1 Tes 4:17 - Musamu Wamubwete 2013

¹⁷ tumi beetuneenu tuba twakiri mwooyo, batunaanguna ha kimosi na bo mu matuti, mu kubwaana Mfumu mu kingye-kingye, na kuba kintwaari na Mfumu mantaangu momanso.

1 Tes 4:17 ပူးပေါင်းရင်းမြစ်များ

Musamu wamubwete watina Matayi 26:64

Yesu waleele kuri nde ti: «Ye leeriri. Ngo me nyileele kuri beenu ti: Kuholosono lumalu, beenu sa lumono Mwaana muutu wadzakala ha lubakala lwa mpinu, na wuri mu kwiisa mu matuti ma yulu.»

Musamu wamubwete watina Malako 14:62

Yesu wabvutula ti: «Me nyiri; na sa lwamono Mwaana muutu wadzakala ha Lubakala lwa Mpinu na wuri mu kwiisa mu matuti ma yulu.»

Musamu wamubwete watina Yowane 12:26

Mbuti muutu tiiri kusalila me, lo kanama me; na haho ha nyiri me, lo kisari kya me se, sa kaba hanaho. Mbuti muutu wusalila me, lo Taata sa kamukiinsa.»

Musamu wamubwete watina Yowane 14:3

Mu ntaangu yiri me mwaa kweende na mwa kuluyirikila kibeendu, me sa nyiisa lukimi, na sa nyaluholo hateke me, mpisi heki, haho ha nyiri meenu, beenu se luba.

Musamu wamubwete watina Yowane 17:24

Taata, babo ba wuri wampa, me ntiiri ti haho ha nyiiri me, bo se baba na me, mpisi heki bamono nkeembu yaami, yiyo yi wuri wampa Bukuri ye watya me tekesele nyirikulu nsi.

Biyiriki bya Bantumu 1:9

Bu kamana kuleele mamo, nde wanaangunu kuri bo bari mu kutala, na tuti dyamusweeke, ha miisu mya bo.

Biyiriki bya Bantumu 8:39

Bu bantoomboko ku nkoto, Mpeeve ya Mfumu yayisila Filipo; muutu wampokoro kasii bweese kumumono ko. Nde wanamitina nzila yaandi mu kiminu.

1 Kol 15:52

Mu kilookolo kimosi, mu mbwatukulu diisu, mu mvumvuri yampotulu. Bukuri mvumvuri bu yibwa, bafwa sa bafuluka na nyutu yahele mbolulu, na beetuneenu sa twakituka.

2 Kol 5:8

Beetu twaluula mu nsiitu, na tumono kuri ti, bubvuriri bubwete mu kupala mu nyutu yimayi, na kweende mu kudzakala kuri Mfumu.

Mukaanda kuri bari Filipo 1:23

Me nyiri mu kudunga ha kakati dya manzala mo moolo: me nyiri na nzala kweende, na kuba na Kiristo, bukuri bubwo bubvuriri bubwete;

1 Tes 3:13

Hemese nde kakumisa mitima myeenu, mpisi heki beenu luba bangisi na bahele maseembu ha busu bwa Taayi dyeetu Nzaambi, mu ntaangu ya nyisulu Mfumu yeetu Yesu kintwaari na bangisi baandi bobanso. [Amene].

1 Tes 4:15

Mukwongo, mi turi mu kuleele beetu, bunu buri maampu ma Mfumu, mimami: beetuneenu tuba twakiri mwooyo natee mu nyisulu Mfumu, ka tuba ku mankula ma babo bafwa ko.

1 Tes 4:18

Hango-nkuumbu, yendeenu lwebondosono beenu na beenu mu maampu mamo.

1 Tes 5:10

Nde wafwa mu ntoono beetu, mpisi heki, ti hayuku turi naana ti hayuku twabwa tolo, lo tubeeneenu mwooyo kintwaari na nde.

2 Pet 3:13

Ngo beetu turi mu kwekiingila, bunu buri lusiilulu lwaandi, mayulu mamoono na butoto bwamoono, mumwo muba nsungumunu.

Nyabusulu ya Yowane 1:7

Mono, nde wuri mu kwiisa mu matuti, mpisi muutu sa kamumono, na babo bamutobiri dyoongi. Makaanda momanso ma ha butoto sa makoto mu manyoongi mu ntoono nde. Heehe! Amene!

Nyabusulu ya Yowane 11:12

Babikiri babo bayuka mbeembu yayinene ku yulu yaleele kuri bo ti: «Nwaatee hamaha.» Bo banwaata ku yulu mu tuti, na bataatu baaku babamono.

Nyabusulu ya Yowane 12:5

Mukyeetu wabuta mwaana wa mubakala, wunde mbasi-tsuku, wutwaalisa makaanda momanso mu luboto lwa kiseengu. Bakitumuna mwaana wunde, bamunata kuri Nzaambi, na kuri mboloko yaandi.