1 Pet 2:12 - Musamu Wamubwete 2013

¹² Beenee na ndyaatulu yayibwete ha kakati dya bangooyi, mpisi heki ti hayuku bakwelufutukila misamu, bunu bayiriki ba mamabi, lo bo bamono biyiriki byeenu byabibwe, na bakeembise Nzaambi mu kiluumbu ki kakwiisa kulumono.

1 Pet 2:12 ပူးပေါင်းရင်းမြစ်များ

Musamu wamubwete watina Matayi 10:25

Bwayelemene mu muyiki kuri nde se kaba bunu muyikisi, na mu kisari nde se kaba bunu mfumu. Mbuti ngaa-nzo bamuleele ti Beledzebule, lo nkya myo bahele kuleele mu badzakala mu nzo nde?»

Musamu wamubwete watina Matayi 5:11

Kiminu kuri beenu mbuti baatu balutuka, balukwaamisa, na baleele momanso mamabi [mampya], mu beenu, mu ntoono me.

Musamu wamubwete watina Matayi 5:16

Hemesee buungi bwa beenu buseme ha busu bwa baatu, mpisi bamono biyiriki byeenu byabibwete, na bakeembese Taayi dyeenu diri mu mayulu.»

Musamu wamubwete watina Matayi 9:8

Mampuumbu, bu bamono bubwo, babaka boomo na makeembese Nzaambi, waheeri lutumu lwa bubwo kuri baatu.

Musamu wamubwete watina Luka 1:68

«Kaba wadumusu Mfumu Nzaambi ya Isaheli, bukuri nde wayisiri mu kuyilimina na mu kukuula kaanda dyaandi.

Musamu wamubwete watina Luka 19:44

Sa batsaamuna bvula dyodinso, na kudzusa ye na baatu baaku bobanso; ka basiisa ti tari ha yulu tari ko kuri ye, bukuri ye wasii yaba ntaangu, yi baba kwiisa mu kumono ye ko.»

Musamu wamubwete watina Luka 6:22

«Kiminu kuri beenu, habaana baatu balubele, balupalisa, balutuka, babele nkuumbu beenu ti yayibi, mu ntoono Mwaana muutu.

Musamu wamubwete watina Yowane 13:31

Hanaho Yuda kamana kupala, Yesu waleele ti: «Mu lumalu Mwaana muutu weki wakeembusu, na Nzaambi wakeembusu mu nde;

Biyiriki bya Bantumu 15:14

Simehoni baanguri dyaburi Nzaambi katekisiri kumonoko mu kusolo ha kakati dya bangooyi baatu mu nkuumbu yaandi.

Biyiriki bya Bantumu 24:13

Bo ka babangusina kusoongo kitotolo ti kimosi ko kuri ye, mu mi bari mu kufuundila me.

Biyiriki bya Bantumu 25:7

Bu kayisa, Bayudayo bafumini ku Yerusalemi bamudyengekele, bamufuunda mu myalaka, miri bahele kubangisina kusoongo.

Biyiriki bya Bantumu 28:22

Ngo beetu tutiiryee kuyuka ye-meene, ma wutsima ye, mu mitariri kabu dya minsaambiri myahaambuka, bukuri dyayabakana ku turi beetu, na mwomunso bari mu kudinwaanisa.»

Mukaanda kuri bari Loma 12:17

Yaa lwebvutula bubi mu bubi kuri muutu ko, sakee kuyirika mamabwe ha busu bwa baatu bobanso;

Mukaanda kuri bari Loma 13:13

Twedyaatileenu bunu buyelemini mu mwiini-ngeembe: kwahele ndiilu ya mawaamba, nkolulu malu, kimpala, buyala, mayumu na musoki,

Mukaanda kuri bari Loma 14:18

Wunde wusalila Kiristo mu kiteesu kikyo, lo wabweeye kuri Nzaambi, na wataambulu kuri baatu.

Mukaanda kuri bari Loma 15:9

Makaanda ngo mari, makeembese Nzaambi mu ntoono mutima waandi wangebe, bunu bu diri dyatinu: «Hango-nkuumbu, me sa nyadumusa ye ha kakati dya makaanda, na me sa nyayimbila mu ntoono nkuumbu yaaku.»

1 Kol 14:25

mansweeki ma mutima waandi lo mamonikini, na katsukaa busu ha nsi, saambiri Nzaambi na yaabisiri ti: "Ngwanwa Nzaambi wuri ha kakati dya beenu!"

2 Kol 1:12

Mukwongo, kimweese kyeetu ngo kimbaangi kya nsimunu yeetu, beetu twadyaatiri ha nsi, na ha busu bwa beenu, mu nkulukulu na mu nsyemukunu ya Nzaambi, kari mu madyeele ma kimuutu ko, ngo mu bweese bwa Nzaambi.

2 Kol 13:7

Ngo beetu tusaambila Nzaambi, mpisi beenu luhele kuyirika ntoono ti mosi yayibi; kari mu kuri ti beetu twaswiikama tumonokono ko, ngo mu kuri beenu luyirika mamabwe, ti hayuku beetu turi bunu twahele kuswiikama.

2 Kol 8:21

bukuri beetu tutiiri kuyirika mamabwe, kari hani ha busu bwa Mfumu ko, ngo se na ha busu bwa baatu.

Mukaanda kuri bari Efeso 2:3

Beetu-banso se twaba kintwaari na bo, na twaba kwedyaatilaana mu ntaangu yayikulu, bunu buri nyiimunu dza muswinyi weetu, mu kweyirika matiiri muswinyi na bitsimi byeetu byabibi. Mu mbeelu yeetu, twaba baala bayelemene kubwiilikila nkesi dza Nzaambi bunu bakaka.

Mukaanda kuri bari Efeso 4:22

lo luyelemini kuyisila ndyaatulu yatekesele ya mu muutu wamukulu, wukwesumuka mu nyiimunu dza mawunu.

Mukaanda kuri bari Filipo 1:27

Beenu ngo bari dyaatileenu mu kiteesu kyayelemene na Musamu Wamubwete wa Kiristo, mpisi heki, ti hayuku me nyiisiri kulumono, bunu pe nyahele kuba na beenu, me nyuka ti beenu luri na keketee mu mpeeve yomosi, na luri mu kwenwaana mu kitsimi kyokimosi, mu ntoono kanyi mu Musamu Wamubwete,

Mukaanda kuri bari Filipo 4:8

Mu misiiri ngo miri bampaangi, myominso miri myangwanwa, myominso myalukiinsu, myominso myasuunguma, myominso myatsyeemeke, myominso mi batiiri, myominso myamibwe mu kuleele, na mbuti kuri manzelu mamabwete, na myayelemene kusiika, lo tsiminee myominso mimyo.

1 Tes 4:12

Mpisi heki luba na ndyaatulu yayelemene ha busu bwa baatu bari ku mbasi, na muutu kahele kulubuungula.

1 Tim 2:2

mu bambyaasi, na mu bobanso bari na lutumu, mpisi tubeeneenu na kidziingu kya mpolo na kidzuunu, kunsa kinzaambi kyokinso na lukiinsu lwolunso.

1 Tim 4:12

Muutu yaa kasaana butuuti bwa ye ko, ngo soongo kifwaani kuri bangaa-kanyi, mu nzoonsulu, mu ndyaatulu, mu ntiilu, mu kanyi, na mu bungisi.

1 Tim 5:10

wayabakana mu biyiriki byabibwete, wayeki wabuukisa baala, wataambula banzeense, waswaaka miilu mya bangisi, wabakisa bari mu ngebe, na wasa mutima mu mpisi kiyiriki kyakibwete.

Mukaanda kuri Bahebeleho 13:18

Saambileenu mu beetu. Mukwongo, beetu tuyirikiri kuyaaba ti turi na nsimunu yayibwete, mu nzala kuba na ndyaatulu yayibwete mu myominso.

Mukaanda kuri Bahebeleho 13:5

Ndyaatulu yeenu, yaa yiba yatwaalusu mu ntiki-mboongo ko, monee kiminu mu bini bi luri na byo. Bukuri nde-meene Nzaambi waleele ti: «Me nyikupatila ko, me nyikuyekele ko.»

Mukaanda wa Yakobo 3:13

Nani mu beenu wuri ngaa-madyeele na wayika? Kasoongo dyo mu ndyaatulu yayibwete, na mu biyiriki byaandi bya kidzuunu na bya madyeele.

1 Pet 2:15

Bukuri kutya kwa Nzaambi bumabu kuri: mu nyirikulu mamabwe, beenu lukaanga minwa mya baatu ba madzeeke, bahele na nyaabulu.

1 Pet 3:16

ngo diba mu bundeembu, mu kibvumi, na mu bitsimi byabibwete, mpisi heki mu ntoono yi bari mu kulusaanina, babo balusaana bafwa nsoni, mu kumono mu ndyaatulu yeenu yayibwete mu Kiristo.

1 Pet 4:11

Mbuti muutu wudzoonso, lo kadzoonso bunu nde wutubula maampu ma Nzaambi; mbuti muutu wusala, lo kasalila mu makwa ma muha Nzaambi, mpisi heki mu momanso, Nzaambi kaba wakeembusu mu Yesu Kiristo, kuri nde kuri nkeembu na mpinu mu bibvu ngo bibvu! Amene.

2 Pet 3:11

Ngo mbuti heki bubwo, ti byobinso sa byasulumuka, lo nkya baatu, beenu luyelemini kuba mu ndyaatulu ya bungisi, na mu kinzaambi,