1 Pet 1:7 - Musamu Wamubwete 2013

⁷ Mpisi heki nsiitsulu ya kanyi dyeenu, yibvuriri ntalu, ti na woolo dyatsyeemese mu mbaawu kasi difuukaana, yibaka ndaandu ya nsiikulu, ya nkeembu na ya lukiinsu, mu ntaangu yiyabakana Yesu Kiristo.

1 Pet 1:7 ပူးပေါင်းရင်းမြစ်များ

Musamu wamubwete watina Matayi 19:28

Yesu wabvutula kuri bo ti: «Mu ngwanwa me nyiluleeriri ti, mu ntaangu yikitika byobinso byamoono, Mwaana muutu bu kadzakala ha mboloko ya munkeembu, beenu lwanemi me, beenu se sa lwaba lwadzakala mu mamboloko kuumi na moolo, mu kutsuundisa makaanda kuumi na moolo ma Isaheli.

Musamu wamubwete watina Matayi 25:21

Mfumu yaandi wamuleele ti: "Bwabubwete! Ye kisari kyakibwete na kyakwiikama. Ye wabeeri wakwiikama mu byantele, ngo me nyikusuusiri ha yulu byalaka. Koto mu kiminu kya mfumu yaaku."

Musamu wamubwete watina Matayi 25:23

Mfumu yaandi wumuleeriri ti: "Bwabubwete! Ye kisari kyakibwete na kyakwiikama. Ye wabeeri wakwiikama mu byantele, ngo me nyikusuusiri ha yulu byalaka. Koto mu kiminu kya mfumu yaaku."

Musamu wamubwete watina Luka 12:33

Yarikeenu bitotolo byeenu, na kabuleenu kuri bawelu; yirikeenu bimpokoro bya mboongo byahele kufuuka, na sweekeenu ku mayulu, busina bwahele kuwa. Kukwo kuri ngaa-kwiibi lo wahele kukokosolo, na bisekisi byahele kudya.

Musamu wamubwete watina Luka 17:30

Bunubwo se, mbasi-tsuku buba mu kiluumbu, kiyabukina Mwaana muutu.»

Musamu wamubwete watina Yowane 12:26

Mbuti muutu tiiri kusalila me, lo kanama me; na haho ha nyiri me, lo kisari kya me se, sa kaba hanaho. Mbuti muutu wusalila me, lo Taata sa kamukiinsa.»

Musamu wamubwete watina Yowane 5:44

Habaana beenu, nkeembu kutaambula yi lukwehelesene beenu na beenu, ngo lwahele kusaka nkeembu yifumunaa kuri Nzaambi yomosi, lo dyaburi beenu lutsiisa kusa kanyi?

Biyiriki bya Bantumu 8:20

Petelo waleele kuri nde ti: "Mboongo dzaaku kintwaari na ye fuukeenu, bukuri ye kutsima ti kikabu kya Nzaambi kusuumba mu mboongo!

Mukaanda kuri bari Loma 2:10

Ngo kasi nkeembu, lukiinsu na kiyeengi kuri bakweyirika mamabwe, dyatete kuri Muyudayo tumi kuri Muhelene;

Mukaanda kuri bari Loma 2:29

ngo Muyudayo, wa mansweeki; na nteendulu bubakala, ya mutima mu Mpeeve, nkani ka ya mu mukaanda ko. Wa bubwo wutaambula ndumusu ya Nzaambi nkani ka ya baatu ko.

Mukaanda kuri bari Loma 2:7

Sa kaha kidziingu kyahele manunu kuri babamosi, bakwesaka mu kifiki kunsa kisalu kyaandi, nkeembu, lukiinsu na kiteesu kyahele mbolulu.

Mukaanda kuri bari Loma 8:19

Mukwongo, nsi yoyinso yiri mu kwekiingila mu kinsukulu-mutima, ntaangu mbasi-tsuku, yi yabakana baala ba Nzaambi.

1 Kol 3:13

lo kisalu kya mpisi muutu sa kyaba kyamonokono. Mukwongo, kiluumbu sa kyasoongo, bukuri kisalu sa kyayabakana mu mbaawu, mbaawu sa yatsiitsa kumono bunu buri kisalu kya mpisi muutu.

1 Kol 4:5

Hango, yaa lutsuundisa muutu ko, tekesele ntaangu yitubuka, natee Mfumu wiisiri. Nde mbasi-tsuku wuyaabisa mansweeki mari ku mampimbisi, na kusoongo bitsimi bya mitima. Haho, mpisi muutu kataambula masiiku kuri Nzaambi.

Mukaanda wa Yakobo 1:12

Muutu wukuunda nsindukulu wuri mu lwambwe, bukuri bu bameeni kumutsiitsa, nde sa kataambula lukoongolo lwa bumwooyo lwataambukila Nzaambi kuri bamutyaanaa.

1 Pet 1:13

Hango-nkuumbu, beeneenu balubuka, beeneenu bari na ndiilu na nwiinu byayelemene, sileenu nsiitu dzodzinso mu bweese bu balutwalikila, mu ntaangu yimonokono Yesu Kiristo.

1 Pet 1:5

beenu luri lwakebu mu mpinu dza Nzaambi, mu kanyi, mu ntoono mvuukulu yayirima mu kuba yayabukusu mu ntaangu ya manunu.

1 Pet 2:4

Kokosolee kuri nde, tari dyamwooyo dyaloosu kuri baatu, ngo kasi dyasoolu na dyantalu kuri Nzaambi,

1 Pet 2:7

Hango, lukiinsu luba kuri beenu lwasa kanyi; ngo kasi kuri babo bahele kusa kanyi, «Tari dyaloosiri batuungi, dyeki dyanguri ha kuumbu.»

1 Pet 4:12

Banduku ba mutima, yaa lukimuka ko, mu kuba kunsa nsindukulu dzamakwa dzi mwaalutubukula, bunu ti ntoono yanzeense.

1 Pet 4:13

Ngo bukuri beenu luri na kikuuku mu mpasi dza Kiristo, lo monee kiminu, mpisi heki mu ntaangu yiyabakana nkeembu yaandi, beenu lutirimika mu kiminu.

1 Pet 5:1

Me nyisyaamisa bakulu ba babakala bari ha kakati dya beenu. Me se nyiri mukulu-bakala bunu bo, mbaangi mu mpasi dza Kiristo, na nyiri kintwaari mu nkeembu yiba yayabakana.

2 Pet 1:1

Simehoni Petelo, nkutu na ntumu Yesu Kiristo, kuri babo bataambula kanyi diri ntalu yo yimosi na dya beetu, mu nsungumunu ya Nzaambi yeetu, na ya Mubvuukisi Yesu Kiristo.

2 Pet 1:4

Mu byo bari bamusiila nsiilulu dzantalu na dzibvuriri bunene, mpisi heki mu dzo, beenu luba kintwaari mu nzelu ya kinzaambi, mu kubata nyiimunu dzadzibi dziri mu nsi.

2 Pet 3:14

Hango-nkuumbu, banduku ba mutima, bu luri mu kwekiingila mamo, seenee makwa, mpisi nde kiisa kalutangusina mu kiyeengi, kuri lwahele na maka na mi baluseembele

Mukaanda Yuda 1:24

Kuri wunde wakuka mu kulukebe kwahele kubumuna makya, na kulutelemese ha busu bwa nkeembu yaandi, kwahele maseembu, kunsa nyeense,

Nyabusulu ya Yowane 1:7

Mono, nde wuri mu kwiisa mu matuti, mpisi muutu sa kamumono, na babo bamutobiri dyoongi. Makaanda momanso ma ha butoto sa makoto mu manyoongi mu ntoono nde. Heehe! Amene!

Nyabusulu ya Yowane 2:10

Yaa bata ti kitotolo ti kimosi ko, mu mpasi dzi wubwanikina na dzo. Mono, dyabulu sa katuba bakaka mu beenu munsa boroko, mpisi heki balutsiitsa; sa lwaba lwatsiitsa mu biluumbu kuumi. Ba wakwiikama natee dya lufwa, tumi nyikuha lukoongolo lwamwooyo.»

Nyabusulu ya Yowane 3:10

Mu bukuri ye wakebiri maampu maami mu kifiki, me se sa kebe ye mu ntaangu ya nsindukulu, dziyelemini kutubuka mu nsi yoyinso ya baatu, mu kusindukila babo badzakala mu nsi.

Nyabusulu ya Yowane 3:18

Ndoongi yi nyikuha, yiri ti suumba woolo dyatsyeemusu mu mbaawu kuri me, mpisi heki ye ba kisina, suumba binkuta byahembeke, wubilwaata mpisi sweeke nsoni dza kimpene kyaaku; suumba se mukelu wa kutsoniso mu miisu mpisi ye mono.