1 Pet 5:9 - Musamu Wamubwete 2013

⁹ Mutungukileenu na keketee mu kanyi, bu luyaari kuri ti bampaangi beenu se, bari mu kwekuunda mpasi dzodzimosi ha nsi.

1 Pet 5:9 ပူးပေါင်းရင်းမြစ်များ

Musamu wamubwete watina Luka 22:32

Ngo me nsambirye mu ye, mpisi heki kanyi dya ye dihele kubwa; ngo ye bu wubweese kubvutuka, lo kumisa bampaangi baaku.»

Musamu wamubwete watina Yowane 16:33

Me nyiluleeriri misamu mimyo, mpisi heki luba na kiyeengi mu me. Beenu luri na mpasi ha nsi, ngo lwaatee kibakala, me nyabwiisiri nsi!»

Biyiriki bya Bantumu 14:22

bo bakumisa mitima mya bayiki, babasyaamisa mu kunamitina mu kanyi, na kubaleele ti mu nwanusunu dza makwa, tukotoleenu mu Kimfumu kya Nzaambi.

1 Kol 10:13

Nsindukulu dzi lubwanikina na dzo, dzahele kuba dzaluta kiteesu, ngo dzayelemene mu baatu. Nzaambi wakwiikama, nde kaha miswa ko ti beenu luba lwasindukulu mu kiteesu kibvuriri makwa na beenu, ngo kunsa nsindukulu, nde sa kuluha mpwaani ya kupalila, kuri lubangisina kukuunda.

Mukaanda kuri bari Efeso 4:27

yaa luha mpwaani kuri dyabulu ko.

Mukaanda kuri bari Efeso 6:16

Mu mpisi diba, kwaateenu kikakusulu kya kanyi, mu kyo beenu lubangusina kudzimisa misomono mya mbaawu mya Ngaa-bubi.

Mukaanda kuri bari Kolosayi 2:5

Mukwongo, mbuti heki mu nyutu ya muswinyi me nyahele kuba na beenu, ngo mu kimpeeve nyiri kintwaari na beenu, lo me nyimono kiminu, mu kumono ti beenu luri na bunkete, na luri babukekete mu kanyi dyeenu mu Kiristo.

1 Tes 3:3

mpisi heki muutu kahele kubwa mu ntoono manyoongi ma ntaangu yimayi. Mukwongo, beenu-meene luyaari ti mu bubwo turi mwooyo.

1 Tim 6:12

Nwaana nwaanunu yayibwete ya kanyi, kwaata kidziingu kya mantaangu momanso ki bari bakuteelele mbila, na ki wuri wateele kimbaangi kyakibwete ha busu bwa bambaangi balaka.

2 Tim 3:12

Ngo bobanso batiiri kunata kidziingu kunsa kinzaambi mu Kiristo Yesu, sa baba bakwaamusu.

2 Tim 4:7

Me nyanweeni kikiindu kyakibwete, me mwaamana kudzumuna ntiinu, na nyakebe kanyi.

Mukaanda kuri Bahebeleho 11:33

bo bari mu kanyi, babwiisa bimfumu, basalila nsungumunu, bataambula bi babasiiriri nsiilulu, bakaanga minwa mya bankosi,

Mukaanda kuri Bahebeleho 12:8

Mbuti beenu bakooluseembaa bunu bu baseembelaa baala bobanso ko, lo beenu luri baala bangwanwa ko, ngo baala bari taayi wahele kubayaaba.

Mukaanda wa Yakobo 4:7

Ngo tumumee kuri Nzaambi, tungukilee dyabulu, na nde sa kayitika la na beenu.

1 Pet 1:6

Mu didyo, beenu luri mu kiminu, ti hayuku mu lumalu, beenu luyelemini kubama mu mwaa-ntaangu yantele, mu ntoono nsindukulu dza bitsuumbu-bitsuumbu,

1 Pet 2:21

Mukwongo, mu bubwo bari baluteele mbila, bukuri Kiristo se wabamini mu ntoono beenu; nde walusisikila kifwaani, mpisi heki beenu lunama mu bitaambi byaandi.

1 Pet 3:14

Ngo ti hayuku, beenu lukotiri mu mpasi mu ntoono nsungumunu, lo beenu luri mu lwambwe. Yaa luba na boomo bwa bo ko, na mutima yaa kasa mambaawu ko.

1 Pet 4:13

Ngo bukuri beenu luri na kikuuku mu mpasi dza Kiristo, lo monee kiminu, mpisi heki mu ntaangu yiyabakana nkeembu yaandi, beenu lutirimika mu kiminu.

Nyabusulu ya Yowane 1:9

Me Yowane, mpaangi yeenu, wu luri ntwaari mu nsiitsulu, mu kimfumu, mu nkwikumunu mu Yesu; me nyabeeri ku kibuma ki bateelaa ti Patomo, mu dyaambu dya Maampu ma Nzaambi na kimbaangi kya Yesu.

Nyabusulu ya Yowane 6:11

Kuri mosi-mosi mu bo, bayakisa dzweele dyahembeke, na babaleele ti, bakiinga mu mwaa-ntaangu yantele, natee kukuka lutaangu lwa bambaasi ba bo, bari mu bunkutu, na bampaangi ba bo baba badzusu bunu bo.

Nyabusulu ya Yowane 7:14

Me nyaleele kuri nde ti: «Mfumu yaami, ye yaari.» Nde waleele kuri me ti: «Bamaba ngo bamwiini mpasi dzalaka, baswaakiri madzweele maaku, na bahembikisi mo mu makila ma Mwaana kimeeme.