1 Kol 7:35 - Musamu Wamubwete 2013

³⁵ Me nyileele mamo mu ndaandu ya beenu-meene, kari kuri ti nyilutubula siinga ko, ngo mu kuri ti luba na mbeelu yayibwete, na kinkununu mu Mfumu kwahele kebu-kebu.

1 Kol 7:35 ပူးပေါင်းရင်းမြစ်များ

Musamu wamubwete watina Matayi 19:12

Mukwongo, kuri baatu babutuka bampokoro, kuholosono mu myooyo mya banguri; bakaka bampokoro mu nyirikulu ya baatu; bakimi bari bampokoro, mu ntiilu ya bo-meene, mu ntoono Kimfumu kya mayulu. Wubangisina kubakula, kabakula!»

Musamu wamubwete watina Matayi 22:15

Hanaho, Bafarisi bu bayende ku mfuunda, bakaanga bitsima, kya kumutekele mweete, mpisi bamubaka mu nzoonsulu.

Musamu wamubwete watina Luka 21:34

«Seenee madyeele mu beenu-meene, mu kubata ti mitima myeenu mikwiisa kuba malemu, mu ntoono nwiinu yamansaalisi, nkolulu malu, na minyoongi mya kidziingu kimaki, na kuri ti kiluumbu kikyo kihele kulutubukila na sisuu,

Musamu wamubwete watina Luka 8:14

Bibwiiri kunsa manseende, ngo babo bamwaayuka, ngo minyoongi, busina na biminu bya kidziingu bikwebaswetekese mu nzila, na bahele kutubuka ku kuyele.

1 Kol 7:2

Ngo kasi, mu kubata buyala, mpisi bakala kaba na mukasi wa nde-meene, na mpisi mukyeetu se kaba na mulumi wa nde-meene.

1 Kol 7:28

Ngo mbuti ye kweeriri, lo kari masumu yirikiri ko; na mbuti ntuumba yanswaasa yikweeriri, lo kari masumu kayirika ko; kasi babo bakweele sa bamono mpasi mu muswinyi, ngo me ntiiri kuluwuungula mu mpasi dzidzo.

1 Kol 7:36

Mbuti muutu wumono kuri ti, lo wahele bweese kukuunda kuba wa nswaasa, wuri na nzala kuyukutisa mpwiisu ya muswinyi, na buyelemini kuba bubwo, lo kayirika ma katiiri, nde wahele kuyirika masumu, kakweele kwaandi.

Mukaanda kuri bari Efeso 5:3

Buyala, na nsumukunu dza bitsuumbu-bitsuumbu, bunu pe ntiki-mboongo, yaa biba ha kakati dya beenu ko, bubwo bwayelemene kuri bangisi.

Mukaanda kuri bari Filipo 4:8

Mu misiiri ngo miri bampaangi, myominso miri myangwanwa, myominso myalukiinsu, myominso myasuunguma, myominso myatsyeemeke, myominso mi batiiri, myominso myamibwe mu kuleele, na mbuti kuri manzelu mamabwete, na myayelemene kusiika, lo tsiminee myominso mimyo.

1 Tim 1:10

bangaa-buyala, babakala bakweta kimpala na bambaasi babakala, baatu bakweyarika bankutu, bangaa-mpya, bakwelaba-maalu ma mpya, na bakweyirika mari kitaatu na nyikusulu dzadzibwete,

Mukaanda kuri Tito 2:3

Bakyeetu ba binuni se bwobumosi, mu kidziingu kya bo basoongo nzelu yayelemene mu bangisi. Yaa baba na makele ko, yaa baba bankutu ba nwiinu malu ya mawaamba ko, ngo baba bayikisi ba mamabwe,