17 Saambileenu kwahele manunu.
Yesu wata nkuma kuri bo, mu kubasoongo ti bayelemini kusaambila mu mpisi ntaangu, na kuhele kuholo-bito.
Beenee naana, saambileenu mu mpisi ntaangu, mpisi lubaka makwa ma kubvuuka mu momanso makwiisa mamo, na kuba bateleme ha busu bwa Mwaana muutu.»
Beenee na kiminu mu nsiitu, beenee na nkindusulu-mutima mu mpasi, beenee basyaama mu lusaambulu.
Mu nsaambulu dza bitsuumbu-bitsuumbu na ndoombulu, saambileenu mu ntaangu ngo ntaangu mu Mpeeve. Mu didyo, beenee naana, beenee na kifiki, loombee mu bangisi bobanso,
Syaamee mu lusaambulu, beenee naana mu lwo, mu mvutukulu matoondo.
Nsukulu bitotolo byobinso yeki bele. Ngo dyaatileenu mu madyeele, na beenee na ndiilu na nwiinu byayelemene, mu ntoono lusaambulu.
