1 Tes 5:8 - Musamu Wamubwete 2013

⁸ Ngo beetuneenu turi baatu ba mwiini, tubeeneenu na ndiilu na nwiinu byayelemene twahele kukolo malu, twalwaata kanyi na ntiilu bunu kinkuta kya mu ntulu kya mukaanda kibulu, na twalwaata nsiitu ya mvuukulu bunu mpu ya kitari.

1 Tes 5:8 ပူးပေါင်းရင်းမြစ်များ

1 Kol 13:13

Mu lumalu, byo bitatu bibyo biri: kanyi, nsiitu na ntiilu; ngo mu byo, kibvuriri bunene ntiilu.

2 Kol 6:7

mu maampu ma ngwanwa, mu mpinu dza Nzaambi; mu kuba na binwaanunu bya nsungumunu, bya kooko kwalubakala na bya kooko kwalumoso,

Mukaanda kuri bari Ngalatya 5:5

Mukwongo, mu Mpeeve, beetu turi mu kwekiingila nsungumunu yi turi twasiila nsiitu mu kanyi.

Mukaanda kuri bari Efeso 6:11

Lwateenu binwaanunu bya Nzaambi, mu kubangisina kuteleme na ngwii ha busu bwa biyiriki bya dyabulu.

Mukaanda kuri bari Efeso 6:23

Kiyeengi, ntiilu na kanyi bifumunaa kuri Nzaambi Taata, na kuri Mfumu Yesu Kiristo biba kuri bampaangi.

1 Tes 5:5

Mukwongo, beenu-banso luri baala ba buungi na baala ba mwiini. Beetuneenu ka turi baatu ba butsuku bunu pe ba mampimbisi ko.

2 Tes 2:16

Hemese Mfumu yeetu Yesu Kiristo nde-meene, na Taayi dyeetu Nzaambi, watutya na watuha mu bweese bwaandi, mboondulu ya bibvu ngo bibvu na nsiitu yayibwete,

Mukaanda kuri Bahebeleho 6:19

dziri bunu kinko kya kidziingu kyeetu, kyakomono mu makwa na keketee, kyakaanga natee mu nsaanda Nzo-nzaambi ya ku yulu.

1 Pet 1:13

Hango-nkuumbu, beeneenu balubuka, beeneenu bari na ndiilu na nwiinu byayelemene, sileenu nsiitu dzodzinso mu bweese bu balutwalikila, mu ntaangu yimonokono Yesu Kiristo.

1 Pet 2:9

Ngo kasi beenu, luri kitsuumbu kyasoolu, kabu dya bangaanga-nzaambi ba mbyaasi, kaanda dyangisi, baatu babakama kuri Nzaambi, mu kweyaabisa mamabwe, ma wunde waluteele mbila, mu kupala mu mampimbisi na kukoto mu buungi bwaandi bwansisi.

1 Yow 1:7

mbuti beetu tudyaatila kunsa buungi, lo turi mu kintwaari beetu na beetu, na makila ma Yesu, Mwaana waandi, matutsyeemisaa mu mpisi sumu.