1 Pet 1:3 - Musamu Wamubwete 2013

³ Nzaambi, Taayi dya Mfumu yeetu Yesu Kiristo kaba wasakumunu! Nde wuri, bunu buri bunene bwa ngebe dzaandi, watubuta mu mbutukulu yamoono, mu nsiitu dzamwooyo, mu mfulukulu ya Yesu Kiristo mu bafwa,

1 Pet 1:3 ပူးပေါင်းရင်းမြစ်များ

Musamu wamubwete watina Yowane 1:13

bahele kubutuka mu makila, mu kutya kwa muswinyi, na mu kutya kwa muutu, ngo kasi mu Nzaambi.

Mukaanda kuri bari Loma 12:12

Beenee na kiminu mu nsiitu, beenee na nkindusulu-mutima mu mpasi, beenee basyaama mu lusaambulu.

Mukaanda kuri bari Loma 15:13

Hemese Nzaambi ya nsiitu kaluulusa mu kiminu kyokinso, na kiyeengi mu kanyi, mpisi luba lwabuukula mu nsiitu, mu mpinu dza Mpeeve Yangisi!

Mukaanda kuri bari Loma 4:25

Nde bamuyekele mu ntoono masumu meetu, na Nzaambi wamufulukisi mpisi tuba basuunguma.

Mukaanda kuri bari Loma 5:10

Mukwongo, mbuti ha twaba bataatu, Nzaambi wasuusa nyukusunu ha kakati dya nde na beetu, mu lufwa lwa Mwaana waandi, lo dyaburi tuhele kubvula kuba babvuukusu mu bumwooyo bwaandi, ha tumwaayukusuna na nde?

Mukaanda kuri bari Loma 8:11

Mbuti Mpeeve ya wunde wafulukisi Yesu mu bafwa, yadzakala mu beenu, lo wunde wafulukisi Kiristo mu bafwa, sa kaha bumwooyo kuri manyutu meenu ma mfwiilu, mu Mpeeve yaandi yadzakala mu beenu.

Mukaanda kuri bari Loma 8:24

Mukwongo, mu nsiitu beetu turi twabvuukusu; ngo nsiitu dzibaanaa dzamonokono lo dzisiiri nsiitu ko; mukwongo, na wuri lo siiri nsiitu mu bi kamono?

1 Kol 13:13

Mu lumalu, byo bitatu bibyo biri: kanyi, nsiitu na ntiilu; ngo mu byo, kibvuriri bunene ntiilu.

1 Kol 15:20

Ngo mu lumalu Kiristo wafuluka mu bafwa, nde ngo watete mu bafwa.

2 Kol 1:3

Kaba wasakumunu, Nzaambi, Taayi dya Mfumu yeetu Yesu Kiristo, Taayi diri na ngebe na diri na mboondulu yoyinso,

Mukaanda kuri bari Ngalatya 6:16

Na bobanso basalila mu ngisi yiyo, kiyeengi na ngebe biba kuri bo, na kuri Isaheli dya Nzaambi.

Mukaanda kuri bari Efeso 1:17

mpisi heki Nzaambi ya Mfumu yeetu Yesu Kiristo, Taayi dya nkeembu, kaluha mpeeve ya madyeele na ya nyabusulu, mu kuyaaba nde.

Mukaanda kuri bari Efeso 1:3

Kaba wasakumunu, Nzaambi wuri Taayi dya Mfumu yeetu Yesu Kiristo, nde watusakumuna mu nsakumunu dzodzinso dza kimpeeve, kunu kinsongi-yulu mu Kiristo.

Mukaanda kuri bari Efeso 1:7

Mu nde, beetu turi na nkuululu mu makila maandi, na mpemusunu ya lumvuki, bunu buri busina bwa bweese bwaandi,

Mukaanda kuri bari Efeso 2:4

Ngo Nzaambi waluula mu ngebe, mu ntoono ntiilu yaandi yayinene, yikari katutiila,

Mukaanda kuri bari Efeso 3:20

Kuri wunde wakuka mu kuyirika, kwakinkulu, ha yulu momanso ma tuloombaa bunu pe ma tutsimaa, bunu buri mpinu dzikwesala mu beetu,

Mukaanda kuri bari Kolosayi 1:23

Ngo luyelemini kunamitina kuba batuunguma, na kuba na keketee mu kanyi, kwahele kusasika mu nsiitu ya Musamu Wamubwete wu luri lwayuka, wu bari bayaabisa kuri biyiriki byobinso ha butoto, na wu nyayeki me Pawulo kisari.

Mukaanda kuri bari Kolosayi 1:27

Kuri bo, Nzaambi katiiri kuyaabisa, ha kakati dya makaanda, bunu buri busina bwa nkeembu ya mpaanu yimayi. Mpaanu yiyo ngo Kiristo mu beenu, nsiitu ya nkeembu.

1 Tes 1:3

Beetu tubaambukaana mwooyo mu biyiriki bya kanyi dyeenu, mu kisalu kya ntiilu yeenu, na mu kifiki kya nsiitu dzeenu mu Mfumu yeetu Yesu Kiristo, ha busu bwa Taayi dyeetu Nzaambi.

1 Tes 4:13

Bampaangi, beetu tutii ko ti beenu luba kunsa lubu, mu mitariri babo ba mwaafwa, mpisi luhele kwenyoongo bunu bakaka bahele na nsiitu.

2 Tes 2:16

Hemese Mfumu yeetu Yesu Kiristo nde-meene, na Taayi dyeetu Nzaambi, watutya na watuha mu bweese bwaandi, mboondulu ya bibvu ngo bibvu na nsiitu yayibwete,

1 Tim 1:14

Ngo bweese bwa Mfumu yeetu bwabuukila, ha kimosi na kanyi na ntiilu yiri mu Kiristo Yesu.

Mukaanda kuri Tito 2:13

mu kwekiingila nsiitu yayibwete, na monokunu nkeembu ya Nzaambi wadzaangama, na ya Mubvuukisi weetu Yesu Kiristo.

Mukaanda kuri Bahebeleho 3:6

Ngo Kiristo, wuri bunu Mwaana mu nzo, na nzo yiyo ngo beetu, mbuti tukebiri kifiki na kimweese kya nsiitu.

Mukaanda wa Yakobo 1:18

Mu kutya kwaandi, nde watubuta mu maampu ma ngwanwa, mu kuba bunu mintekesele mu biyiriki byaandi.

1 Pet 1:13

Hango-nkuumbu, beeneenu balubuka, beeneenu bari na ndiilu na nwiinu byayelemene, sileenu nsiitu dzodzinso mu bweese bu balutwalikila, mu ntaangu yimonokono Yesu Kiristo.

1 Pet 1:21

Mu nde, beenu lwasa kanyi mu Nzaambi, wamufulukisa mu bafwa, na wamuha nkeembu, kuri heki kanyi dyeenu, na nsiitu yeenu biba mu Nzaambi.

1 Pet 1:23

bu lwayeki lwabutuka mu mbutukulu yamoono, kari mu mumbutu wubolaa ko, ngo mu wuhelaa kubolo, mu maampu ma mwooyo ma Nzaambi mahelaa kusuka.

1 Pet 2:2

Bunu mwaa-baala bansoombo, dilileenu beene dyadibwete, dya maampu ma Nzaambi, mpisi heki mu nde beenu lubuuka mu kubaka mvuukulu,

1 Pet 3:15

Dumusee Kiristo Mfumu kunsa mitima myeenu. Beene bayirima mu mantaangu momanso, mu kukalila buungu, kuri mpisi wunde wulufuula, nsiitu dziri mu beenu,

1 Pet 3:21

Kikyo kyaba kifwaani kya mbotokulu, yilubvuukisa mu lumalu, mbotokulu yiyo yiri ya nswaakulu mviindu dza muswinyi ko, ngo ntambukulu Nzaambi mu kitsimi, mu nzila ya mfulukulu Yesu Kiristo,

1 Pet 3:5

Mukwongo, bubwo mu ntaangu yayikulu, bakyeetu bangisi, baba na nsiitu mu Nzaambi, baba kwebweeyisaana manyutu maaku, mu kwetumuma kuri balumi baaku.

1 Yow 2:29

Mbuti beenu luyaari ti nde wasuunguma, lo yabee se ti mpisi wunde wusalilaa nsungumunu, lo wabutuka mu nde.

1 Yow 3:3

Mpisi wunde wuri na nsiitu dza bubwo mu Kiristo, lo wutsyeemikaa nde-meene, bunu bu kari katsyeemeke nde.

1 Yow 3:9

Mpisi wunde wabutuka kuri Nzaambi kayirikaa masumu ko, bukuri mumbutu Nzaambi wasa kikuundi mu nde. Nde ka katsiitsa kuyirika masumu ko, bukuri wabutuka kuri Nzaambi.

1 Yow 4:7

Banduku ba mutima, tutilisinee beetu na beetu, bukuri ntiilu yiri ya Nzaambi. Mpisi wuri na ntiilu wabutuka kuri Nzaambi na yaari Nzaambi.

1 Yow 5:1

Mpisi wunde wusa kanyi ti Yesu ngo Kiristo, lo nde wabutuka kuri Nzaambi, na mpisi wunde wutiiri mubuti, lo katya se wabutuka kuri nde.

1 Yow 5:18

Tuyaari ti mpisi wabutuka kuri Nzaambi, lo kayirikaa masumu ko, bukuri Mwaana Nzaambi wumukebaa, na Ngaa-bubi kari mbelemene nde ko.

1 Yow 5:4

bukuri mpisi wabutuka kuri Nzaambi, lo waluuluka mu nsi, na ndulukulu ya kuluuluka mu nsi, ngo kanyi dyeetu.