1 Tes 5:14 - Musamu Wamubwete 2013

¹⁴ Beetu tulusyaamisa, bampaangi: seembeenu babo bari kunsa kisaangila, syaamiseenu bari na boomo, kumiseenu bari na bubolo, beeneenu na nkindusulu-mutima mu bobanso.

1 Tes 5:14 ပူးပေါင်းရင်းမြစ်များ

Musamu wamubwete watina Matayi 12:20

Nde kafifina dyaari dyeki dyafwooboko ko, ka kadzimisa luleembe lwa mwiinda lwakiri mu kufwiita ko, natee ku kalulukisa nde nsungumunu;

Musamu wamubwete watina Luka 22:32

Ngo me nsambirye mu ye, mpisi heki kanyi dya ye dihele kubwa; ngo ye bu wubweese kubvutuka, lo kumisa bampaangi baaku.»

Biyiriki bya Bantumu 20:27

Mu ngwanwa, me nyahele kulusweekele kitotolo ti kimosi, mu kuluyikisa kutya kwa Nzaambi.

Biyiriki bya Bantumu 20:31

Mu ntoono bubwo, beene naana na baambukeenu mwooyo ti, mu lutaangu lwa mibvu mitatu, butsuku na mwiini, me nyahele kudzimbikina kulubula mpisi nde mu beenu, mu mansangasi.

Biyiriki bya Bantumu 20:35

Mu myominso, me nyasoongiri kuri beenu ti, mu kusala, beenu luyelemini kubakisa bari na buyonsi, na kubaambuka mwooyo mu maampu ma Mfumu Yesu, bukuri nde-meene waleeriri ti: "Kiminu kibvuriri mu kuha ti na mu kutaambula."

Mukaanda kuri bari Loma 12:1

Hango me nyisyaamisa beenu bampaangi, mu kyaari kya Nzaambi, mu kuyekele manyutu meenu bunu kikabu kyamwooyo, kyangisi na kyabweeye kuri Nzaambi. Yiyo ngo nsambukulu yangwanwa kuri beenu.

Mukaanda kuri bari Loma 14:1

Taambulee wunde wuri na bubolo mu kanyi, kwahele kusaana ma kakweleele.

1 Kol 4:14

Me nyiri mu kulutinina misamu mimami, kari mu kuludzusa nsoni ko, kasi mu kululubula bunu baala baami ba mutima.

1 Kol 8:7

Kasi nyaabulu yahele mu bobanso, babamosi bakiri bayuku mu kwesaambila biteki natee lumalu, bakwedya toongo mu kitsimi kiri ti, twaha mu kikabu kuri biteki, na nsimunu bo yiri na buyonsi, yasumuka.

Mukaanda kuri bari Ngalatya 5:22

Kasi kimbutu kya Mpeeve ngo: ntiilu, kiminu, kiyeengi, nkindusulu-mutima, mbweeyulu-mutima, nzala-baatu, kanyi,

Mukaanda kuri bari Efeso 4:2

mu nkulukulu yoyinso, mu bundeembu, mu nkindusulu-mutima, mu kwekuunda bambaasi beenu na beenu mu ntiilu.

Mukaanda kuri bari Efeso 4:32

Beeneenu na mbweeyulu-mutima mu beenu na beenu, bangaa-bundeembu, kwehemesene beenu na beenu, bunu bwa luhemesene Nzaambi mu Kiristo.

Mukaanda kuri bari Kolosayi 1:28

Nde beetu turi mu kweyaabisa, mu kulubula mpisi muutu, na kuyikisa mpisi muutu, mu madyeele momanso, mpisi muutu kaba nyirimunu yakuka mu Kiristo.

2 Tes 3:15

Ya lumuhololo bunu mutaatu ko, ngo museembeenu bunu mpaangi.

1 Tim 3:3

yaa kaba yaa-kinwi ko, yaa kaba se ngaa-bikiindu ko, ngo kasi kaba wadzuuna, wahele kweyumusa baatu, na wahele na ntiki-mboongo.

1 Tim 6:11

Ngo ye muutu Nzaambi, bata misamu mimyo. Yende wesaka nsungumunu, kinzaambi, kanyi, ntiilu, nkindusulu-mutima, bundeembu.

2 Tim 4:2

yikisa Maampu, landukina mu ntaangu yayelemene na yahele kuyelemene, seembe, ŋaŋina, syaamisa, mu nkindusulu-mutima yoyinso kunsa nyikusulu.

Mukaanda kuri Tito 1:10

Mukwongo, bangaa-nko, bangaa-nzoonsolo dzahele mufunu, na bangaa-mawunu balaka bari, mbiki ti ha kakati dya bateende bubakala.

Mukaanda kuri Tito 1:6

mbuti kubakimini muutu wahele na ntoono yi bamuseembele, wuri na mukasi mosi, wuri na baala bari na kanyi, bahele na kibila mu ndyaatulu, bunu pe bahele na nko.

Mukaanda kuri Bahebeleho 12:12

Hango-nkuumbu, kumisee myooko myeenu myahele makwa, na maboongo meenu makwetekete.

Mukaanda kuri Bahebeleho 13:3

Tsiminee bari mu boroko, bunu ti beenu se luri kintwaari na bo mu boroko, tsiminee babo ba bakwekwaamisa, bunu ti beenu se luri nyutu mosi na bo.