1 Tes 5:6 - Musamu Wamubwete 2013

⁶ Hango-nkuumbu, yaa tubweeneenu tolo bunu bakaka ko, ngo tubeenee naana na kuba na ndiilu na nwiinu byayelemene.

1 Tes 5:6 ပူးပေါင်းရင်းမြစ်များ

Musamu wamubwete watina Matayi 13:25

Mu ntaangu yiri baatu bari tolo, mutaatu waandi wiisiri, nyakini nsaangi dza lukengisi munsa nseke, na weensi.

Musamu wamubwete watina Matayi 24:42

Ngo, beenee naana, bukuri lwahele kuyaaba Mfumu yeenu, nkya kiluumbu kakwiisa.

Musamu wamubwete watina Matayi 25:13

Ngo beenee naana, bukuri lwahele kuyaaba kiluumbu na kilookolo.»

Musamu wamubwete watina Matayi 25:5

Mulumi bu kaba dziingila mu kwiisa, bobanso miisu mya baleme na babwa tolo.

Musamu wamubwete watina Matayi 26:38

Haho, nde waleele kuri bo ti: «Mutima me weki na ngebe natee mu kiteesu kya lufwa; beenee hamaha na beenee naana kintwaari na me.»

Musamu wamubwete watina Malako 13:37

Mamo ma nyiri mu kululeele, kuri bobanso me nyileele: beenee naana.»

Musamu wamubwete watina Luka 12:37

Kiminu kuri bisari bibyo biri, Mfumu ha kakwiisa wubatangisini kuri bari naana. Mu ngwanwa me nyiluleele ti: nde sa kalwaata kinkuta kya kusalila, sa kabadzakisa mpisi badya, na sa kayooko mu kwebasiila byandya.

Musamu wamubwete watina Luka 12:39

«Ngo yabee dyo ti, mbuti ngaa-nzo kooyaabaa kilookolo ki kwiisa ngaa-kwiibi, nkani lo katala ko ti bamubula na nzo.

Musamu wamubwete watina Luka 21:36

Beenee naana, saambileenu mu mpisi ntaangu, mpisi lubaka makwa ma kubvuuka mu momanso makwiisa mamo, na kuba bateleme ha busu bwa Mwaana muutu.»

Musamu wamubwete watina Luka 22:46

Nde wabaleele ti: «Ha nki! Luri tolo? Telemee lusaambila mpisi luhele kukoto mu nsindukulu.»

Biyiriki bya Bantumu 20:31

Mu ntoono bubwo, beene naana na baambukeenu mwooyo ti, mu lutaangu lwa mibvu mitatu, butsuku na mwiini, me nyahele kudzimbikina kulubula mpisi nde mu beenu, mu mansangasi.

1 Kol 15:34

Nkati bvutukee ha lwaba, na yaa lubwa mu masumu ko, bukuri babamosi bahele na nyaabulu Nzaambi, me nyiludzusa nsoni.

1 Kol 16:13

Beenee naana, teleme na keketee mu kanyi, lwatee kibakala, beenee na makwa.

Mukaanda kuri bari Efeso 2:3

Beetu-banso se twaba kintwaari na bo, na twaba kwedyaatilaana mu ntaangu yayikulu, bunu buri nyiimunu dza muswinyi weetu, mu kweyirika matiiri muswinyi na bitsimi byeetu byabibi. Mu mbeelu yeetu, twaba baala bayelemene kubwiilikila nkesi dza Nzaambi bunu bakaka.

Mukaanda kuri bari Efeso 5:14

bukuri momanso ma baanaa mamonokono lo meki buungi. Hango-nkuumbu, kaleele ti: «Siimbika, ye wuri tolo, teleme ha kakati dya bafwa, na Kiristo kasemese buungi bwaandi ha yulu ye.»

Mukaanda kuri bari Efeso 6:18

Mu nsaambulu dza bitsuumbu-bitsuumbu na ndoombulu, saambileenu mu ntaangu ngo ntaangu mu Mpeeve. Mu didyo, beenee naana, beenee na kifiki, loombee mu bangisi bobanso,

Mukaanda kuri bari Filipo 4:5

Hemesee bundeembu bweenu buba bwayabakana kuri baatu bobanso. Mfumu weki bebele.

Mukaanda kuri bari Kolosayi 4:2

Syaamee mu lusaambulu, beenee naana mu lwo, mu mvutukulu matoondo.

1 Tes 4:13

Bampaangi, beetu tutii ko ti beenu luba kunsa lubu, mu mitariri babo ba mwaafwa, mpisi luhele kwenyoongo bunu bakaka bahele na nsiitu.

1 Tes 5:10

Nde wafwa mu ntoono beetu, mpisi heki, ti hayuku turi naana ti hayuku twabwa tolo, lo tubeeneenu mwooyo kintwaari na nde.

1 Tes 5:8

Ngo beetuneenu turi baatu ba mwiini, tubeeneenu na ndiilu na nwiinu byayelemene twahele kukolo malu, twalwaata kanyi na ntiilu bunu kinkuta kya mu ntulu kya mukaanda kibulu, na twalwaata nsiitu ya mvuukulu bunu mpu ya kitari.

1 Tim 2:15

Ngo nde sa kaba wabvuuka mu ntoono mbutulu, mbuti namitini kuba mu kanyi, mu ntiilu, na mu bungisi, kunsa nkulukulu.

1 Tim 2:9

Me ntiiri se ti bakyeetu baba na ndwaatulu yayelemene, ya kibvumi na ya soongolo. Yaa babweeye mu mimpandi, mu bitotolo bya woolo bunu pe misaanga, na binkuta bya ntalu yalaka ko,

1 Tim 3:11

Bakyeetu se bwobumosi, bayelemene kuba bakiinsuma, bahele na makele, bari na ndiilu na nwiinu byayelemene, bakwiikama mu myominso.

1 Tim 3:2

Mukuutu dibuundu yelemini kuba wahele na di bamuseembele, mulumi wuri na mukasi mosi, wuri na ndiilu na nwiinu byayelemene, wasoongolo, wakiinsuma, mutaamburi-banzeense, wakuka mu kuyikisa;

2 Tim 4:5

Ngo ye, ba wasoongolo mu myominso, kuunda mpasi, sa kisalu kya budingisi, kukisa kisalu kyaaku.

Mukaanda kuri Tito 2:12

Bwo buri mu kwetuyikisa, mpisi heki bu tubisiri bungooyi na nyiimunu dza nsi, twenata kidziingu kya ntaangu ya lumalu, mu kusokomo, mu nsungumunu na mu kinzaambi,

Mukaanda kuri Tito 2:6

Syaamisa minkuula se bwobumosi, baba basokomo

1 Pet 1:13

Hango-nkuumbu, beeneenu balubuka, beeneenu bari na ndiilu na nwiinu byayelemene, sileenu nsiitu dzodzinso mu bweese bu balutwalikila, mu ntaangu yimonokono Yesu Kiristo.

1 Pet 4:7

Nsukulu bitotolo byobinso yeki bele. Ngo dyaatileenu mu madyeele, na beenee na ndiilu na nwiinu byayelemene, mu ntoono lusaambulu.

1 Pet 5:8

Beene bangaa-ndiilu na nwiinu byayelemene, beenee naana. Mutaatu weenu dyabulu, wuri mu kwedyengekele bunu nkosi yi kwewuma, yi kwesaka wu kamingutina.

Nyabusulu ya Yowane 16:15

«Me nyikwiisa bunu ngaa-kwiibi. Kiminu kiri na muutu wunde wuri naana na wukebaa binkuta byaandi, mpisi kahele kweyende mpene, na baatu bahele kumono nsoni mu nde.»

Nyabusulu ya Yowane 3:2

Ba naana, na syaamisa bari mu kwefwa; mukwongo me nyahele kumono kuri ye, biyiriki byayirima ha busu bwa Nzaambi yaami.