1 Kol 8:10 - Musamu Wamubwete 2013

¹⁰ Bukuri, mbuti muutu wumono ye wuri na nyaabulu, wuri mu kudya mu nzo yi basaambilaa biteki, buri lo nsimunu nde yiri na buyonsi, yahele kumutwaalisa mu kudya toongo twaha mu kikabu kuri biteki?

1 Kol 8:10 ပူးပေါင်းရင်းမြစ်များ

Biyiriki bya Bantumu 15:20

Kasi batinineenu mu mukaanda ti yaa besumuka mu biteki ko, yaa besa buyala ko, yaa bedya toongo twa bibulu byadzusa mu tsukusulu muwuumunu, na bedya makila ko.

Mukaanda kuri bari Loma 14:14

Me nyaari, na nyiri na nsiitu mu Mfumu Yesu, ti kuri kyasumuka mu kyo-meene ko; ngo mbuti muutu habaanaa wusa kitsimi ti kitotolo ki kyasumuka, lo mu nde kyeki kyasumuka.

Mukaanda kuri bari Loma 14:23

Wunde wuri na maketi-keti mu bi kadya, lo wuri na kibila, bukuri ma kayirika mahele kufumuna mu kanyi. Mpisi mahele kufumuna mu kanyi, lo masumu mari.

1 Kol 10:32

Yaa lwebumisa baatu makya ko, ti Bayudayo, ti Bahelene, ti dibuundu dya Nzaambi,

1 Kol 8:4

Mu mitariri ndiilu ya toongo twaha mu kikabu kuri biteki, tuyaari kuri ti kiteki kiri kitotolo ko mu nsi, na ka kuri nzaambi yikimi ko, mbuti ka yomosi kitsu ko.

1 Kol 8:7

Kasi nyaabulu yahele mu bobanso, babamosi bakiri bayuku mu kwesaambila biteki natee lumalu, bakwedya toongo mu kitsimi kiri ti, twaha mu kikabu kuri biteki, na nsimunu bo yiri na buyonsi, yasumuka.

1 Kol 8:9

Seenee madyeele, kuri heki miswa mi luri na myo, mihele kubumisa makya kuri bari na buyonsi.