1 Kol 7:38 - Musamu Wamubwete 2013

³⁸ Mu didyo, wunde wukweelisiri bunswaasa bwaandi lo bubwe kayirikiri; ngo wunde wahele kubukweelese, lo bvuriri kuyirika mamabwe.

1 Kol 7:38 ပူးပေါင်းရင်းမြစ်များ

Musamu wamubwete watina Matayi 5:32

Ngo me nyiluleele ti: mpisi wunde wubinga mukasi waandi, mbuti ka kuri wabwa mu mvuutunu yadika ko, lo nde wumusinda mu kuta kimpala; na mbuti muutu kweeriri mukyeetu wu bamwaabinga, lo nde teeri kimpala.»

1 Kol 7:26

Ngo me nyitsima ti buri bwabubwete mu kuba bunubwo, mu ntoono mpasi dza ntaangu yimayi: buri bwabubwete kuri muutu mu kuba bunubwo.

1 Kol 7:37

Ngo kasi, wunde wakaanga kitsimi kya makwa kunsa mutima waandi, kuri bahele kumukwiikisa, na wuri na lutumu mu mi katiiri nde-meene, tsimini kunsa mutima waandi, ti yelemini kukiinsa bunswaasa bwaandi, lo bubwe kayirika.

1 Kol 7:39

Mukyeetu wakaangama mu mulumi waandi, mu ntaangu yoyinso yiri mulumi wuri wamwooyo; ngo mbuti mulumi fwiiri, lo mukyeetu bakiri bunsaalisi mu kukweele wu katiiri, ngo kakweele wunu wuri mu Mfumu.

1 Kol 7:8

Kuri bahele kukweele, na kuri bafwiila balumi me nyileele ti, buri bwabubwete mu kuba bunu me.

Mukaanda kuri Bahebeleho 13:4

Hemese makweele maba makiinsa kuri bobanso, na mbuka ya makweele yaa yiba yasumunu ko, bukuri Nzaambi sa katsuundisa biyala na bangaa-kimpala.