1 Pet 4:12 - Musamu Wamubwete 2013

¹² Banduku ba mutima, yaa lukimuka ko, mu kuba kunsa nsindukulu dzamakwa dzi mwaalutubukula, bunu ti ntoono yanzeense.

1 Pet 4:12 ပူးပေါင်းရင်းမြစ်များ

1 Kol 10:13

Nsindukulu dzi lubwanikina na dzo, dzahele kuba dzaluta kiteesu, ngo dzayelemene mu baatu. Nzaambi wakwiikama, nde kaha miswa ko ti beenu luba lwasindukulu mu kiteesu kibvuriri makwa na beenu, ngo kunsa nsindukulu, nde sa kuluha mpwaani ya kupalila, kuri lubangisina kukuunda.

1 Kol 3:13

lo kisalu kya mpisi muutu sa kyaba kyamonokono. Mukwongo, kiluumbu sa kyasoongo, bukuri kisalu sa kyayabakana mu mbaawu, mbaawu sa yatsiitsa kumono bunu buri kisalu kya mpisi muutu.

2 Tim 3:12

Ngo bobanso batiiri kunata kidziingu kunsa kinzaambi mu Kiristo Yesu, sa baba bakwaamusu.

1 Pet 2:11

Banduku ba mutima, me nyilusyaamisa bunu minzakikiri miri ku bunzeense, mu kukaanga mutima, mu kuhele kubwa mu nyiimunu dza muswinyi, dzikwenwaanisa muheebulu.

1 Pet 4:4

Mu didyo, bo bamono dyo dyankimukunu, ti beenu lwahele kubweese kweba kintwaari na bo, kunsa mawaamba ma buyala, ngo bari mu kwelusaana.

1 Pet 5:9

Mutungukileenu na keketee mu kanyi, bu luyaari kuri ti bampaangi beenu se, bari mu kwekuunda mpasi dzodzimosi ha nsi.