1 Pet 2:10 - Musamu Wamubwete 2013

¹⁰ Beenu bari, mu ntaangu yayikulu, lwasii ba mukaangu baatu ko, kasi mu lumalu beenu lweki mukaangu baatu ba Nzaambi. Mu ntaangu yayikulu, Nzaambi kasii kulumwiinina ngebe ko, kasi mu lumalu nde wulumonono ngebe.

1 Pet 2:10 ပူးပေါင်းရင်းမြစ်များ

Mukaanda kuri bari Loma 10:19

Kasi me nyifuula ti: buri Isaheli wuri kasii bakula ko? Moose ngo watete mu kuleele ti: «Me sa nyalusa bangaa-bukwa, mu babo bahele kuba kaanda; me sa nyalubakisa nkesi, mu kaanda dyahele na nyukulu.»

Mukaanda kuri bari Loma 11:30

Mukwongo, mu ntaangu yayikulu, beenu lwasiiri nko kuri Nzaambi, ngo kasi mu lumalu, beenu balubakila ngebe, ha lumbisa lwa nko dza bo.

1 Kol 7:25

Mu mitariri babo bahele kukweele, me nyahele na ntumunu dza Mfumu, ngo me kitsimi nyisoongo, bunu bwa mbakila Mfumu ngebe, mu kuba muutu wu bayelemini kusikikila.

1 Tim 1:13

Mu ntaangu yaluta me nyaba ngaa-bitari, ngaa-nkwaamusu, na ngaa-kinwa, kasi nde wambakila ngebe, bukuri me nyaba nyahele na nyaabulu, na nyaba kweyirika mamo kwahele kanyi.

Mukaanda kuri Bahebeleho 4:16

Hango, tukokosoleenu na nsiitu yoyinso ha teke mboloko ya bweese, mpisi tutaambulee ngebe, na bweese mu kubaka lubakusu mu ntaangu yayelemene.