1 Pet 1:13 - Musamu Wamubwete 2013

¹³ Hango-nkuumbu, beeneenu balubuka, beeneenu bari na ndiilu na nwiinu byayelemene, sileenu nsiitu dzodzinso mu bweese bu balutwalikila, mu ntaangu yimonokono Yesu Kiristo.

1 Pet 1:13 ပူးပေါင်းရင်းမြစ်များ

Musamu wamubwete watina Matayi 20:4

Nde waleele kuri bo ti: "Beenu se yende ku nseke bviinya, tumi me nyiluha byayelemene."

Musamu wamubwete watina Luka 12:35

«Kaangee misweele myeenu, na namukee miinda myeenu.

Musamu wamubwete watina Luka 17:30

Bunubwo se, mbasi-tsuku buba mu kiluumbu, kiyabukina Mwaana muutu.»

Musamu wamubwete watina Luka 17:8

Buri lo kari, nde kumuleele ti: "Lambikila me byandya, lwaata kinkuta, nsiila byandya, natee me mana kudya na kunwa, tumi ye se dya na kunwa ko?"

Mukaanda kuri bari Loma 13:13

Twedyaatileenu bunu buyelemini mu mwiini-ngeembe: kwahele ndiilu ya mawaamba, nkolulu malu, kimpala, buyala, mayumu na musoki,

Mukaanda kuri bari Loma 8:19

Mukwongo, nsi yoyinso yiri mu kwekiingila mu kinsukulu-mutima, ntaangu mbasi-tsuku, yi yabakana baala ba Nzaambi.

1 Kol 1:7

kuri lo beenu luri ti na kikabu kimosi ki luri kyo pe ko, buluri mu kwekiingila monokunu ya Mfumu yeetu Yesu Kiristo.

1 Kol 13:13

Mu lumalu, byo bitatu bibyo biri: kanyi, nsiitu na ntiilu; ngo mu byo, kibvuriri bunene ntiilu.

Mukaanda kuri bari Efeso 6:14

Telemeenu na ngwii, lwateenu ngwanwa ngo musweele mu luketu lweenu, na lwaateenu nsungumunu ngo kinkuta kya mu ntulu kya mukaanda kibulu.

Mukaanda kuri bari Kolosayi 3:4

Mu ntaangu mbasi-tsuku yi monokono Kiristo, nde wuri kidziingu kyeenu, beenu se kintwaari na nde sa lwamonokono mu nkeembu.

2 Tes 1:7

na kaha mpuumunu, kuri beenu luri mu kwemono manyoongi, na kuri beetu. Mimyo mbasi-tsuku sa myaba ha monokono Mfumu Yesu mu mayulu na bambasi ba mpinu dzaandi,

2 Tim 4:5

Ngo ye, ba wasoongolo mu myominso, kuunda mpasi, sa kisalu kya budingisi, kukisa kisalu kyaaku.

2 Tim 4:8

Mu lumalu, ba mwaampungukila mpu ya nsungumunu, mbasi-tsuku yi nyakisa Mfumu, mutsuundisi wasuunguma, mu kiluumbu kikyo; kari kunu kuri me ko, ngo kuri bobanso se batiiri monokunu yaandi.

Mukaanda kuri Bahebeleho 10:35

Ngo yaa luyekele nsiitu yeenu ko, mu yo muri museendu wamunene.

Mukaanda kuri Bahebeleho 3:6

Ngo Kiristo, wuri bunu Mwaana mu nzo, na nzo yiyo ngo beetu, mbuti tukebiri kifiki na kimweese kya nsiitu.

Mukaanda kuri Bahebeleho 6:19

dziri bunu kinko kya kidziingu kyeetu, kyakomono mu makwa na keketee, kyakaanga natee mu nsaanda Nzo-nzaambi ya ku yulu.

Mukaanda kuri Bahebeleho 9:28

bunubwo se, Kiristo bamuha mu kikabu mbala mosi, mu kuyusula masumu ma fundu-fundu dya baatu, na kumonokono lwadzoolo kwahele masumu, kuri babo bamukiinga, mpisi kabaha mvuukulu.

1 Pet 1:10

Babikiri basaka kuyaaba na bafyongokono musamu wa mvuukulu yiyo, na babikula mu ntoono bweese bwa beenu.

1 Pet 3:15

Dumusee Kiristo Mfumu kunsa mitima myeenu. Beene bayirima mu mantaangu momanso, mu kukalila buungu, kuri mpisi wunde wulufuula, nsiitu dziri mu beenu,

1 Pet 4:7

Nsukulu bitotolo byobinso yeki bele. Ngo dyaatileenu mu madyeele, na beenee na ndiilu na nwiinu byayelemene, mu ntoono lusaambulu.

1 Pet 5:12

Mu lubakusu lwa Silvano, wu nyihololaa me bunu mpaangi yakwiikama, me nyilutinini mwaa-mukaanda wumawu, mu kulusyaamisa na mu kuta kimbaangi, ti bweese bwa Nzaambi bu luri lwasiila nsiitu buri bwangwanwa.

1 Pet 5:8

Beene bangaa-ndiilu na nwiinu byayelemene, beenee naana. Mutaatu weenu dyabulu, wuri mu kwedyengekele bunu nkosi yi kwewuma, yi kwesaka wu kamingutina.

1 Yow 3:3

Mpisi wunde wuri na nsiitu dza bubwo mu Kiristo, lo wutsyeemikaa nde-meene, bunu bu kari katsyeemeke nde.