1 Tes 4:12 - Musamu Wamubwete 2013

¹² Mpisi heki luba na ndyaatulu yayelemene ha busu bwa baatu bari ku mbasi, na muutu kahele kulubuungula.

1 Tes 4:12 ပူးပေါင်းရင်းမြစ်များ

Musamu wamubwete watina Malako 4:11

Nde wabvutula kuri bo ti: «Mpaanu dza kimfumu kya Nzaambi kuri beenu bari baha; ngo kasi kuri bari ku mbasi, momanso kwebadzoonsolo mu mankuma,

Mukaanda kuri bari Loma 12:17

Yaa lwebvutula bubi mu bubi kuri muutu ko, sakee kuyirika mamabwe ha busu bwa baatu bobanso;

Mukaanda kuri bari Loma 13:13

Twedyaatileenu bunu buyelemini mu mwiini-ngeembe: kwahele ndiilu ya mawaamba, nkolulu malu, kimpala, buyala, mayumu na musoki,

Mukaanda kuri bari Efeso 4:28

Ngaa-kwiibi ya kabweese kuyiba ko, ngo kamono mpasi mu kusala bunu buyelemini, mu myooko mya nde-meene, mpisi heki kabaka kya kuha kuri wunde wuri na nzala kubaka.

Mukaanda kuri bari Filipo 4:8

Mu misiiri ngo miri bampaangi, myominso miri myangwanwa, myominso myalukiinsu, myominso myasuunguma, myominso myatsyeemeke, myominso mi batiiri, myominso myamibwe mu kuleele, na mbuti kuri manzelu mamabwete, na myayelemene kusiika, lo tsiminee myominso mimyo.

Mukaanda kuri bari Kolosayi 4:5

Dyaatilee mu madyeele ha busu bwa baatu ba ku mbasi; salilee ntaangu.

1 Tes 5:22

Yaa luyirika ti dimosi dyadibi ko.

1 Tim 3:7

Yelemini kuba se na kimbaangi kyakibwete kimuteelile bari ku mbasi, mpisi kahele kufwa nsoni na kubwa mu siinga dya dyabulu.

1 Pet 2:12

Beenee na ndyaatulu yayibwete ha kakati dya bangooyi, mpisi heki ti hayuku bakwelufutukila misamu, bunu bayiriki ba mamabi, lo bo bamono biyiriki byeenu byabibwe, na bakeembise Nzaambi mu kiluumbu ki kakwiisa kulumono.

1 Pet 3:1

Bwobumosi beenu bakasi, tumumeenu kuri balumi beenu, mpisi heki ti hayuku babamosi babisa kusiila kanyi mu maampu, baba babakama kwahele maampu, ngo mu ndyaatulu ya bakasi baaku,