mpisi hele kumonokono kuri baatu ti ye wuri kunsa loomi, ngo monokono kuri Taayi dyaaku mu nsweeki, na Taayi dyaaku, wumonaa mu nsweeki, sa kakubvutukila.»
Ngo kasi ye, habaana wusaambila, lo koto kunsa kihekiri kyaaku, kaanga mweelu, na saambila Taayi dyaaku mu nsweeki, na Taayi dyaaku, wumonaa mu nsweeki, sa kakubvutukila.»
Yesu waleele kuri nde: «Yaa belemene me ko! Bukuri me nyakiri kutoomboko pe kuri Taata; ngo kasi yende kuri bampaangi ba me, na leele kuri bo ti: Me ntoombokiri kuri Taayi dyaami, na Taayi dya beenu, na Nzaambi yaami na Nzaambi yeenu.»
Yesu Kiristo wayekiri nyutu yaandi mu ntoono masumu ma beetu, mpisi heki katukuula mu ntaangu yayibi yimayi, bunu buri kutya kwa Nzaambi wuri Taayi dyeetu.
Hemese nde kakumisa mitima myeenu, mpisi heki beenu luba bangisi na bahele maseembu ha busu bwa Taayi dyeetu Nzaambi, mu ntaangu ya nyisulu Mfumu yeetu Yesu kintwaari na bangisi baandi bobanso. [Amene].
Bukuri Mfumu nde-meene, mu kidiimbu kya nyaabusulu, mu mbeembu ya mukuutu bambasi, mu munyiingu mvumvuri ya Nzaambi, sa kasunduka mu mayulu, na babo bafwiila mu Kiristo sa batekesele kufuluka;
Hemese Nzaambi ya kiyeengi nde-meene, kalusa bangisi mu kiteesu kyakuka, na bumuutu bwa beenu bwobunso, kiluunsi, muheebulu na nyutu, biba byakebu kwahele maseembu, mu nyisulu Mfumu yeetu Yesu Kiristo.
Hemese Mfumu yeetu Yesu Kiristo nde-meene, na Taayi dyeetu Nzaambi, watutya na watuha mu bweese bwaandi, mboondulu ya bibvu ngo bibvu na nsiitu yayibwete,
Monee nkya ntiilu Taata kari katutiila, mpisi heki batuteele baala ba Nzaambi, na turi se bo. Hango-nkuumbu, nsi yahele kutuyaaba, bukuri yahele kuyaaba nde.
Me nyayuka mbeembu yayinene yapala mu mboloko yabaleele ti: «Mono, musaampu Nzaambi weki ha kakati dya baatu! Nde sa kadzakala na bo, na bo sa baba kaanda dyaandi; na nde ha kakati dya bo, sa kaba [Nzaambi bo].