1 Kol 8:4 - Musamu Wamubwete 2013

⁴ Mu mitariri ndiilu ya toongo twaha mu kikabu kuri biteki, tuyaari kuri ti kiteki kiri kitotolo ko mu nsi, na ka kuri nzaambi yikimi ko, mbuti ka yomosi kitsu ko.

1 Kol 8:4 ပူးပေါင်းရင်းမြစ်များ

Musamu wamubwete watina Malako 12:29

Yesu wabvutula ti: «Yibvuriri bunene ngo: "Isaheli Yuka! Mfumu Nzaambi yeetu, nde mosi.

Biyiriki bya Bantumu 14:15

na baleele ti: "Bampaangi, buri lusa mya bu mi? Beetu se turi na bitsimi byobimosi na beenu, beetu turi baatu bunu beenu; Musamu Wamubwete wutuluyaabisiri, ngo mu kubwoongolo myahele mufunu mi, mu kusyeeteke kuri Nzaambi ya mwooyo, wayirika yulu, butoto, mubu na byobinso biri mu byo;

Biyiriki bya Bantumu 15:20

Kasi batinineenu mu mukaanda ti yaa besumuka mu biteki ko, yaa besa buyala ko, yaa bedya toongo twa bibulu byadzusa mu tsukusulu muwuumunu, na bedya makila ko.

Biyiriki bya Bantumu 19:26

lutala na luyuka ti ka kunu ku Efeso ko, ngo kampe mu Asya dyodinso, Pawulo, wayukusa baatu, na mpuumbu yalaka yahoomboko kuri nde, wukweleele ti, banzaambi bayiriku mu myooko mya baatu, bari banzaambi ko.

1 Kol 8:1

Mu musamu wutariri toongo twaha mu kikabu kuri biteki, tuyaari kuri ti beetu-banso turi na nyaabulu, ngo nyaabulu yihaanaa masiiku, kasi ntiilu yihaanaa ntuungulu.

1 Kol 8:10

Bukuri, mbuti muutu wumono ye wuri na nyaabulu, wuri mu kudya mu nzo yi basaambilaa biteki, buri lo nsimunu nde yiri na buyonsi, yahele kumutwaalisa mu kudya toongo twaha mu kikabu kuri biteki?

1 Kol 8:11

Mukwongo, mu ntoono nyaabulu ya ye, muutu wuri na buyonsi lo dziimbiri, mpaangi yiyo yiri Kiristo wamufwiila.

Mukaanda kuri bari Ngalatya 4:8

Kasi mu ntaangu yayikulu, bu lwaba lwahele kuyaaba Nzaambi, beenu lwaba bankutu, kuri bibyo biri byahele kuba Nzaambi mu ngwanwa.

Mukaanda kuri bari Efeso 4:6

Nzaambi mosi yiri, Taayi dya bobanso, wutuma bobanso, wukwesala mu bobanso, na wuri mu bobanso.

1 Tim 1:17

Kuri Mbyaasi ya mantaangu momanso, yiri kafwaana ko, bamumonaa ko, Nzaambi yomosi kitsu, kuba lukiinsu na nkeembu mu bibvu ngo bibvu, Amene.

1 Tim 2:5

Mukwongo, Nzaambi mosi kitsu yiri, na munkabu-kati se mosi kitsu wuri, ha kakati dya Nzaambi na baatu, munkabu-kati wunde muutu kari, ngo Kiristo Yesu.

Mukaanda Yuda 1:25

kuri Nzaambi yomosi, Mubvuukisi weetu mu Yesu Kiristo, Mfumu yeetu, kuba nkeembu, bumfumu, makwa na lutumu, tekesele mantaangu momanso na mu lumalu natee bibvu byobinso, bunubwo! Amene.