1 Tes 5:27 - Musamu Wamubwete 2013

²⁷ Me nyiluyingukiri mu nkuumbu Mfumu: taangiseenu mukaanda wumawu kuri bampaangi bobanso.

1 Tes 5:27 ပူးပေါင်းရင်းမြစ်များ

Musamu wamubwete watina Matayi 26:63

Yesu waba wawura. Mukuutu bangaanga-nzaambi waleele kuri nde ti: «Me nyikuloombo, mu nkuumbu ya Nzaambi ya mwooyo, tuleele mbuti ye ngo Kiristo, Mwaana Nzaambi.»

Musamu wamubwete watina Malako 5:7

wabikisa mu mbeembu yayinene waleele ti: «Nki ha kakati dya me na ye, Yesu Mwaana Nzaambi Mwa-yulu? Me nyikuyingukila, mu nkuumbu Nzaambi, yaa kwaamisa me ko!»

Biyiriki bya Bantumu 1:15

Mu biluumbu bibyo, Petelo wateleme ha kakati dya bampaangi. Mpuumbu baatu yaba ha kibeendu kikyo, yaba kampe nkama na makuumi moolo ma baatu. Nde waleele ti:

Biyiriki bya Bantumu 19:13

Bayudayo babamosi bakookwepalisaa mampeeve baba kweyendaa mu mabula, bo se batsiitsa mu kusalila nkuumbu Yesu ha yulu baatu baba na mampeeve mamabi, baleele ti: "Me nyiloombo kuri beenu, mu nkuumbu ya Yesu wuri Pawulo wuri mu kweyikisa!"

Mukaanda kuri bari Kolosayi 4:16

Bu lumeeni kutaanga mukaanda wumawu, lo seenee kuri ti kaba wataangu se kuri dibuundu dya bari ku Lahodikya; na mukaanda wa bari ku Lahodikya beenu se lumutaanga.

1 Tes 2:11

Beenu luyaari se ti, beetu twaba kuhololo mosi mosi mu beenu bunu bu hololaana taayi baala baandi.

2 Tes 3:14

Mbuti kuri muutu wahele kutambikila ma turi mu kuleele beetu mu mukaanda wu, lo kebee dyo mu kuhele kubweese kuba kintwaari na wa bubwo, mpisi kamono nsoni.

1 Tim 1:18

Ntumunu yi nyiri mu kuha kuri ye mwaana waami Timoteho, bunu buri mbikululu dzi bari batekesele kuleele mu ntoono ye, kuri ti, mu dzo, ye nwaana nwaanunu yayibwete,

1 Tim 1:3

Bunu bu nyabee kuleele, ha nyabee kweende me ku Makedonya, dzakala ku Efeso, mpisi heki wedika babamosi, yaa beyikisa nyikusulu dzikimi ko,

1 Tim 5:21

Me nyi kuyingukila ha busu bwa Nzaambi, ha busu bwa Kiristo Yesu, na ha busu bwa bambasi ba Nzaambi ba bari basoolo ti, salila momanso mamo kwahele munsoori na kwahele bubayi.

1 Tim 5:7

Mimyo ye yelemini kubatuma, mpisi bahele kuba na mi babaseembele.

1 Tim 6:13

Me nyikuloombiri ha busu bwa Nzaambi, nde wuhaanaa kidziingu kuri bitotolo byobinso, na ha busu bwa Kiristo Yesu, wateeri kimbaangi kyakibweete ha busu bwa Pontyo Pilato:

1 Tim 6:17

Leele kuri bisina bya ntaangu yimayi, yaa baba na masiiku ko, na yaa basiila nsiitu mu busina bwa mwaa-ntaangu mosi ko, ngo basiila nsiitu mu Nzaambi, nde kootuhaanaa byobinso mu busina mpisi tumono kiminu mu byo.

2 Tim 4:1

Me nyikuyingukila ha busu bwa Nzaambi, na ha busu bwa Kiristo Yesu, nde wukwiisa kutsuundisa bamwooyo na bafwa, na mu monokunu yaandi na mu kimfumu kyaandi,

Mukaanda kuri Bahebeleho 3:1

Hango, bampaangi bangisi, beenu luri kintwaari mu mbila ya ku yulu, siilee mutima mu wunde wuri ntumu, na mukuutu bangaanga-nzaambi, wu turi twasiila kanyi, ngo Yesu.