1 Kol 8:1 - Musamu Wamubwete 2013

¹ Mu musamu wutariri toongo twaha mu kikabu kuri biteki, tuyaari kuri ti beetu-banso turi na nyaabulu, ngo nyaabulu yihaanaa masiiku, kasi ntiilu yihaanaa ntuungulu.

1 Kol 8:1 ပူးပေါင်းရင်းမြစ်များ

Biyiriki bya Bantumu 15:10

Hango mu lumalu, buri lutiiri kusindukila Nzaambi, mu kukolokoso kihaangu mu mankiingu ma bayiki, kiri, ti bataayi beetu, ti beetu-meene twasii baka makwa ma kukinata ko?

Biyiriki bya Bantumu 15:29

Beenu biseenu toongo twa bibulu byadzusulu mu kikabu kuri biteki, makila, na toongo twa bibulu byadzusu mu nsukusulu muwuumunu, na buyala; mbuti lukebiri manyutu meenu mu mimyo, lo bubwo bwabubwe lusa. Mamboto menu!

Biyiriki bya Bantumu 21:25

Ngo kuri bangooyi babo bamwaasa kanyi, beetu twatinini kuri bo ma twakaangiri ti: bo yaa beedya toongo twa bibulu byadzusu mu kikabu kuri biteki ko, makila se kudya pe, toongo twa bibulu byadzusa mu nsukusulu muwuumunu se kudya pe, kimpala se kuta pe.

Mukaanda kuri bari Loma 11:25

Bampaangi, me ntii ko ti beenu luba kunsa lubu, mu mitariri mpaanu yimayi, mpisi luhele kumonoko bunu bangaa-madyeele mu beenu-meene, bukuri nkubulu mutima ya ndaambu kaanda dya Isaheli sa yaba, natee makaanda momanso makotiri.

Mukaanda kuri bari Loma 12:16

Beenee na nyukusunu beenu na beenu, yaa luba na masiiku ko, ngo tambukilee ma kuluka. Yaa lumonoko ba bangaa-madyeele mu beenu-meene ko.

Mukaanda kuri bari Loma 14:10

Ye buri wutsuundisa mpaangi yaaku? Bunu pe, ye buri wunyaafuna mpaangi yaaku? Mukwongo, beetu-banso sa twateleme ha busu bwa mutsuundu wa Nzaambi.

Mukaanda kuri bari Loma 14:14

Me nyaari, na nyiri na nsiitu mu Mfumu Yesu, ti kuri kyasumuka mu kyo-meene ko; ngo mbuti muutu habaanaa wusa kitsimi ti kitotolo ki kyasumuka, lo mu nde kyeki kyasumuka.

Mukaanda kuri bari Loma 14:19

Hango-nkuumbu, hemese tusakee mamo ma kiyeengi, na ma ntuungulu ya beetu na beetu.

Mukaanda kuri bari Loma 14:22

Kebe kanyi di wuri na dyo mu ye-meene, ha busu bwa Nzaambi. Kiminu kuri wunde wahele kubaka kibila mu ma katambukiri nde-meene.

Mukaanda kuri bari Loma 14:3

Wukoodyaa, yaa kanyaafuna wuri kakoodyaa ko. Wuri kakoodyaa ko, yaa katsuundisa wukoodyaa, bukuri Nzaambi wamutaambula.

Mukaanda kuri bari Loma 15:14

Mu mitariri beenu, bampaangi baami, me nyirikiri kuyaaba ti, beenu se lwaluula mu mutima-bubwe, lwaluulusu mu nyaabulu yoyinso, na lwakuka mu kwelubusina beenu na beenu.

1 Kol 1:5

bukuri mu nde, beenu lwayeki bisina mu momanso, mu maampu momanso na mu nyaabulu yoyinso.

1 Kol 10:15

Me nyiri mu kuludzoonsolo bunu ti kuri baatu bari na nyukulu, fyongokineenu beenu-meene mi nyileele me.

1 Kol 10:28

Kasi mbuti muutu wululeeriri ti: «Tu toongo tuha mu kikabu kuri biteki», lo yaa ludya ko, mu ntoono nde wuluyaabisiri, na mu ntoono nsimunu.

1 Kol 14:20

Bampaangi, yaa luba mwaa-baala mu nsimunu ko; mu mitariri mamabi, beenee mwaa-baala, ngo mu nsimunu, beenee bakuutu.

1 Kol 15:34

Nkati bvutukee ha lwaba, na yaa lubwa mu masumu ko, bukuri babamosi bahele na nyaabulu Nzaambi, me nyiludzusa nsoni.

1 Kol 4:10

Beetu turi bilawuku mu ntoono Kiristo, kasi beenu luri bangaa-madyeele mu Kiristo; beetu turi na buyonsi, kasi beenu luri na makwa; beenu luri bakeembusu kasi beetu turi banyaafunu.

1 Kol 4:18

Babamosi basii masiiku, kutsima ti kampe me nyikwiisa kuri beenu ko.

1 Kol 4:6

Bampaangi, mu ntoono beenu me mporiri kifwaani mu Apolo na mu me-meene, mpisi heki mu beetu, beenu luyika ntoono yiri ti: «Kupala pe ku mbasi mamo matinu», mpisi heki luhele kusa masiiku mu mosi kuri wakaka.

1 Kol 5:2

Ngo beenu, ha kibeendu kya kuba mu ngebe mpisi heki, wukweyirika ma bubwo, kaba wayisulu ha kakati dya beenu, beenu kusa masiiku?

1 Kol 5:6

Kimweese kya beenu kiri kyakibwe ko. Buri beenu lwahele kuyaaba, ti mwaa-ndaambu lufunusu yikootoombolaa mbanda yoyinso?

1 Kol 8:2

Mbuti muutu wutsima ti nde yaari kitotolo, lo wakiri wahele kuyaaba, bunu bu bayelemini kuyaaba.

1 Kol 8:4

Mu mitariri ndiilu ya toongo twaha mu kikabu kuri biteki, tuyaari kuri ti kiteki kiri kitotolo ko mu nsi, na ka kuri nzaambi yikimi ko, mbuti ka yomosi kitsu ko.

1 Kol 8:7

Kasi nyaabulu yahele mu bobanso, babamosi bakiri bayuku mu kwesaambila biteki natee lumalu, bakwedya toongo mu kitsimi kiri ti, twaha mu kikabu kuri biteki, na nsimunu bo yiri na buyonsi, yasumuka.

Mukaanda kuri bari Efeso 4:16

Mu nde nyutu yoyinso yiri yayirima, na yasokomo kwakubwete, mu biyikulu byobinso byayikwaata, bunu buri kisalu kyayelemene na mpisi muutu, na yikwebuuka mu ntuungulu ya yo-meene kunsa ntiilu.

Mukaanda kuri bari Kolosayi 2:18

Yaa lutala ko ti babo bakwemono kiminu mu kiteesu kya nkulukulu, na mu kwesaambila bambasi, baluwuungula. Bo bakwekengese bitotolo kwa buunu, na bakwesiika mu bitsimi bya kimuutu kyaaku.

Nyabusulu ya Yowane 2:14

Kasi me nyiri na munyoongi wantele mu ye: bukuri ye wuri na baatu bakaangama mu nyikusulu dza Balaami, waba yikisa kuri Balaki, bwa kubwiisila baala ba Isaheli, mu kudya toongo, twaha mu bikabu kuri biteki na kwesa buyala.

Nyabusulu ya Yowane 2:20

Ngo di nyiri nyabele ye, di wuri wahemese mukyeetu wuri nkuumbu Yedzabele, wu kweleele ti nde mubikiri, wukweyikisa na wukwedziimbisa bisari byaami, kuri bakwesa buyala, na bakwedya toongo twaha mu kikabu kuri biteki.