1 Tim 1:5 - Musamu Wamubwete 2013

⁵ Mufunu ntumunu yimayi, wuri mu kuri ti luba na ntiilu yifumunaa mu mutima watsyeemeke, nsimunu yayibwete, na kanyi dyahele bumpitu-bumpyoongo.

1 Tim 1:5 ပူးပေါင်းရင်းမြစ်များ

Musamu wamubwete watina Matayi 12:35

Muutu wamubwe wupalisa misamu myamibwete mu kisweekulu kyaandi kyakibwete; na muutu wamubi, wupalisaana misamu myamibi mu kisweekulu kyaandi kyakibi.

Musamu wamubwete watina Matayi 5:8

Kiminu kuri batsyeemeke mu mitima, bukuri bo sa bamono Nzaambi!

Biyiriki bya Bantumu 15:9

na wahele kusa nsobokoso ha kakati dya bo na beetu, bukuri mu kanyi, Nzaambi katsyeemisinyee mitima mya bo.

Biyiriki bya Bantumu 23:1

Pawulo katala kikuutu kya Bayudayo kisooso waleele ti: «Bampaangi baami, mu nsimunu yaami yoyinso, me nyadyeeti ha busu bwa Nzaambi, mu kifwaani kyakibwe natee kiluumbu ki.»

Biyiriki bya Bantumu 24:16

Me-meene nyisalila kwa mu kumonoko kwahele maseembu mu nsimunu yaami, ha busu bwa Nzaambi, na ha busu bwa baatu mu mantaangu momanso.

Mukaanda kuri bari Loma 10:4

Bukuri Kiristo ngo nsukulu ya mangisi, mu ntoono nsungumunu, ya mpisi wunde wusa kanyi.

Mukaanda kuri bari Loma 12:9

Ntiilu yiba yahele na bumpitu-bumpyoongo. Yitikee mamabi, kaangamee mu mamabwe.

Mukaanda kuri bari Loma 14:15

Ngo mbuti mu ntoono byandya, mpaangi yaaku wuri na ngebe, lo ye wahele kudyaatila bunu buri ntiilu. Mu ntoono ya byandya, yaa suumbula wunde wuri Kiristo wamufwiila ko.

Mukaanda kuri bari Loma 9:1

Me ngwanwa nyiri mu kudzoonso mu Kiristo, nyahele kufuta mpya, nsimunu yaami yinteelele kimbaangi, mu Mpeeve Yangisi,

1 Kol 13:1

Mbuti me nyidzoonsaa mandiinga ma baatu, na ma bambasi, ngo nyahele na ntiilu, lo me nyeki nguunga bunu pe ngomo yi bari mu kusika.

2 Kol 1:12

Mukwongo, kimweese kyeetu ngo kimbaangi kya nsimunu yeetu, beetu twadyaatiri ha nsi, na ha busu bwa beenu, mu nkulukulu na mu nsyemukunu ya Nzaambi, kari mu madyeele ma kimuutu ko, ngo mu bweese bwa Nzaambi.

Mukaanda kuri bari Ngalatya 5:22

Kasi kimbutu kya Mpeeve ngo: ntiilu, kiminu, kiyeengi, nkindusulu-mutima, mbweeyulu-mutima, nzala-baatu, kanyi,

Mukaanda kuri bari Ngalatya 5:6

Bukuri, mu Yesu Kiristo, kuteende bubakala bunu pe kuhele kuteende bubakala ka biri mufunu ko, ngo biri mufunu, kanyi disoongaana biyiriki mu ntiilu.

1 Tim 1:18

Ntumunu yi nyiri mu kuha kuri ye mwaana waami Timoteho, bunu buri mbikululu dzi bari batekesele kuleele mu ntoono ye, kuri ti, mu dzo, ye nwaana nwaanunu yayibwete,

1 Tim 1:19

bu wuri na kanyi na nsimunu yayibwete. Nsimunu yiyo babamosi bayeki bayilooso, na mu mitariri kanyi bo bayeki bapatuka mu maampa.

1 Tim 3:9

Bayelemini kukebe mpaanu dza kanyi mu mutima wa mutsiina.

2 Tim 1:3

Me nkoobvutulaa matoondo kuri Nzaambi, yiyo yi nyisaambilaa mu mutima watsyeemeke, bunu bwaba saambilaa bakuutu. Nyisalilaa bubwo, mu ntaangu yi nyibambukilaa ye mwooyo, mu nsaambulu dzaami butsuku na mwiini kwahele kuhoto.

2 Tim 1:5

Me nyibaambuka mwooyo mu kanyi dyangwanwa diri mu ye, kanyi didyo dyatekisiri kuba mu Lowisi, mwankaaka yaaku ya mukyeetu, na mu nguri yaaku Enike, me nyirikiri kuyaaba ti diri mu ye se.

2 Tim 2:22

Yitika mantiilu ma butuuti, saka nsungumunu, kanyi, ntiilu, na kiyeengi mu kintwaari na babo bayingukilaa Mfumu mu mutima watsyeemeke.

Mukaanda kuri Tito 1:15

Kuri babo batsyeemeke, lo byobinso byatsyeemeke; kuri babo bayeki babviimfuka na bahele na kanyi, lo kuri ti kimosi kyatsyeemeke ko; ngo madyeele ma bo na nsimunu bo byayeki byasumuka.

Mukaanda kuri Bahebeleho 10:22

Ngo hemese tukokosoleenu mu mutima wa mutsiina, na kanyi dyakuka, kuri mutima watsyeemese mu bitsimi byabibi, na nyutu yaswaaku mu maampa matsyeeme.

Mukaanda kuri Bahebeleho 13:18

Saambileenu mu beetu. Mukwongo, beetu tuyirikiri kuyaaba ti turi na nsimunu yayibwete, mu nzala kuba na ndyaatulu yayibwete mu myominso.

Mukaanda kuri Bahebeleho 9:14

lo makila ma Kiristo, waheeri nyutu yaandi yahele na kipfuumi, mu Mpeeve ya mantaangu momanso kuri Nzaambi, mabvuriri kutsyeemese nsimunu yeetu mu biyiriki byafwa, mu kusalila Nzaambi yamwooyo.

Mukaanda wa Yakobo 4:8

Kokosolee kuri Nzaambi, na nde sa kakokosolo kuri beenu. Swaakee myooko myeenu, beenu bangaa-masumu. Tsyeemesee mitima myeenu, beenu bangaa-maketi-keti.

1 Pet 1:22

Beenu lwatsyeemese miheebulu myeenu mu kutumuma kuri ngwanwa, mu dyaambu dya ntiilu ya kimpaangi, yahele na bumpitu-bumpyoongo. Tilisineenu beenu na beenu kwalaka mu mutima watsyeemeke,

1 Pet 3:16

ngo diba mu bundeembu, mu kibvumi, na mu bitsimi byabibwete, mpisi heki mu ntoono yi bari mu kulusaanina, babo balusaana bafwa nsoni, mu kumono mu ndyaatulu yeenu yayibwete mu Kiristo.

1 Pet 3:21

Kikyo kyaba kifwaani kya mbotokulu, yilubvuukisa mu lumalu, mbotokulu yiyo yiri ya nswaakulu mviindu dza muswinyi ko, ngo ntambukulu Nzaambi mu kitsimi, mu nzila ya mfulukulu Yesu Kiristo,

1 Pet 4:8

Tekeselee meti, kutilisina kwalaka beenu na beenu, bukuri "ntiilu yifuukaa fundu-fundu dya masumu".

2 Pet 1:7

ha yulu kinzaambi, nzala-baatu, ha yulu nzala-baatu, ntiilu.

1 Yow 3:10

Mu didyo, bayaabulaa baala ba Nzaambi, na baala ba dyabulu. Mpisi wunde wuhelaa kusalila nsungumunu kari wa Nzaambi ko; bunubwo se kuri wuhelaa kutya mpaangi yaandi.

1 Yow 3:23

Lumalu ngo lutumu lwaandi: ti beetu tusa kanyi mu Mwaana waandi, Yesu Kiristo, na tutilisinee beetu na beetu, bunu bu kari katuha lutumu.

1 Yow 3:3

Mpisi wunde wuri na nsiitu dza bubwo mu Kiristo, lo wutsyeemikaa nde-meene, bunu bu kari katsyeemeke nde.