bo, waleele ti: «Mu ngwanwa me nyiluleeriri, mbuti beenu lubeeri na kanyi, na lwahele kusa mpaka, kari mana ma lumwiini mu mungenge, luketi kuyirika kitsu ko, ngo na kuri mulaandu wu se, ha beeri lo luleeriri ti: "Yisika na yende bwa mu mubu", lo bubwo buyirimini.

Musamu wamubwete watina Matayi 5:44

Ngo me nyiluleele ti: Tyeenee bataatu beenu, na saambilee mu babo bakwelunwaanisa,

Musamu wamubwete watina Matayi 6:12

Tuhemesene bubi bweetu, bunu bu twahemisini beetu se babee tuyirikila mamabi.

Musamu wamubwete watina Luka 23:34

[Haho, Yesu waleele ti: «Taata, wubahemesene, bukuri bahele kuyaaba ma bari mu kuyirika.»] Bo bakabula binkuta bya nde mu nteelulu wari.

Musamu wamubwete watina Luka 24:50

Tumi Yesu wanata bayiki baandi [ku mbasi] natee bebele na Betanya; na bu kanaanguna myooko myaandi, wabasakumuna.

Musamu wamubwete watina Yowane 4:21

Yesu wamuleele ti: «Mukyeetu, siila me kanyi, ti kilookolo kiri mu kwiisa, kiri beenu, kari ku yulu mulaandu wu ko, bunu pe kari ku Yerusalemi ko, lusaambila Taata.

Biyiriki bya Bantumu 10:2

Nde waba munsaambiri wamakwa, waba se na kibvumi kya Nzaambi, kaanda dyaandi se dyodinso. Nde waba haana lubakusu kwalaka kuri baatu, na waba saambilaana Nzaambi mu ntaangu ngo ntaangu.

Biyiriki bya Bantumu 10:31

nde ti: "Kornelyo, lusaambulu lwa ye luyukukini mu yulu, Na Nzaambi babukiri mwooyo mu bikabu bi koohaanaa ye kuri bawelu.

Biyiriki bya Bantumu 10:4

Nde watala yo kisoosi tumi na boomo bwobunso, nde waleele ti: "Bi nki Mfumu?" Mbasi yaleele ti: "Nsaambulu dzaaku na lubakusu lwaaku bitoombokirye bunu kikabu ha busu bwa Nzaambi.

Biyiriki bya Bantumu 21:5

Biluumbu bya kulitisa haho bu byawa, beetu twayende. Bo batufila mu kintwaari na bakasi na baala, natee ku mbisa bvula, na bu twatsukuma ha simu dya mubu ha twasaambila.

Biyiriki bya Bantumu 7:60

Bu katsukuma, wafula musaakulu mu mbeembu yayinene ti: "Mfumu, yaa bataangula sumu dimadi ko." Bu kaleele mamo, Nde wabwa tolo.

1 Kol 1:2

tutina kuri dibuundu dya Nzaambi diri ku Korinto, kuri ba bari basakumuna mu Yesu Kiristo, bataambula mbila mu kuba bangisi, kintwaari na bobanso bateelaa nkuumbu ya Mfumu yeetu Yesu Kiristo, mu mpisi kibeendu, Mfumu bo, yiri ya beetu se.

1 Kol 7:7

Me mbee ntii kwaandi, ti baatu bobanso baba bunu me; kasi mpisi muutu wuri na kikabu kya nde-meene kya muha Nzaambi, wamosi wuri na kimaki, wakaka wuri na kikyo.

2 Kol 2:14

Matoondo kuri Nzaambi! Nde wuri mu mpisi ntaangu wutululukisaa mu Kiristo, na wukwepukulaa mu mpisi kibeendu, mfuku ya nyaabulu yaandi mu beetu.

Mukaanda kuri bari Filipo 1:12

Bampaangi, me ntiiri ti beenu luyaaba ti: mimyo mitariri me, myadziburi nzila kuri ti Musamu Wamubwete keende ku mankula.

1 Tes 1:8

Bukuri, kuholosono kuri beenu, kari mani Maampu ma Mfumu mayukukuna, mu Makedonya na mu Akaya ko, ngo kanyi dyeenu mu Nzaambi se dyayabakana mwomunso, kuri lo beetu twahele kubweese kwaandi ti kudidzonsolo.

1 Tim 5:14

Ngo me ntiiri ti bafwiiri bakiri mu buntuumba bakweele, babuta baala, batwaalisa manzo maaku, na yaa baha mpwaani ti mosi ko kuri mutaatu mu kudzoonso mamabi.

Mukaanda kuri Tito 3:8

Maampu mamama mayelemene mu kusiila kanyi, na me ntiiri ti ye yirika kutswiikisa dyaambu didyo, mpisi heki bamwaasiila kanyi mu Nzaambi, batsimina na baheele mutima mu biyiriki byabibwete. Mimyo miri myamibwete na miri mufunu kuri baatu.

Mukaanda kuri Bahebeleho 10:22

Ngo hemese tukokosoleenu mu mutima wa mutsiina, na kanyi dyakuka, kuri mutima watsyeemese mu bitsimi byabibi, na nyutu yaswaaku mu maampa matsyeeme.

Mukaanda wa Yakobo 4:8

Kokosolee kuri Nzaambi, na nde sa kakokosolo kuri beenu. Swaakee myooko myeenu, beenu bangaa-masumu. Tsyeemesee mitima myeenu, beenu bangaa-maketi-keti.

1 Pet 3:7

Balumi se bwobumosi, dzakaleenu mu kintwaari kunsa nyukusunu, bunu bu luyaabiri buyonsi bwa kitsuumbu kya bakyeetu. Bakiinseenu, bukuri bo se bari bakoondiri ba saala dya bweese bwa kidziingu. Yirikee bubwo, mpisi heki nsaambulu dzeenu dzihele kuba dzakakusulu.