5 na beenu-meene se, bunu matari mamwooyo, beene batuunguma mu nzo ya kimpeeve, mu kuyirika kingaanga kyangisi, mu kuha bikabu byayoku byakimpeeve, byataambulu kuri Nzaambi mu Yesu Kiristo.
Hango me nyisyaamisa beenu bampaangi, mu kyaari kya Nzaambi, mu kuyekele manyutu meenu bunu kikabu kyamwooyo, kyangisi na kyabweeye kuri Nzaambi. Yiyo ngo nsambukulu yangwanwa kuri beenu.
mu kuba mu kisalu kya Kiristo Yesu, mu ntoono makaanda, bu nyayekele nyutu mu ntoono Musamu Wamubwete wa Nzaambi, mpisi makaanda maba kikabu kyataambulu, kyasakumunu kuri Mpeeve Yangisi.
Buri beenu lwahele kuyaaba ti, nyutu beenu, ngo Nzo-nzaambi Mpeeve Yangisi, yiri mu beenu, yi luri lwataambula kuri Nzaambi, na lwahele kubweese kuba ba beenu-meene?
Nkya nyukusunu yiri ha kakati dya Nzo ya Nzaambi na biteki? Bukuri beetuneenu turi Nzo ya Nzaambi yamwooyo, bunu bwaleele Nzaambi ti: «Me sa nzakala ha kakati dya bo, na me sa nyeyende na bo, Me sa mba Nzaambi bo, na bo sa baba baatu baami.»
Ngo ti hayuku makila ma me bamayitiri ha yulu kikabu kya kuha kuri Nzaambi, mu kisalu kya kanyi dya beenu, lo me nyimono kiminu, nyimono kiminu ha kimosi na beenu-banso.
Me nyataambula byobinso, na nyiri na byabuukula, me nyaluula bu nyataamburi bi lwampeekiri kuri Epaforodito, biri bunu mananaasi ma mfuku yayibwete, kikabu kya kudzusa kyataambulu na kyabweeye kuri Nzaambi.
Na momanso ma lutsiitsa kuyirika mu nzoonsulu, bunu pe mu biyiriki, yirikilee momanso mu nkuumbu ya Mfumu Yesu, mu mvutukulu matoondo mu nde, kuri Taata Nzaambi.
mpisi heki, ti hayuku me nziingiri mu kwiisa, lo ye yaaba bunu bwa kudyaatila mu nzo ya Nzaambi, yiri dibuundu dya Nzaambi yamwooyo, kuunsi na kitsuku kya ngwanwa.
Ngo kasi beenu, luri kitsuumbu kyasoolu, kabu dya bangaanga-nzaambi ba mbyaasi, kaanda dyangisi, baatu babakama kuri Nzaambi, mu kweyaabisa mamabwe, ma wunde waluteele mbila, mu kupala mu mampimbisi na kukoto mu buungi bwaandi bwansisi.
Mbuti muutu wudzoonso, lo kadzoonso bunu nde wutubula maampu ma Nzaambi; mbuti muutu wusala, lo kasalila mu makwa ma muha Nzaambi, mpisi heki mu momanso, Nzaambi kaba wakeembusu mu Yesu Kiristo, kuri nde kuri nkeembu na mpinu mu bibvu ngo bibvu! Amene.
Bukuri kimaki ngo kilookolo kya kubaandika mutsuundu mu nzo ya Nzaambi. Ngo mbuti bandukiri mu beetu, lo buri bubeele nsukulu ya babo, babisa kusa kanyi mu Musamu Wamubwete wa Nzaambi?
Bari mu kiminu, na bangisi babo bataambula mfulukulu yatete! Lufwa lwadzoolo ka lubweese kuba na lutumu mu bo ko, ngo kasi bo sa baba bangaanga ba Nzaambi na ba Kiristo, na sa batuma kintwaari na nde mu fuunda dya mibvu.
«Kuri wunde wuluuluka, me nsa nyamusa kuunsi dya mu Nzo ya Nzaambi yaami, na kabweese kupala ko, na me nsa ntina nkuumbu ya Nzaambi yaami ha yulu nde, na nkuumbu ya bvula dya Nzaambi yaami, Yerusalemi dyamoono, disunduka mu yulu, kuri Nzaambi yaami, na nkuumbu yaami yamoono.»