1 Pet 3:17 - Musamu Wamubwete 2013

¹⁷ Mukwongo, bubvuriri bubwete, mbuti bubwo buri kutya kwa Nzaambi, mu kumono mpasi mu nyirikulu mamabwe, ti na kumono mpasi mu nyirikulu mamabi.

1 Pet 3:17 ပူးပေါင်းရင်းမြစ်များ

Musamu wamubwete watina Matayi 26:39

Bu kayende mwaa kimamanga, nde wabwa kuri watsuka busu ha nsi, wasaambila waleele ti: «Taayi dyaami, mbuti bwakuka, lo hemese mbasa yimayi yiluta la na me. Kasi kari bu ntiiri me ko, ngo bu tiiri ye.»

Musamu wamubwete watina Matayi 26:42

Nde wabweese kusasika lwadzoolo, wasaambila, waleele ti: «Taayi dyaami, mbuti mbasi yimayi yiri ndutula, kuri me nyahele kuyinwa ko, lo hemese kutya kwa ye kuyirima!»

Biyiriki bya Bantumu 18:21

Ngo nde wabasisa, waleele ti: "Me sa bweese kwiisa kuri beenu, mbuti Nzaambi tiri. Na wakoto bwaatu ku Efeso.

Biyiriki bya Bantumu 21:14

Ngo bukuri nde waba wahele kutaambula mamo, beetu twawuriri kweetu, na twaleele ti: "Hemese kutya kwa Mfumu kuyirima!"

1 Pet 1:6

Mu didyo, beenu luri mu kiminu, ti hayuku mu lumalu, beenu luyelemini kubama mu mwaa-ntaangu yantele, mu ntoono nsindukulu dza bitsuumbu-bitsuumbu,

1 Pet 2:15

Bukuri kutya kwa Nzaambi bumabu kuri: mu nyirikulu mamabwe, beenu lukaanga minwa mya baatu ba madzeeke, bahele na nyaabulu.

1 Pet 2:20

Mukwongo, nkya mvuumfu yiri, mbuti beenu lukuunda nseembulu, dza mamabi ma luyirikiri? Ngo mbuti luyirika mamabwe na lukuundiri mpasi, lo bubwo bweese ha busu bwa Nzaambi.

1 Pet 3:14

Ngo ti hayuku, beenu lukotiri mu mpasi mu ntoono nsungumunu, lo beenu luri mu lwambwe. Yaa luba na boomo bwa bo ko, na mutima yaa kasa mambaawu ko.

1 Pet 4:15

Mukwongo, muutu ti mosi mu beenu, yaa kamono mpasi ko, bunu ti nde mudzusi kari, bunu pe ngaa-kwiibi, bunu pe muyiriki-mamabi, bunu pe ngaa-kintori.

1 Pet 4:19

Hango, babo se bamonaa mpasi bunu buri kutya kwa Nzaambi, bayekele miheebulu mya bo kuri Muyiriki wakwiikama, mu nyirikulu mamabwe.