1 Kol 9:16 - Musamu Wamubwete 2013

¹⁶ Mukwongo, mbuti me nyikweyaabisa Musamu Wamubwete, lo yiri ntoono ya kimweese kuri me ko, bukuri me nyabiinduma mu mamo; ngo kyaari kuri me, mbuti nyahele kuyaabisa Musamu Wamubwete.

1 Kol 9:16 ပူးပေါင်းရင်းမြစ်များ

Musamu wamubwete watina Matayi 25:16

Hanaho, kisari kyataambiri bitalanta bitaanu wayende kweebisalila, na wabaka bitaanu bikimi.

Musamu wamubwete watina Luka 9:62

Yesu waleele kuri nde ti: «Muutu habaanaa wakwaata kikokolo mu kutsaba nseke, ngo wubweese kukebekele ku mambisa, lo wahele kuyelemene mu Kimfumu kya Nzaambi.»

Biyiriki bya Bantumu 4:20

Mukwongo, beetu tubangisina ko, mu kuhele kuyikisa ma turi twamono na ma turi twayuka.»

Biyiriki bya Bantumu 9:15

Mfumu waleele kuri nde ti: "Yende, bukuri weki kisalulu kya me ki nyiri nyasoolo, mu kunata nkuumbu yaami ha busu bwa makaanda, na se ha busu bwa bambyaasi na baala ba Isaheli;

Biyiriki bya Bantumu 9:6

ngo kasi teleme na koto kunsa bvula na sa bakuleele mamo ma yelemini ye kusa."

Mukaanda kuri bari Loma 1:14

Me nyiri na ma nyelemini kuyirika kuri Bahelene na kuri banzeense, kuri bangaa-madyeele na kuri madzeeke se.

Mukaanda kuri bari Loma 15:17

Hango, me nyiri na kimweese mu Kiristo Yesu, mu mya Nzaambi.

Mukaanda kuri bari Loma 4:2

Mbuti Abalaami mu biyiriki kari walulukusu, lo wuri na miswa mu kuba na masiiku; ngo ka ha busu bwa Nzaambi ko.

1 Kol 4:15

Mukwongo, lu ti hayuku lwiisiri kubaka mafuunda ma bayikisi mu Kiristo, lo luri na bataayi balaka ko, bukuri mu Kiristo Yesu, me nyalubutiri mu nyabusulu Musamu Wamubwete.

1 Kol 9:12

Mbuti bakaka bari na miswa mu beenu, buri beetu lo twahele kubvula miswa? Kasi beetu twasii salila miswa mimyo ko, ngo beetu twakuundiri momanso, mpisi tuhele kutelemese bikaku mu Musamu Wamubwete wa Kiristo.

1 Kol 9:14

Bunubwo se, Mfumu kari katuma kuri ti, babo bakweyaabisa Musamu Wamubwete, kidziingu kwebakila mu Musamu Wamubwete.

2 Kol 2:12

Me nyatubuka ku Torowasi, mu kweyaabisa Musamu Wamubwete wa Kiristo, na Mfumu wanzibukila mweelu,

Mukaanda kuri bari Kolosayi 4:17

Leeleenu kuri Arkipo ti: Sa madyeele mu kisalu ki wuri wataambula mu Mfumu, mpisi sala kyo kwakubwete.