1 Pet 2:11 - Musamu Wamubwete 2013

¹¹ Banduku ba mutima, me nyilusyaamisa bunu minzakikiri miri ku bunzeense, mu kukaanga mutima, mu kuhele kubwa mu nyiimunu dza muswinyi, dzikwenwaanisa muheebulu.

1 Pet 2:11 ပူးပေါင်းရင်းမြစ်များ

Musamu wamubwete watina Luka 21:34

«Seenee madyeele mu beenu-meene, mu kubata ti mitima myeenu mikwiisa kuba malemu, mu ntoono nwiinu yamansaalisi, nkolulu malu, na minyoongi mya kidziingu kimaki, na kuri ti kiluumbu kikyo kihele kulutubukila na sisuu,

Biyiriki bya Bantumu 15:20

Kasi batinineenu mu mukaanda ti yaa besumuka mu biteki ko, yaa besa buyala ko, yaa bedya toongo twa bibulu byadzusa mu tsukusulu muwuumunu, na bedya makila ko.

Biyiriki bya Bantumu 15:29

Beenu biseenu toongo twa bibulu byadzusulu mu kikabu kuri biteki, makila, na toongo twa bibulu byadzusu mu nsukusulu muwuumunu, na buyala; mbuti lukebiri manyutu meenu mu mimyo, lo bubwo bwabubwe lusa. Mamboto menu!

Mukaanda kuri bari Loma 12:1

Hango me nyisyaamisa beenu bampaangi, mu kyaari kya Nzaambi, mu kuyekele manyutu meenu bunu kikabu kyamwooyo, kyangisi na kyabweeye kuri Nzaambi. Yiyo ngo nsambukulu yangwanwa kuri beenu.

Mukaanda kuri bari Loma 7:23

Ngo me nyimono kiteesu kikimi mu binamu byaami, kiri mu kunwaanisa ngisi ya nyukulu yaami, na kukotoso me boroko dya ngisi ya masumu, yiri kunsa binamu bya me.

Mukaanda kuri bari Loma 8:13

Mukwongo, mbuti luri bamwooyo mu muswinyi, lo sa lwafwa; ngo kasi, mbuti mu Mpeeve, lo ludzusiri biyiriki bya kimuutu, na sa lwaba bamwooyo.

2 Kol 5:20

Beetuneenu ngo turi bamonikisi ba Kiristo, buni ti Nzaambi wuri mu kulusyaamisa mu beetu; beetu tuluyiingikila mu nkuumbu ya Kiristo, taambulee kubweese kuyukusuna na Nzaambi.

2 Kol 6:1

Ngo bukuri tukwesala kintwaari na nde, beetu tulusyaamisa mu kuhele kuhololo kwa buunu, bweese bwa Nzaambi buluri lwataambula.

2 Kol 7:1

Ngo banduku ba mutima, bukuri turi na nsiilulu dza bubwo, tutsyeemekeenu mu mamviindu momanso ma muswinyi na ma kiluunsi, na tukukiseenu bungisi kunsa kibvumi kya Nzaambi.

Mukaanda kuri bari Ngalatya 5:24

Babo bari ba Kiristo [Yesu], bayeki bakomono muswinyi na mantiilu, na nyiimunu dzaandi.

Mukaanda kuri bari Efeso 2:19

Mu didyo, beenu lusii banzeense, na minzakikiri ko, kasi lweki bangaa-nsi kintwaari na bangisi, baatu bari mu kaanda dya Nzaambi.

Mukaanda kuri bari Efeso 4:1

Me nyilusyaamisa, me nyiri boroko mu ntoono Mfumu, mu kudyaatila mu kiteesu kyayelemene na mbila yiyo yibari baluteele,

2 Tim 2:22

Yitika mantiilu ma butuuti, saka nsungumunu, kanyi, ntiilu, na kiyeengi mu kintwaari na babo bayingukilaa Mfumu mu mutima watsyeemeke.

Mukaanda kuri Bahebeleho 11:13

Bobanso babo bafwiila mu kanyi, kwahele kutaambula bitotolo bya nsiilulu, ngo kasi, babitariri ku la na bamono kiminu mu byo, bo babakuri ti banzeense bari, na bidyeengi ha butoto.

Mukaanda kuri Bahebeleho 6:9

Ngo banduku ba mutima, ti bukuri turi mu kudzoonsolo bubwo, beetu tuyirikiri kuyaaba mu mitariri beenu, ti luri mu kiteesu kibvuriri bubwete, na lwakwaata mvuukulu.

Mukaanda wa Yakobo 4:1

Kuri kukoofuminaa midziingu, na nwanusunu ha kakati dya beenu? Buri kari mu mantiilu meenu mamabi, makwenwaana munsa binamu byeenu ko?

1 Pet 1:1

Petelo, ntumu Yesu Kiristo, kuri babo basoolu, badzakala ku bunzeense, batsamukina mu mansi ma Ponto, Ngalatya, Kapadokya, Asya na Bitinya,

1 Pet 1:17

Na mbuti beenu luteelaa mu lusaambulu ti Taata, wunde wahele na kimpengeki, wutsuundisa muutu-muutu bunu buri biyiriki byaandi, lo dyaatileenu mu kibvumi, mu ntaangu ya kidziingu kyeenu mu nsi ya bunzeense yi,

1 Pet 4:12

Banduku ba mutima, yaa lukimuka ko, mu kuba kunsa nsindukulu dzamakwa dzi mwaalutubukula, bunu ti ntoono yanzeense.

1 Pet 4:2

mpisi heki beenu lunata kidziingu kya muswinyi, mu ntaangu yisiiri, bunu buri kutya kwa Nzaambi, nkani ka buri nyiimunu dza baatu ko.

2 Pet 3:1

Banduku ba mutima, wumawu ngo mukaanda wamyoolo, me nyiri mu kulutinina. Mu myo myoolo, me nyilubaambula mwooyo, mpisi nyilusyaamisa mu mitariri madyeele ma bukensekelee mari mu beenu,