1 Pet 3:22 - Musamu Wamubwete 2013

²² nde wuri bu kayende ku yulu, wuri ha lubakala lwa Nzaambi. Bambasi, na baatu bari na lutumu na bari na mpinu, bari kunsa lutumu lwaandi.

1 Pet 3:22 ပူးပေါင်းရင်းမြစ်များ

Musamu wamubwete watina Matayi 22:44

"Mfumu wuleele kuri Mfumu yaami ti: Dzakala ha lubakala lwaami, natee ku nyisuusa me bataatu baaku kunsa bitaambi byaaku!"

Musamu wamubwete watina Matayi 28:18

Yesu bu kokosolo, waleele kuri bo ti: «Lutumu lwolunso baheeri kuri me, ku mayulu na ha butoto.

Musamu wamubwete watina Malako 12:36

Nde-meene Davidi wadzoonso mu ntwaalusulu ya Mpeeve Yangisi waleele ti: "Mfumu waleele kuri Mfumu yaami ti: Dzakala ha lubakala lwaami, natee ku nyisuusa me bataatu baaku kunsa bitaambi byaaku."

Musamu wamubwete watina Malako 16:19

Mfumu Yesu, kamanaa kudzoonso kuri bo, wanaangunu mu mayulu na wadzakala ha lubakala lwa Nzaambi.

Musamu wamubwete watina Luka 20:42

Mukwongo, Davidi nde-meene wuleele mu mukaanda Mikuunga ti: "Mfumu waleele kuri Mfumu yaami ti: Dzakala ha lubakala lwa me,

Musamu wamubwete watina Yowane 13:32

[Mbuti Nzaambi weki wakeembusu mu nde,] lo Nzaambi se, sa kamukeembese mu nde, na hanaho, sa kamukeembese.

Biyiriki bya Bantumu 1:11

na baleele kuri bo ti: "Bari Ngalili, mu nki ntoono beenu luri mu kutala ku yulu? Yesu di, wu bayisiri ha kakati dya beenu, weensi ku yulu, bunubwo se mbasi-tsuku kabweese kwiisikila, bunu bu lumumwiini bu kensikiri ku yulu."

Biyiriki bya Bantumu 3:21

Nde yulu kabweese kutaambula, natee ntaangu yi babweese kuyirika byobinso byamoono, bwa dzoonsiri Nzaambi mu minwa mya babikiri baandi bangisi, kuholosono mantaangu mahele kuwa.

Mukaanda kuri bari Loma 8:34

Na wubakesele mukanu? Kiristo Yesu wafwiiri, ha yulu haho se wafulukiri, wuri ha lubakala lwa Nzaambi, na wuri mu kutunwaanikinaa mu lusaambulu.

Mukaanda kuri bari Loma 8:38

Mukwongo, me nyirikiri kuyaaba ti hayuku lufwa, bumwooyo, bambasi, bangaa-lutumu, misamu mya lolo di bunu mpe mya ntaangu yikwiisa, mpinu,

1 Kol 15:24

Tumi manunu yiba, mu ntaangu yi kabvutula kimfumu kuri wunde wuri Nzaambi na Taata, kamanaa kutsyaamuna kikuutu kyokinso, lutumu lwolunso, na mpinu dzodzinso.

Mukaanda kuri bari Kolosayi 3:1

Mbuti beenu lwafulukusu na Kiristo, lo sakeenu bya ku yulu, kukwo kwadzakala Kiristo ha lubakala lwa Nzaambi.

Mukaanda kuri Bahebeleho 1:13

Nde wahele kuleele kuri ti mosi mu bambasi ti: «Dzakala ha lubaka lwa me, natee ku nyisuusa me, bataatu baaku, baba nkata-miilu myaaku.»

Mukaanda kuri Bahebeleho 1:3

Nde wuri kuseme kwa nkeembu yaandi, na kifwaani kya nzelu yaandi, nde wakwaata nsi mu mpinu dza maampu maandi; bu kamana kutsyeemese baatu mu masumu, nde wadzakala ha lubakala lwa Mwa-mpuungu kunu kinsongi-yulu.

Mukaanda kuri Bahebeleho 1:6

Na mu ntaangu yi kabweese kusuusa Mwaana watete mu nsi, nde waleele ti: «Bambasi ba Nzaambi bobanso bamutsukumina.»

Mukaanda kuri Bahebeleho 10:12

Ngo kasi, nde bu kaheeri kikabu kya kudzusa mu ntoono masumu, wadzakala ha lubakala lwa Nzaambi kwakinkulu.

Mukaanda kuri Bahebeleho 12:2

Tusyeetulee kisoosi kuri Yesu, mubaandiki na mukukisi kanyi, nde wuri, ha kibeendu kya kiminu ki bamusoongiri, wakuunda mpasi dza kuruwa, bu ka nyaafuna nsoni, na wadzakala ha lubakala lwa Nzaambi na lwa mboloko yaandi.

Mukaanda kuri Bahebeleho 4:14

Hango, bu turi na mukuutu bangaanga-nzaambi wataba mayulu, Yesu, Mwaana Nzaambi, tukwaatee na keketee kimbaangi kya kanyi.

Mukaanda kuri Bahebeleho 6:20

Mumwo mwatekisiri kukoto Yesu mu ntoono beetu, nde wayeki mukuutu bangaanga-nzaambi mu mantaangu momanso mu kiteesu kya Melekisedeke.

Mukaanda kuri Bahebeleho 8:1

Musamu wubvuriri mufunu, mu mi turi mu kuleele, ngo wumawu: beetu turi na mukuutu bangaanga-nzaambi wa bubwo, wadzakala ha lubakala lwa mboloko ya bumbyaasi mu mayulu.

Mukaanda kuri Bahebeleho 9:24

Mukwongo, Kiristo wahele kukoto mu manzo mangisi, matuungu mu myooko mya baatu, mari kini kifwaani kya nzo yangisi yangwanwa, ngo wakoto mu yulu dyo-meene, mu kumonokono lumalu ha busu bwa Nzaambi mu ntoono beetu.