1 Pet 2:8 - Musamu Wamubwete 2013

⁸ Na dyeki: «Tari dya mbumukunu makya, na dya mbwiilulu makubu.» Bo bari mu kubuminaa makya mu dyo, bukuri bahele kusa kanyi mu maampu, na mu bubwo bari babataasila.

1 Pet 2:8 ပူးပေါင်းရင်းမြစ်များ

Musamu wamubwete watina Luka 2:34

Simehoni wabasakumuna na waleele kuri Mariya, nguri mwaana ti: "Mono, mwaana wumawu wuri ha mu ntoono ya mbwiilulu, na ntelemunu ya baatu balaka mu Isaheli, na mu kuba kidiimbu kiri baatu batya kyo ko.

Mukaanda kuri bari Loma 9:22

Ngo Nzaambi watiiri kusoongo nkesi dzaandi, na kuyaabisa mpinu dzaandi, wakiindisa mutima mu nkindusulu yayinene mu bisa bya nkesi, bi bari bayirika mu ntoono ya mfukusulu.

1 Kol 1:23

Ngo kasi beetu, turi mu kweyaabisa Kiristo wakomono ha yulu kuruwa, Bayudayo babumina makya mu musamu wunde, na bangooyi bamono ti bulawuku,

2 Kol 2:16

mu bamosi mfuku ya lufwa yihaanaa lufwa, mu bakaka mfuku ya bumwooyo yihaanaa bumwooyo. Ngo na wakuka mu mimyo?

Mukaanda kuri bari Ngalatya 5:11

Me ngo wuri, bampaangi, mbuti me nyakiri mu kweyikisa nteendulu bubakala, lo mu nkya ntoono bari mu kubweese kwenkwaamisa? Haho ngo hari lo, musamu kuruwa wahele kubweese kubumisa baatu makya.

1 Tes 5:9

Bukuri Nzaambi kasiiri kututaasila mu kubwilikila nkesi ko, ngo kutaambula mvuukulu mu Mfumu yeetu Yesu Kiristo.

1 Pet 2:6

Hango-nkuumbu, mu Matinu muri ti: «Monee, me nyisuusa mu Syoni tari dya ha kuumbu dyasoolu na dyantalu, na mpisi wusiila kanyi mu dyo, lo kafwa nsoni ko.»

1 Pet 2:7

Hango, lukiinsu luba kuri beenu lwasa kanyi; ngo kasi kuri babo bahele kusa kanyi, «Tari dyaloosiri batuungi, dyeki dyanguri ha kuumbu.»

2 Pet 2:3

na mu ntiki-mboongo, mu dzoonsolo dza lupyelu bo sa babadiilila manene. Kuri bo kuholosono na kidzika, mutsuundu wuri mu kwesala, na mfukusulu yaaku yahele kubwa tolo.

Mukaanda Yuda 1:4

Mukwongo, baatu babamosi bayolomikini mu nsweeki, bari kuholosono na kidzika, batekesele kubatina mankuumbu mu mutsuundu wunde. Bo ngo bangooyi, bakwekitula bweese bwa Nzaambi yeetu mu buyala, na bakwetuna wunde wuri ndemosi Mutumi na Mfumu yeetu, Yesu Kiristo.