1 Pet 1:22 - Musamu Wamubwete 2013

²² Beenu lwatsyeemese miheebulu myeenu mu kutumuma kuri ngwanwa, mu dyaambu dya ntiilu ya kimpaangi, yahele na bumpitu-bumpyoongo. Tilisineenu beenu na beenu kwalaka mu mutima watsyeemeke,

1 Pet 1:22 ပူးပေါင်းရင်းမြစ်များ

Musamu wamubwete watina Yowane 15:17

Ma nyilutuma me mamama, tilisinee beenu na beenu.»

Musamu wamubwete watina Yowane 15:3

Beenu lweki lwatsyeeme, mu ntoono maampu ma nyiluleeriri me.

Musamu wamubwete watina Yowane 17:17

Wubasa bangisi mu ngwanwa, maampu maaku ngo ngwanwa.

Musamu wamubwete watina Yowane 17:19

[Me] nyisa bungisi mu me-meene mu ntoono bo, mpisi heki bo se baba bangisi mu ngwanwa.»

Biyiriki bya Bantumu 15:9

na wahele kusa nsobokoso ha kakati dya bo na beetu, bukuri mu kanyi, Nzaambi katsyeemisinyee mitima mya bo.

Biyiriki bya Bantumu 6:7

Maampu ma Nzaambi maba kwetsamikinana kwalaka, na lutaangu lwa bayiki lwaba kwefununa kwalaka ku Yerusalemi, na mpuumbu bisari bya mu Nzo-nzaambi yatumuma mu kanyi.

Mukaanda kuri bari Loma 1:5

Mu nde turi twataambula bweese na buntumu, mu kuri ti makaanda momanso matumuma mu kanyi, mu nkuumbu yaandi,

Mukaanda kuri bari Loma 2:8

Sa kasoongo nkesi na kabala kuri bakaka, mu ntoono tungu na bukuri bahele kutumuma kuri ngwanwa, kasi batumuma mu mya bubayi.

Mukaanda kuri bari Loma 8:13

Mukwongo, mbuti luri bamwooyo mu muswinyi, lo sa lwafwa; ngo kasi, mbuti mu Mpeeve, lo ludzusiri biyiriki bya kimuutu, na sa lwaba bamwooyo.

2 Kol 6:6

mu nsyemukunu, mu nyaabulu, mu nkindusulu-mutima, mu mbweeyulu-mutima, mu Mpeeve Yangisi, mu ntiilu yahele bumpitu-bumpyoongo,

Mukaanda kuri bari Ngalatya 3:1

Sa beenu bari Ngalatya bimpuumbulu! Na waluloko? Buri kari ha miisu mya beenu, bari bayirika kubaangula bunu bu bakomini Yesu Kiristo ha yulu kuruwa ko?

Mukaanda kuri bari Ngalatya 5:5

Mukwongo, mu Mpeeve, beetu turi mu kwekiingila nsungumunu yi turi twasiila nsiitu mu kanyi.

Mukaanda kuri bari Ngalatya 5:7

Beenu lwaba kwedzumuna kwakubwe; ngo na walukabukisi mu kuhele kutumuma kuri ngwanwa?

Mukaanda kuri bari Efeso 4:3

Salilee makwa, mu kukebe kintwaari kya Mpeeve, mu musiinga wa kiyeengi.

Mukaanda kuri bari Filipo 1:9

Di nyiri mu kwesaambikila me diri ti: ntiilu yeenu yihamisa kubvuriri mu nyaabulu yangwanwa, na mu mbakululu yoyinso,

1 Tes 3:12

Hemese Mfumu kabuukisa na kabweese ntiilu yi luri na yo beenu na beenu, na mu baatu bobanso, bunu bu tulutiiriri beetu seenee.

2 Tes 1:3

Bampaangi, Beetu tuyelemini kubvutula matoondo mpisi ntaangu kuri Nzaambi, mu ntoono beenu. Buri bwabubwete, bukuri kanyi dya beenu diri mu kwebuuka kwalaka, na ntiilu yi luri na yo mu bambaasi yiri mu kwehamisa mu muutu-muutu.

2 Tes 2:13

Beetu ngo bari, tuyelemini kubvutula matoondo kuri Nzaambi mpisi ntaangu, mu ntoono beenu bampaangi batya kuri Mfumu, bukuri Nzaambi walusoolo bunu mintekesele, mu kuba babvuuka kunsa bungisi buluha Mpeeve, na kanyi mu ngwanwa.

1 Tim 1:3

Bunu bu nyabee kuleele, ha nyabee kweende me ku Makedonya, dzakala ku Efeso, mpisi heki wedika babamosi, yaa beyikisa nyikusulu dzikimi ko,

1 Tim 1:5

Mufunu ntumunu yimayi, wuri mu kuri ti luba na ntiilu yifumunaa mu mutima watsyeemeke, nsimunu yayibwete, na kanyi dyahele bumpitu-bumpyoongo.

1 Tim 4:12

Muutu yaa kasaana butuuti bwa ye ko, ngo soongo kifwaani kuri bangaa-kanyi, mu nzoonsulu, mu ndyaatulu, mu ntiilu, mu kanyi, na mu bungisi.

1 Tim 5:2

bakyeetu babuuka, bahololo bunu banguri, bantuumba bunu bibusi, kunsa bungisi bwobunso.

2 Tim 1:14

Kebe maampu mamabwete mawuunguku mu ye, kuri Mpeeve Yangisi yidzakalaa mu beetuneenu.

Mukaanda kuri Bahebeleho 11:8

Mu kanyi, Abalaami katumumini mu mbila yi kayukiri, mu kweende ku nsi yi kaba kayelemene kutaambula bunu saala, na wayende kwahele kuyaaba ku kaba kweende.

Mukaanda kuri Bahebeleho 13:1

Hemese ntiilu ya kimpaangi yinamitina kuba.

Mukaanda kuri Bahebeleho 5:9

Bu kakukisa kiteesu kyaandi, nde wayeki, wunde wuhaanaa mvuukulu ya mantaangu momanso, kuri bobanso bamutambukilaa.

Mukaanda kuri Bahebeleho 6:10

Mukwongo, Nzaambi wahele na bubayi, mu kudzimbikina kisalu kyeenu, na ntiilu yi luri lwasoongo mu nkuumbu yaandi, bu lwasariri bangisi, na bu luri mu kunamitina kubasalila.

Mukaanda kuri Bahebeleho 9:14

lo makila ma Kiristo, waheeri nyutu yaandi yahele na kipfuumi, mu Mpeeve ya mantaangu momanso kuri Nzaambi, mabvuriri kutsyeemese nsimunu yeetu mu biyiriki byafwa, mu kusalila Nzaambi yamwooyo.

Mukaanda wa Yakobo 1:21

Hango-nkuumbu, bu lumwaalooso myominso myamviindu, na biyiriki bya mutima-bubi, taambuleenu mu kidzuunu maampu makunu mu beenu, makuka mu kubvuukisa miheebulu myeenu.

Mukaanda wa Yakobo 4:8

Kokosolee kuri Nzaambi, na nde sa kakokosolo kuri beenu. Swaakee myooko myeenu, beenu bangaa-masumu. Tsyeemesee mitima myeenu, beenu bangaa-maketi-keti.

1 Pet 1:2

bunu buri nyaabulu yatekesele ya Taata Nzaambi, mu mpeelu bungisi ya Mpeeve, mu ntumumunu na nyakunu makila ma Yesu Kiristo. Bweese na kiyeengi biba byafunusu kuri beenu!

1 Pet 2:17

Kiinseenu baatu bobanso, tyeeneenu bampaangi ba luri mu dibuundu, bvuminee Nzaambi, kiinseenu mbyaasi.

1 Pet 3:1

Bwobumosi beenu bakasi, tumumeenu kuri balumi beenu, mpisi heki ti hayuku babamosi babisa kusiila kanyi mu maampu, baba babakama kwahele maampu, ngo mu ndyaatulu ya bakasi baaku,

1 Pet 3:20

byabisiri kusa kanyi mu ntaangu yayikulu, yaba namitinaa nkindusulu-mutima ya Nzaambi, mu biluumbu bya Nowa, bi kaba kwetuunga nzo ya kiluungu, munsa yo baatu bantele, miheebulu mpoomo myabvuukiri mu maampa.

1 Pet 3:8

Ha mambisa haho, yukusunee beenu-banso, kabusinee mpasi, tyeenee bampaangi, beenee bangaa-ngebe, beene bakuluka,

1 Pet 4:17

Bukuri kimaki ngo kilookolo kya kubaandika mutsuundu mu nzo ya Nzaambi. Ngo mbuti bandukiri mu beetu, lo buri bubeele nsukulu ya babo, babisa kusa kanyi mu Musamu Wamubwete wa Nzaambi?

1 Pet 4:8

Tekeselee meti, kutilisina kwalaka beenu na beenu, bukuri "ntiilu yifuukaa fundu-fundu dya masumu".

2 Pet 1:7

ha yulu kinzaambi, nzala-baatu, ha yulu nzala-baatu, ntiilu.

1 Yow 3:11

Wumawu ngo mukeensu wu luri lwayuka kuholosono kunu mbandukulu: Twetilisineenu beetu na beetu.

1 Yow 3:23

Lumalu ngo lutumu lwaandi: ti beetu tusa kanyi mu Mwaana waandi, Yesu Kiristo, na tutilisinee beetu na beetu, bunu bu kari katuha lutumu.

1 Yow 4:12

Kuri muutu ko wumwaamono Nzaambi. Mbuti tutilisinaa beetu na beetu, lo Nzaambi wusanaa kikuundi mu beetu, na ntiilu yaandi mu beetu yayeki yakuka.

1 Yow 4:20

Mbuti muutu wuleele ti: «Me ntiiri Nzaambi», ngo wubelaa mpaangi yaandi, lo nde ngaa-mpya. Mukwongo, wunde wuhelaa kutya mpaangi yaandi yikamono, lo katsiitsa kutya Nzaambi ko, wu kahele kumono.

1 Yow 4:7

Banduku ba mutima, tutilisinee beetu na beetu, bukuri ntiilu yiri ya Nzaambi. Mpisi wuri na ntiilu wabutuka kuri Nzaambi na yaari Nzaambi.

Nyabusulu ya Yowane 2:4

Ngo kasi di mberiri me mu ye diri: ye wayekele ntiilu yaaku yatete.