1 Pet 3:8 - Musamu Wamubwete 2013

⁸ Ha mambisa haho, yukusunee beenu-banso, kabusinee mpasi, tyeenee bampaangi, beenee bangaa-ngebe, beene bakuluka,

1 Pet 3:8 ပူးပေါင်းရင်းမြစ်များ

Musamu wamubwete watina Matayi 18:33

Buri bubee bwahele kuyelemene, ti ye se, siilila mbaasi yaaku ya kisalu ngebe, bunu bu nyikusiirirye me se ngebe?"

Musamu wamubwete watina Luka 10:33

Ngo Musamariya mosi, waba mu budyeengi, watubuka hari muutu wunde. Bu kamumono, wamubakila ngebe.

Biyiriki bya Bantumu 2:1

Kiluumbu kya Pantekote bu kyayisa, bobanso baba bakutukuna ha kibeendu kyokimosi.

Biyiriki bya Bantumu 27:3

Kiluumbu kyanama, beetu twatuula ku Sidoni. Yulyo waba hololo Pawulo mu bumuutu, wamuha miswa mu kwemono banduku baandi, mu kutaambula lubakusu lukaba na nzala lwo.

Biyiriki bya Bantumu 28:7

Bebele na kibeendu kikyo, kwaba bula bwa muutu mosi, mukuutu kibuma, nkuumbu yaandi Popilyo, watutaambiri, mu kimbaasi ku nzo yaandi, mu biluumbu bitatu.

Biyiriki bya Bantumu 4:32

Mukwongo, mpuumbu ya basiila kanyi yaba mutima mosi, na muheebulu mosi; kuri muutu ko waba na bitotolo bwa nde-meene, ngo byobinso byaba bya ntwaari.

Mukaanda kuri bari Loma 12:10

Mu mitariri ntiilu ya kimpaangi, beenee na bundeembu beenu na beenu, silisineenu bukwa beenu na beenu kunsa lukiinsu.

Mukaanda kuri bari Loma 15:5

Nzaambi ya kifiki na ya nsyamusunu, kasa kuri ti beenu luba na nyukusunu beenu na beenu, bunu buri kutya kwa Kiristo Yesu,

1 Kol 1:10

Bampaangi, me nyiluyingukila mu nkuumbu ya Mfumu yeetu Yesu Kiristo, yukusuneenu beenu na beenu, na yaa kuba nkabunu ha kakati dya beenu ko; beenee kintwaari mu mpeeve mosi na mu kitsimi kimosi.

1 Kol 12:26

Mu didyo, kinamu kimosi kibaanaa kimono mpasi, lo binamu byobinso bimono mpasi; na kinamu kimosi kibaanaa kyakeembusu, lo binamu byobinso bimono kiminu.

Mukaanda kuri bari Efeso 4:2

mu nkulukulu yoyinso, mu bundeembu, mu nkindusulu-mutima, mu kwekuunda bambaasi beenu na beenu mu ntiilu.

Mukaanda kuri bari Efeso 4:31

Mpisi musamu wankari, wa kabala, wa nkesi, kuyaama, bitari, na mpisi mamabi, biba byayusula ha kakati dya beenu.

Mukaanda kuri bari Efeso 4:32

Beeneenu na mbweeyulu-mutima mu beenu na beenu, bangaa-bundeembu, kwehemesene beenu na beenu, bunu bwa luhemesene Nzaambi mu Kiristo.

Mukaanda kuri bari Filipo 2:3

Yaa lwesalila kunsa nwaanusunu ko, bunu pe mu nzala-kubila yabuunu ko, ngo kasi mu nkulukulu, holulee bambaasi bunu ti bo babvuriri na beenu.

Mukaanda kuri bari Filipo 3:16

Ngo mu ha tumwaatubukee hamaha, tudyaatilee ha kimosi.

Mukaanda kuri bari Kolosayi 3:12

Ngo bu luri lwasoolu kuri Nzaambi, luri bangisi, na lwatya kuri nde, beeneenu na mutima wa ngebe, wa mbweeyulu, wa nkulukulu, wa bundeembu na wa nkindusulu.

Mukaanda kuri Bahebeleho 13:1

Hemese ntiilu ya kimpaangi yinamitina kuba.

Mukaanda wa Yakobo 2:13

Mukwongo, mutsuundu wahele na ngebe kuri wunde wahele na ngebe; ngo muutu ngaa-ngebe wahele na boomo bwa mutsuundu.

Mukaanda wa Yakobo 3:17

Ngo kasi madyeele ma ku yulu, hatete mari nkati matsyeemeke, tumi ma kiyeengi, madzuuna, matumuma, maluula mu ngebe na mu bimbutu byabibwete, mahele na munsoori na mahele na bumpitu-bumpyoongo.

Mukaanda wa Yakobo 5:11

Monee, beetu tuleelaa kuri babo bakuundaa mpasi, ti bari mu lwambwe. Beenu lwayukiri kifiki ka Yobi, na lwamwiini nsukulu yaba yitiiri Mfumu, ti Mfumu waluula mu bundeembu na wubakila ngebe.

1 Pet 1:22

Beenu lwatsyeemese miheebulu myeenu mu kutumuma kuri ngwanwa, mu dyaambu dya ntiilu ya kimpaangi, yahele na bumpitu-bumpyoongo. Tilisineenu beenu na beenu kwalaka mu mutima watsyeemeke,

1 Pet 2:17

Kiinseenu baatu bobanso, tyeeneenu bampaangi ba luri mu dibuundu, bvuminee Nzaambi, kiinseenu mbyaasi.

1 Pet 5:5

Bunubwo se, bituuti, beenee batumuma kuri bakulu ba babakala. Beenu-banso lwaateenu nkulukulu bunu musweele ha busu bwa bambaasi, bukuri: «Nzaambi wutungukilaa bangaa-masiiku, ngo kasi wuhaanaa bweese kuri bakuluka.»

2 Pet 1:7

ha yulu kinzaambi, nzala-baatu, ha yulu nzala-baatu, ntiilu.

1 Yow 3:14

Beetu tuyaari ti, twayeki twayisika mu lufwa mu kuluta mu bumwooyo, bukuri beetu tutyaanaa bampaangi. Wunde wahele kutya bampaangi, lo wafwa kwakinkulu.