1 Pet 3:7 - Musamu Wamubwete 2013

⁷ Balumi se bwobumosi, dzakaleenu mu kintwaari kunsa nyukusunu, bunu bu luyaabiri buyonsi bwa kitsuumbu kya bakyeetu. Bakiinseenu, bukuri bo se bari bakoondiri ba saala dya bweese bwa kidziingu. Yirikee bubwo, mpisi heki nsaambulu dzeenu dzihele kuba dzakakusulu.

1 Pet 3:7 ပူးပေါင်းရင်းမြစ်များ

Musamu wamubwete watina Matayi 18:19

«[Mu ngwanwa] me nyibweese kululeele ti, mbuti baatu boolo mu beenu bayukusini ha butoto, mu musamu ngo musamu, lo mamo ma baloombo, Taayi dya me diri ku mayulu sa kabayirikila mo.

1 Kol 7:3

Mulumi kayirika kuri mukasi waandi mamo ma kayelemini kuyirika, na mukasi se kayirika bwobumosi.

Mukaanda kuri bari Efeso 3:6

Mu nzila ya Musamu Wamubwete, makaanda se meki bakondiri ba saala mu kintwaari, bari mu nyutu mosi, na bataambula ha kimosi na Bayudayo, lusiilulu luri mu Yesu Kiristo.

Mukaanda kuri bari Efeso 4:30

Yaa lunyoongoso Mpeeve Yangisi ya Nzaambi ko, mu yo beenu bari balusa kidiimbu mu kiluumbu kya nkuululu.

Mukaanda kuri bari Efeso 5:33

Ngo kasi mitariri se mosi-mosi mu beenu, mpisi muutu mu beenu katya mukasi wa nde-meene, bu katiiriri nyutu ya nde-meene; na mukasi kabvumina mulumi.

Mukaanda kuri bari Efeso 6:18

Mu nsaambulu dza bitsuumbu-bitsuumbu na ndoombulu, saambileenu mu ntaangu ngo ntaangu mu Mpeeve. Mu didyo, beenee naana, beenee na kifiki, loombee mu bangisi bobanso,

Mukaanda kuri bari Kolosayi 3:19

Balumi, tyeenee bakasi beenu, na yaa lwebanyokono ko.

1 Tes 4:4

Mpisi muutu mu beenu kayaaba kuhololo mukasi waandi, kunsa bungisi na lukiinsu,

Mukaanda kuri Tito 3:7

mpisi heki mu bweese bwaandi, tuba twalulukusu, na tuba bakondiri ba saala, bunu buri nsiitu dza kidziingu kya bibvu ngo bibvu.

Mukaanda kuri Bahebeleho 1:14

Bambasi bobanso, mampeeve ma bari baheeke mu kisalu mu ntoono babo bakondolo mvuukulu.

1 Pet 3:1

Bwobumosi beenu bakasi, tumumeenu kuri balumi beenu, mpisi heki ti hayuku babamosi babisa kusiila kanyi mu maampu, baba babakama kwahele maampu, ngo mu ndyaatulu ya bakasi baaku,