1 Pet 4:1 - Musamu Wamubwete 2013

¹ Ngo Kiristo bu kamono mpasi mu muswinyi, beenu se holeenu kitsimi kya bubwo bunu kinwaanunu, ti muutu wu mwaamono mpasi mu muswinyi, mwaahoto kuyirika masumu,

1 Pet 4:1 ပူးပေါင်းရင်းမြစ်များ

Musamu wamubwete watina Malako 3:3

Yesu waleele kuri muutu waba na kooko kwasika ti: «Teleme ha kakati hamaha.»

Mukaanda kuri bari Loma 6:11

Mu didyo, beenu se, beeneenu bunu lwafwa mu masumu beenu-meene, na bunu luri mwooyo mu Kiristo Yesu, mu ntoono Nzaambi.

Mukaanda kuri bari Loma 6:2

Ti bele na dyo pe! Beetuneenu bari twafwa mu masumu, buri tubweese kubeele bamwooyo mu masumu?

Mukaanda kuri bari Loma 6:7

Bukuri, wunde wumwaafwa, lo walulukusu kwakinkulu mu masumu.

Mukaanda kuri bari Ngalatya 2:20

Me nyiri mwooyo, ngo kari me ko, kasi Kiristo wuri mwooyo mu me. Mi nyikwemono me lumalu, mu kidziingu kya me mu muswinyi, me nyikwenata myo mu kanyi di nyiri na dyo mu Mwaana Nzaambi, wantya na wayekiri nyutu yaandi mu ntoono me.

Mukaanda kuri bari Ngalatya 5:24

Babo bari ba Kiristo [Yesu], bayeki bakomono muswinyi na mantiilu, na nyiimunu dzaandi.

Mukaanda kuri bari Efeso 6:13

Hango-nkuumbu, holeenu binwaanunu bya Nzaambi, mpisi heki lubangusina kusa bunkuri mu kiluumbu kyakibi, na kuba bateleme na ngwii, bu lumeeni kuyirika momanso.

Mukaanda kuri bari Filipo 2:5

Dyaatileenu bubwo ha kakati dya beenu, bunu bwayelemene mu Kiristo Yesu.

Mukaanda kuri Bahebeleho 12:3

Beenee na bitsimi mu wunde wakuunda nwanusunu dza bangaa-masumu, mpisi luhele kuholo-bito, na bitsimi byeenu bihele kubvutuka mambisa.

Mukaanda kuri Bahebeleho 4:10

Mukwongo, wunde wukotiri mu mpuumunu yaandi, lo wuumini se mu bisalu byaandi, bunu bwa wuumini Nzaambi mu bisalu byaandi.

1 Pet 2:21

Mukwongo, mu bubwo bari baluteele mbila, bukuri Kiristo se wabamini mu ntoono beenu; nde walusisikila kifwaani, mpisi heki beenu lunama mu bitaambi byaandi.

1 Pet 3:18

Bukuri Kiristo wamono mpasi, lwo lumosi mu masumu; nde wasuunguma wamono mpasi mu ntoono bahele kusuunguma, mpisi heki kalunata kuri Nzaambi. Nde bamudzusiri mu muswinyi, ngo Mpeeve yamufulukisi.