1 Kol 8:7 - Musamu Wamubwete 2013

⁷ Kasi nyaabulu yahele mu bobanso, babamosi bakiri bayuku mu kwesaambila biteki natee lumalu, bakwedya toongo mu kitsimi kiri ti, twaha mu kikabu kuri biteki, na nsimunu bo yiri na buyonsi, yasumuka.

1 Kol 8:7 ပူးပေါင်းရင်းမြစ်များ

Biyiriki bya Bantumu 15:20

Kasi batinineenu mu mukaanda ti yaa besumuka mu biteki ko, yaa besa buyala ko, yaa bedya toongo twa bibulu byadzusa mu tsukusulu muwuumunu, na bedya makila ko.

Mukaanda kuri bari Loma 14:14

Me nyaari, na nyiri na nsiitu mu Mfumu Yesu, ti kuri kyasumuka mu kyo-meene ko; ngo mbuti muutu habaanaa wusa kitsimi ti kitotolo ki kyasumuka, lo mu nde kyeki kyasumuka.

Mukaanda kuri bari Loma 15:14

Mu mitariri beenu, bampaangi baami, me nyirikiri kuyaaba ti, beenu se lwaluula mu mutima-bubwe, lwaluulusu mu nyaabulu yoyinso, na lwakuka mu kwelubusina beenu na beenu.

1 Kol 10:25

Dyeenee mpisi bi bayarikaa ha dzaandu, kwahele kweha bifuuri, ngo kuri mutima waholo;

1 Kol 8:1

Mu musamu wutariri toongo twaha mu kikabu kuri biteki, tuyaari kuri ti beetu-banso turi na nyaabulu, ngo nyaabulu yihaanaa masiiku, kasi ntiilu yihaanaa ntuungulu.

1 Kol 8:4

Mu mitariri ndiilu ya toongo twaha mu kikabu kuri biteki, tuyaari kuri ti kiteki kiri kitotolo ko mu nsi, na ka kuri nzaambi yikimi ko, mbuti ka yomosi kitsu ko.

1 Tes 5:14

Beetu tulusyaamisa, bampaangi: seembeenu babo bari kunsa kisaangila, syaamiseenu bari na boomo, kumiseenu bari na bubolo, beeneenu na nkindusulu-mutima mu bobanso.