«Kyaari kuri beenu, batini na Bafarisi bangaa-bumpitu-bumpyoongo, bukuri beenu luri mu kukaanga mweelu Kimfumu kya mayulu kuri baatu; kuri beenu-meene lwahele kukoto, na lwahele kukotoso se batiiri kukoto.» [
Ngo kasi mu lumalu, bu bamwaalukuula mu masumu, lweki bankutu ba Nzaambi, na luri na bimbutu mu mbakulu bungisi. Manunu ya byo, ngo kidziingu kyahele manunu.
Mukwongo, bampaangi, beenu baluteele mbila mu kuba mu bunsaalisi. Ngo kasi, bunsaalisi bubwo yaa buba mpwaani ya kwedyaatila mu kimuutu ko; ngo kunsa ntiilu yendee lwesalisina beenu na beenu.
Kari hana ha miisu mya bo ko, bunu ti mu nzala kubweeye kuri baatu, ngo bunu bankutu ba Kiristo bari mu kuyirika kutya kwa Nzaambi, mu mutima wamutsiina.
Ngo wunde, wuyekamaa na wusaa kikuundi mu mangisi makuka ma bunsaalisi, kwahele kuba muyuki wuri na bunzimbu, ngo wukukisaa biyiriki, lo nde sa kaba mu lwambwe kunsa kisalu kyaandi.
Mukwongo, baatu babamosi bayolomikini mu nsweeki, bari kuholosono na kidzika, batekesele kubatina mankuumbu mu mutsuundu wunde. Bo ngo bangooyi, bakwekitula bweese bwa Nzaambi yeetu mu buyala, na bakwetuna wunde wuri ndemosi Mutumi na Mfumu yeetu, Yesu Kiristo.