1 Kol 7:31 - Musamu Wamubwete 2013

³¹ na babo bari mu kubaka ndaandu mu nsi yimayi, baba bunu ti bahele kubaka ndaandu, bukuri nsi yamonokono yimayi yiri mu kuluta.

1 Kol 7:31 ပူးပေါင်းရင်းမြစ်များ

Musamu wamubwete watina Luka 21:34

«Seenee madyeele mu beenu-meene, mu kubata ti mitima myeenu mikwiisa kuba malemu, mu ntoono nwiinu yamansaalisi, nkolulu malu, na minyoongi mya kidziingu kimaki, na kuri ti kiluumbu kikyo kihele kulutubukila na sisuu,

1 Kol 7:29

Bampaangi, me bu ntiiri kuleele ti: ntaangu yeki yayikufi; mu lumalu, babo bari na bakasi, baba bunu ti bahele na bakasi,

1 Kol 7:30

babo bari mu kudila, baba bunu ti bahele mu kudila, babo bari mu kumono kiminu, baba bunu ti bahele kumono kiminu, babo bari mu kusuumba baba bunu ti bahele na kitotolo,

1 Kol 9:18

Hango museendu me nki nde? Mu kuha kwa mungengi, Musamu Wamubwete wu nyikweyaabisa, mu kuhele kusalila miswa mi nyiri na myo mu Musamu Wamubwete.

Mukaanda kuri Bahebeleho 12:27

Ntoono yiri ti: «Nde wubweese kuteembese lukimi», yisoongo kuri ti, bitotolo bi bayirikiri sa byanyingina na kukituka, mpisi heki bibyo biri byanyingina ko binamitina kuba.

Mukaanda wa Yakobo 4:14

beenu lwahele kuyaaba bubeele kidziingu kya beenu bweepari. Mukwongo, beenu luri bunu mubuungi wuri, kapalaa mu mwaa-ntaangu, ha mambisa haho dziimbiri.

1 Pet 1:24

Bukuri «Mpisi muutu wuri bunu kitiiti, na nkeembu yaandi yoyinso yiri bunu kifulu kya kitiiti, kitiiti kikanaa, na kifulu kibwaanaa,

1 Pet 4:7

Nsukulu bitotolo byobinso yeki bele. Ngo dyaatileenu mu madyeele, na beenee na ndiilu na nwiinu byayelemene, mu ntoono lusaambulu.

1 Yow 2:17

Nsi yiri mu kuluta na nyiimunu dzaandi; ngo wunde wuyirikaa kutya kwa Nzaambi, lo wuri na kidziingu mantaangu momanso.