1 Pet 4:13 - Musamu Wamubwete 2013

¹³ Ngo bukuri beenu luri na kikuuku mu mpasi dza Kiristo, lo monee kiminu, mpisi heki mu ntaangu yiyabakana nkeembu yaandi, beenu lutirimika mu kiminu.

1 Pet 4:13 ပူးပေါင်းရင်းမြစ်များ

Musamu wamubwete watina Matayi 16:27

Mukwongo, Mwaana muutu weki mu kwiisa mu munkeembu wa taayi dyaandi, kintwaari na bambasi baandi; haho, nde kabvutula kuri muutu-muutu, bunu buri biyiriki byaandi.

Musamu wamubwete watina Matayi 25:21

Mfumu yaandi wamuleele ti: "Bwabubwete! Ye kisari kyakibwete na kyakwiikama. Ye wabeeri wakwiikama mu byantele, ngo me nyikusuusiri ha yulu byalaka. Koto mu kiminu kya mfumu yaaku."

Musamu wamubwete watina Matayi 25:23

Mfumu yaandi wumuleeriri ti: "Bwabubwete! Ye kisari kyakibwete na kyakwiikama. Ye wabeeri wakwiikama mu byantele, ngo me nyikusuusiri ha yulu byalaka. Koto mu kiminu kya mfumu yaaku."

Musamu wamubwete watina Matayi 25:31

«Mbasi-tsuku ha kwiisa Mwaana muutu kunsa nkeembu yaandi, na bambasi bobanso kintwaari na nde, haho nde kadzakala ha yulu mboloko ya nkeembu yaandi.

Musamu wamubwete watina Matayi 25:34

Haho, mbyaasi sa kaleele kuri bari ku lubakala lwaandi: "Waseenu, beenu bari taayi dya me walusakumuna; taambuleenu saala ngo kimfumu kibari baluyirikila tekesele nyirikulu nsi.

Musamu wamubwete watina Matayi 5:12

Monee kiminu na keembeenu kweenu, bukuri museendu weenu wuri wamunene mu mayulu; mukwongo, bunubwo se bakwaamisini babikiri batekisiri na beenu.»

Musamu wamubwete watina Malako 8:38

Mukwongo, wunde wuba na nsoni mu me, na mu maampu maami, mu kiseendu kimaki, kya kimpala na kya masumu, lo Mwaana muutu se, ha kakwiisa nde na bambasi bangisi mu nkeembu Taayi dyaandi, sa kamumwiina nsoni.»

Musamu wamubwete watina Luka 17:30

Bunubwo se, mbasi-tsuku buba mu kiluumbu, kiyabukina Mwaana muutu.»

Biyiriki bya Bantumu 16:25

Mu kakati dya butsuku, Pawulo bo na Sila baba saambilaana na baba yimbilaana mu kudumusa Nzaambi, na baba mu boroko bakaka baba baywiilaana.

Biyiriki bya Bantumu 5:41

Hango bantumu bayende kwaaku mu kiminu ha busu bwa kikuutu, bukuri bamonikini ti bo bayelemene kubama mu ntoono nkuumbu.

Mukaanda kuri bari Loma 5:3

Kari bunubwo kitsu ko, ngo beetu tusiila kimweese kyeetu mu mpasi, bu tuyaari ti mpasi dzibutaa kifiki.

Mukaanda kuri bari Loma 8:17

Mbuti turi baala, lo turi se bakondiri ba saala: bakondiri ba saala dya Nzaambi, bakondiri kintwaari na Kiristo, mbuti heki tubamaa na nde, mpisi heki tuba se bakeembese na nde.

Mukaanda kuri bari Loma 8:18

Me nyitsima ti, mpasi dza lumalu dzahele kuyelemene, na nkeembu mbasi-tsuku wuba wayabakana kuri beetu.

2 Kol 1:5

Mukwongo, bunu bufununa mpasi dza Kiristo mu beetu, bunubwo se bufununa mboondulu yeetu mu Kiristo.

2 Kol 1:7

Na beetu turi na nsiitu ya makwa mu ntoono beenu, bu tuyaari kuri ti, bunu bu luri kintwaari na beetu mu mpasi, bunubwo se luri kintwaari mu mboondulu.

2 Kol 4:10

Mantaangu momanso, tukwenata mwomunso, lufwa lwa Yesu mu nyutu yeetu, mpisi heki bumwooyo bwa Yesu se, buba bwamonokono mu nyutu yeetu.

2 Kol 4:17

Mukwongo, mpasi dzeetu dzaleenge mu ntaangu yi, dziri mu kubuta kilemu kya nkeembu ha yulu nkeembu, yahele manunu kuri beetu.

Mukaanda kuri bari Filipo 3:10

Me ntii kuyaaba nde, na kuyaaba mpinu dza mfulukulu yaandi, na kuba kintwaari mu mpasi dzaandi, mu kunama kifwaani kya nde mu lufwa lwaandi,

Mukaanda kuri bari Kolosayi 1:24

Mu lumalu, me nyimono kiminu, kunsa mpasi mu ntoono beenu, na me nyiri mu kukukisa mpasi dza mbamunu Kiristo, mu muswinyi waami, mu ntoono nyutu yaandi, ngo dibuundu.

2 Tim 2:12

mbuti tukuundiri mpasi kintwaari na nde, lo sa twatuma kintwaari na nde se; mbuti tumutunini, lo nde se sa katutuna;

1 Pet 1:13

Hango-nkuumbu, beeneenu balubuka, beeneenu bari na ndiilu na nwiinu byayelemene, sileenu nsiitu dzodzinso mu bweese bu balutwalikila, mu ntaangu yimonokono Yesu Kiristo.

1 Pet 2:21

Mukwongo, mu bubwo bari baluteele mbila, bukuri Kiristo se wabamini mu ntoono beenu; nde walusisikila kifwaani, mpisi heki beenu lunama mu bitaambi byaandi.

1 Pet 5:1

Me nyisyaamisa bakulu ba babakala bari ha kakati dya beenu. Me se nyiri mukulu-bakala bunu bo, mbaangi mu mpasi dza Kiristo, na nyiri kintwaari mu nkeembu yiba yayabakana.

1 Pet 5:10

Nzaambi ya mabweese momanso, waluteele mbila mu kukoto mu nkeembu yaandi yahele manunu mu Kiristo Yesu, bu lumwiini mpasi mu mwaa-ntaangu, sa kabweese kalutelemese nde-meene, sa kalukumisa, sa kaluha makwa na sa kalusa na keketee.

Mukaanda Yuda 1:24

Kuri wunde wakuka mu kulukebe kwahele kubumuna makya, na kulutelemese ha busu bwa nkeembu yaandi, kwahele maseembu, kunsa nyeense,

Nyabusulu ya Yowane 1:7

Mono, nde wuri mu kwiisa mu matuti, mpisi muutu sa kamumono, na babo bamutobiri dyoongi. Makaanda momanso ma ha butoto sa makoto mu manyoongi mu ntoono nde. Heehe! Amene!

Nyabusulu ya Yowane 1:9

Me Yowane, mpaangi yeenu, wu luri ntwaari mu nsiitsulu, mu kimfumu, mu nkwikumunu mu Yesu; me nyabeeri ku kibuma ki bateelaa ti Patomo, mu dyaambu dya Maampu ma Nzaambi na kimbaangi kya Yesu.