1 Pet 3:18 - Musamu Wamubwete 2013

¹⁸ Bukuri Kiristo wamono mpasi, lwo lumosi mu masumu; nde wasuunguma wamono mpasi mu ntoono bahele kusuunguma, mpisi heki kalunata kuri Nzaambi. Nde bamudzusiri mu muswinyi, ngo Mpeeve yamufulukisi.

1 Pet 3:18 ပူးပေါင်းရင်းမြစ်များ

Musamu wamubwete watina Matayi 27:19

Bu kaba kadzakala ha kibala kya mutsuundu, mukasi waandi wamuheeke mukeensu ti: «Yaa kuba musamu ko ha kakati dya ye na muutu wasuunguma wu, bukuri me mbaminyee kwalaka, lolodi mu ndosi mu ntoono nde.»

Musamu wamubwete watina Matayi 27:24

Pilato kamonaa ti mufunu pe, ngo kasi kisaangila kiri mu kwisikila, waholo maampa, waswaaka myooko ha busu bwa mpuumbu, waleele ti: «Me nyiri na ntoono ko mu makila ma muutu wu. Mi lutariri beenu-meene.»

Musamu wamubwete watina Yowane 16:10

mu mitariri nsungumunu, bukuri me nyiri mu kweende kuri Taata, na lubweese kumono me ko;

Biyiriki bya Bantumu 22:14

Nde waleele ti: "Nzaambi ya bataayi beetu, wakusoolo mu kuyaaba kutya kwaandi, mu kumono wunde wasuunguma, na mu kuyuka mbeembu ya munwa waandi,

Biyiriki bya Bantumu 3:14

kasi beenu lwatuna wangisi na wasuunguma, na lwaloombo balupatukila mudzusi.

Mukaanda kuri bari Loma 1:4

wu kari kasa Mwaana Nzaambi, mu mpinu, bunu buri Mpeeve ya bungisi, mu mfulukulu ya bafwa, ngo Yesu Kiristo Mfumu yeetu.

Mukaanda kuri bari Loma 4:25

Nde bamuyekele mu ntoono masumu meetu, na Nzaambi wamufulukisi mpisi tuba basuunguma.

Mukaanda kuri bari Loma 5:2

mu nde se turi twabaka miswa, mya kutaambula mu kanyi mu bweese bubwo, bu turi twatelemene, na turi twasiila kimweese kyeetu, mu nsiitu ya nkeembu Nzaambi.

Mukaanda kuri bari Loma 8:11

Mbuti Mpeeve ya wunde wafulukisi Yesu mu bafwa, yadzakala mu beenu, lo wunde wafulukisi Kiristo mu bafwa, sa kaha bumwooyo kuri manyutu meenu ma mfwiilu, mu Mpeeve yaandi yadzakala mu beenu.

Mukaanda kuri bari Loma 8:3

Mukwongo, mangisi maketi kubangisina mimyo ko, bukuri maba mahele na makwa mu ntoono muswinyi. Ngo Nzaambi bu kaheeke Mwaana waandi, mu kifwa-fwani kya muutu ngaa-masumu, mu ntoono masumu, wabwiisa masumu mu nyutu ya muswinyi,

2 Kol 1:24

Kari kuri ti beetu, turi na lutumu mu kanyi dya beenu ko, ngo beetu tukwesala kintwaari na beenu, mu kuri ti beenu lumono kiminu, bukuri beenu lwateleme na keketee mu kanyi.

2 Kol 13:4

Mukwongo, nde bamukomini ha kuruwa mu ntoono buyonsi, ngo kasi wuri mwooyo mu mpinu dza Nzaambi. Na beetu se turi na buyonsi mu nde, ngo kasi sa twaba mwooyo mu mpinu dza Nzaambi kuri beenu.

2 Kol 5:21

Wunde waba wahele na masumu, nde wamusa ngaa-masumu mu ntoono beetu, mpisi heki mu nde, tubeenee nsungumunu ya Nzaambi.

Mukaanda kuri bari Ngalatya 1:4

Yesu Kiristo wayekiri nyutu yaandi mu ntoono masumu ma beetu, mpisi heki katukuula mu ntaangu yayibi yimayi, bunu buri kutya kwa Nzaambi wuri Taayi dyeetu.

Mukaanda kuri bari Ngalatya 3:13

Kiristo watukuula mu mpopi ya Mangisi, bu kabwilikila mpopi mu ntoono beetu, bukuri dyatinu ti: «Mpisi wunde wu bari bamanika ha yulu muti, lo kabwilikila mpopi.»

Mukaanda kuri bari Efeso 3:12

Mu kanyi mu nde, beetu turi na bunsaalisi bwa kudzoonso na kukokosolo kuri Nzaambi mu nsiitu dzodzinso.

Mukaanda kuri Tito 2:14

Nde wayekiri nyutu yaandi mu ntoono beetu, mpisi katukuula mu momanso mamabi, na kutsyemekese kaanda dya nde-meene dyasoolu, diri na kuheme mu biyiriki byabibwete.

Mukaanda kuri Bahebeleho 10:10

Mu kutya kukwo, beetu turi twataambula bungisi, mu Yesu Kiristo waheeri nyutu yaandi bunu kikabu lwo lumosi.

Mukaanda kuri Bahebeleho 9:14

lo makila ma Kiristo, waheeri nyutu yaandi yahele na kipfuumi, mu Mpeeve ya mantaangu momanso kuri Nzaambi, mabvuriri kutsyeemese nsimunu yeetu mu biyiriki byafwa, mu kusalila Nzaambi yamwooyo.

Mukaanda kuri Bahebeleho 9:26

Bukuri, lo nde keti kumonaa mpasi mbala dzalaka, kuholosono kwayirimini nsi. Ngo kasi mu lumalu, Kiristo wamonokono mbala mosi, ku manunu ntaangu, mu kuyaala masumu mu mpeelu nyutu ya nde-meene bunu kikabu.

Mukaanda kuri Bahebeleho 9:28

bunubwo se, Kiristo bamuha mu kikabu mbala mosi, mu kuyusula masumu ma fundu-fundu dya baatu, na kumonokono lwadzoolo kwahele masumu, kuri babo bamukiinga, mpisi kabaha mvuukulu.

Mukaanda wa Yakobo 5:6

Beenu lwakesiri mukanu, lwadzusiri muutu wahele ntoono, wahele kulutuungukila.

1 Pet 3:19

Mu bubwo se, nde kari kayende mu kuyikisa biluunsi byaba mu boroko,

1 Pet 4:1

Ngo Kiristo bu kamono mpasi mu muswinyi, beenu se holeenu kitsimi kya bubwo bunu kinwaanunu, ti muutu wu mwaamono mpasi mu muswinyi, mwaahoto kuyirika masumu,

1 Pet 4:6

Mukwongo, mu bubwo, bari bayikisa Musamu Wamubwete kuri bafwa se, mpisi baba batsuundusu mu muswinyi bunu bu tiiriri baatu, na baba mwooyo mu Mpeeve bunu bu tiiriri Nzaambi.

1 Yow 1:9

Mbuti tutambukilaa masumu meetu, lo nde wuri wakwiikama na wasuunguma, mu kutuhemesene masumu meetu, na mu kututsyeemese mu mpisi lumvuki.