1 Kol 9:17 - Musamu Wamubwete 2013

¹⁷ Mukwongo, mbuti me nyikwesala mu kutya kwa me-meene, lo me mbakiri mufutu; ngo mbuti kari mu kutya me-meene ko, lo kini kisalu kibari bampa nyikwesala.

1 Kol 9:17 ပူးပေါင်းရင်းမြစ်များ

Musamu wamubwete watina Matayi 10:41

Mpisi wunde wutaambula mubikiri, bukuri wu kataambula wunde mubikiri, lo sa kataambula museendu wa mubikiri; na mpisi wunde wutaambula muutu wasuunguma, bukuri wu kataamburi wunde wasuunguma, lo sa kataambula museendu wa muutu wasuunguma.

Musamu wamubwete watina Matayi 24:25

Mono, me tekisiri kuluyaabisa.

Musamu wamubwete watina Luka 12:42

Mfumu waleele: «Nkya kisari kyakwiikama na kyalubuka, kiri mfumu wumuha lutumu ha yulu bisari bya mu nzo yaandi, mu kubaha byandya mu ntaangu yayelemene?

Musamu wamubwete watina Yowane 4:36

Mutori bimbutu bakiri mufutu waandi, na kutukisi bimbutu mu ntoono kidziingu kyahele manunu, kuri heki mukuni na mutori bakeembe mu kintwaari.

1 Kol 3:14

Mbuti kisalu kyatuunga muutu ha yulu lufulu, kiri bunu bu kiri, lo nde sa kataambula mufutu.

1 Kol 3:8

Mukuni na munyaki-maampa boboolo muutu mosi, mpisi muutu sa kataambula mufutu waandi, bunu buri kisalu kyaandi.

1 Kol 4:1

Mu didyo, baatu bayelemini kutuhololo bunu bisari bya Kiristo, na bakebi ba mpaanu dza Nzaambi.

1 Kol 9:16

Mukwongo, mbuti me nyikweyaabisa Musamu Wamubwete, lo yiri ntoono ya kimweese kuri me ko, bukuri me nyabiinduma mu mamo; ngo kyaari kuri me, mbuti nyahele kuyaabisa Musamu Wamubwete.

1 Kol 9:18

Hango museendu me nki nde? Mu kuha kwa mungengi, Musamu Wamubwete wu nyikweyaabisa, mu kuhele kusalila miswa mi nyiri na myo mu Musamu Wamubwete.

2 Kol 8:12

Bukuri mbuti bitsimi biri byabibwete, lo bataamburi kikabu, bunu buri bi tubakiri nkani ka mu bi tuheriri kubaka ko.

Mukaanda kuri bari Ngalatya 2:7

Ngo kasi, bo bamwiini kuri ti me bampeeri Musamu Wamubwete mu kunata kuri bahele kuteende bubakala, bunu bu baheeri se, Musamu Wamubwete kuri Petelo, mu kunata kuri bateende bubakala.

Mukaanda kuri bari Kolosayi 1:25

Mu dyo, me nyayeki kisari, bunu buri bitsimi bya Nzaambi, bikari kaha kuri me, mu ntoono beenu, mu kukukisa maampu ma Nzaambi,

1 Tes 2:4

Ngo bukuri Nzaambi watufyongokini mu kutuyakisa Musamu Wamubwete, beetu tukweyikisa kari mu kubweeye ha busu bwa baatu ko, ngo ha busu bwa Nzaambi, nde wufyongokinaa mitima myeetu.

Film 1:14

Ngo me nsiiri kutya kuyirika ntoono kwahele kitsimi kya ye ko, mpisi kiyiriki kyaaku kyakibwete, kihele kuba mu kukwiikisa, ngo bunu buri nyukulu yaaku.