1 Pet 2:25 - Musamu Wamubwete 2013

²⁵ Mukwongo, beenu lwaba bunu bimeeme bikweyiima; ngo kasi mu lumalu, lumwaabvutuka kuri mutari na mukebi miheebulu myeenu.

1 Pet 2:25 ပူးပေါင်းရင်းမြစ်များ

Musamu wamubwete watina Matayi 18:12

«Nki beenu luri mu kutsima? Mbuti muutu wuri na nkama bimeeme, ngo kimosi mu byo kidziimbiri, buri lo wahele kusiisa makuumi wa na wa mu mankoto ma milaandu, na kweende ku kusaka kyadziimbila?

Musamu wamubwete watina Matayi 9:36

Bu kamono mampuumbu ma baatu, nde wamono ngebe kunsa mutima, mu ntoono baatu babo, bukuri baba beki makwa pe, na bari na ngebe bunu bimeeme byahele na mutari.

Biyiriki bya Bantumu 20:28

Seenee madyeele mu beenu-meene, na mu mpuumbu bimeeme yoyinso yiri Mpeeve Yangisi wulutelemisi mu kuba bakebi. Buunguleenu dibuundu dya Nzaambi di kari kabaka mu makila ma nde-meene.

Mukaanda kuri Bahebeleho 13:20

Hemese Nzaambi ya kiyeengi, wafulukisi mu bafwa Mfumu yeetu Yesu, mutari wamunene, mu ntoono makila ma lulelusunu lwa na mu mantaangu momanso,

Mukaanda kuri Bahebeleho 3:1

Hango, bampaangi bangisi, beenu luri kintwaari mu mbila ya ku yulu, siilee mutima mu wunde wuri ntumu, na mukuutu bangaanga-nzaambi, wu turi twasiila kanyi, ngo Yesu.

Mukaanda kuri Bahebeleho 5:2

Nde wakuka mu kuba na nyukulu, mu bari kunsa lubu na mu badziimbila, bukuri nde-meene se wuri kunsa buyonsi.

1 Pet 3:20

byabisiri kusa kanyi mu ntaangu yayikulu, yaba namitinaa nkindusulu-mutima ya Nzaambi, mu biluumbu bya Nowa, bi kaba kwetuunga nzo ya kiluungu, munsa yo baatu bantele, miheebulu mpoomo myabvuukiri mu maampa.

1 Pet 5:4

Tumi ha monokono mukuutu batari, beenu lutaambula lukoongolo lwa nkeembu luri lwabiiya ko.