1 Pet 1:17 - Musamu Wamubwete 2013

¹⁷ Na mbuti beenu luteelaa mu lusaambulu ti Taata, wunde wahele na kimpengeki, wutsuundisa muutu-muutu bunu buri biyiriki byaandi, lo dyaatileenu mu kibvumi, mu ntaangu ya kidziingu kyeenu mu nsi ya bunzeense yi,

1 Pet 1:17 ပူးပေါင်းရင်းမြစ်များ

Musamu wamubwete watina Matayi 16:27

Mukwongo, Mwaana muutu weki mu kwiisa mu munkeembu wa taayi dyaandi, kintwaari na bambasi baandi; haho, nde kabvutula kuri muutu-muutu, bunu buri biyiriki byaandi.

Musamu wamubwete watina Matayi 22:16

Bo baheeke bayiki ba bo, kintwaari na baatu ba Erode kuri nde, baleele ti: «Muyikisi, beetu tuyaari ti ye ngaa-ngwanwa, na ye wuri mu kweyikisa nzila ya Nzaambi mu ngwanwa; ye wabataa muutu ko; bukuri ye wamonaa kinzeri kya baatu ko,

Musamu wamubwete watina Matayi 6:9

Hango beenu bumabu luyelemini kusambikila: "Taayi dyeetu diri mu mayulu, hemese nkuumbu yaaku yiduma;

Mukaanda kuri bari Loma 11:20

Bwabubwete; bimpaala bibyo babitaburi bukuri byahele na kanyi, ngo kasi ye wakangimina mu kanyi. Yaa ba na masiiku ko, ngo ba na boomo.

2 Kol 1:2

Bweese na kiyeengi bifumunaa kuri Nzaambi, Taayi dyeetu, na kuri Mfumu Yesu Kiristo, biba na beenu.

2 Kol 5:6

Ngo beetu twaluula mu nsiitu mu mantaangu momanso, na tuyaari ti, bu turi mu nyutu yimayi, turi ku bunzeense la na Mfumu;

2 Kol 7:1

Ngo banduku ba mutima, bukuri turi na nsiilulu dza bubwo, tutsyeemekeenu mu mamviindu momanso ma muswinyi na ma kiluunsi, na tukukiseenu bungisi kunsa kibvumi kya Nzaambi.

2 Kol 7:11

Sa monee mu lumalu, nkya kifiki ngebe dza ntiilu ya Nzaambi dzibutiri mu beenu: nkya mampemisi, nkya minyoongi, nkya boomo, nkya musoongo, nkya kuheme, nkya maseembu! Mu myominso beenu lwasoongiri ti, lwahele na kibila mu musamu wunde.

Mukaanda kuri bari Ngalatya 2:6

Kwaba se baatu ba lukiinsu, ngo me nyasii mono byasobokono mu bo ko; Nzaambi ka koomonaa buri muutu ko. Kuri me, bakuutu ba kibvumi babo basii nkwiikisa ntoono ti mosi ko.

Mukaanda kuri bari Efeso 1:17

mpisi heki Nzaambi ya Mfumu yeetu Yesu Kiristo, Taayi dya nkeembu, kaluha mpeeve ya madyeele na ya nyabusulu, mu kuyaaba nde.

Mukaanda kuri bari Efeso 3:14

Mu didyo, me nyitsukuma ha busu bwa Taata,

Mukaanda kuri bari Efeso 6:9

Beenu se bamfumu, yirikeenu bwobumosi kuri bankutu beenu, mu kuhele kwesalila kibakala, bu luyaari ti, na bo na beenu luri na Mfumu yiri mu mayulu, na kuri nde kimpengeki kyo pe.

Mukaanda kuri bari Filipo 2:12

Mu didyo, banduku baami ba mutima, bunu bu lukootumumaa mu mpisi ntaangu, kari hani ha busu bwa me ko, ngo mu lumalu, bvulee kutumuma, me bu nyiri nde pe. Salilee mu kibvumi na mu ntekutulu, mu kubaka mvuukulu ya beenu-meene,

Mukaanda kuri bari Kolosayi 3:25

Mukwongo, wunde wusalila bubayi sa kataambula mamo ma kari kayirika ma bubayi; ka kuba munsoori mu baatu ko.

Mukaanda kuri Bahebeleho 12:28

Ngo bukuri sa twataambula kimfumu kiri kyaningina ko; tubvutulee matoondo na tusalilee Nzaambi bwayelemene, kunsa kinzaambi na mu kibvumi.

Mukaanda kuri Bahebeleho 4:1

Ngo tuseenee madyeele, lusiilulu lwa kukoto mu mpuumunu yaandi bu lwakiri, muutu mu beenu kahele kumono kuri ti, nde wasaala ku lumperi.

1 Pet 2:11

Banduku ba mutima, me nyilusyaamisa bunu minzakikiri miri ku bunzeense, mu kukaanga mutima, mu kuhele kubwa mu nyiimunu dza muswinyi, dzikwenwaanisa muheebulu.

1 Pet 3:15

Dumusee Kiristo Mfumu kunsa mitima myeenu. Beene bayirima mu mantaangu momanso, mu kukalila buungu, kuri mpisi wunde wulufuula, nsiitu dziri mu beenu,